MATIUS 6:10 - ALLAH NIHYET MEM TUNGWATU NYA

¹⁰ Nani ne nyende Nibou Ndig ri. Akwei bindei ba, anyeng tak kep dihyeisi dini hagom leu binhyepo tungwatu nya yahagom ibit ahyet noyam kin Ade nipai testi ei gwamti nya di ibit ahyet.

MATIUS 6:10 ပူးပေါင်းရင်းမြစ်များ

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

MAZMUR 40:8

Lene dibuhup “tuhan e, da rini. Srat bokti di ipas ei srat kijumti pai,

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

DANIEL 7:27

Mpe dima lene Allah Di Ninyeng Jei Bibor miyai ninyeng tak kepti ide nisindemti kin nikei-kau-keisi ei dihyei nisurti-nipekti hagom bak Nide limwa nya. Ide nisindemti mem inyeng tak kep mijo ninno bijo kikau leu api nibou ndig dihyeisi dini yahagom mikuk yok biyok bibit ighyet.”

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 16:28

Ma jiyok ngon kep bipia je di jingat rin ei mpia dini jibihi mijimai bi bibou jingat Munggwom Tungwatu Nipmot di kwei nok Nibou Ndig bou jiyai him ug e.”

MATIUS 26:42

Yesus ngkwei hanyen bingat nadi bipai “Arig e, gino bit bon mok tut ninghuisi wei di suar cut igkep Dani jo minu ting leu Da kan bi bibou didut eisi ug e lene nna ba dikuk Da bak Nanti angon kanti hak ug.”

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 4:17

Mpe dima ne Yesus sindi tri tut nihyet bipai “Ma jittin ser jide sisar ba, jikiek ndam Allah lewo Allah Ninyeng Tak Kepti dideu kwei su!”

MATIUS 7:21

“Tungwatu nya imang bibor mindat kep dinyeng bipai ‘Tuhan! Tuhan!’ Noro yo dima yahagom micoi bit Allah Ninyeng Tak Kepti bi. Noro bikwop yo di igyai igbit Dicig ei gwamti ningon kanti he micoi bit.

MARKUS 11:10

Allah e, ayai gi kei bak icig Daud ninyeng tak kepti di mikwei yo o! Jikwei ba, inggei sut Allah o!”

MARKUS 3:35

Lewo no di yai igbit Dicig ningon kanti ne dikinjoi kin dikwohop kin dipmem ri.”

LUKAS 19:11

Tirigi tungwatu nya intu kep Yesus nihyet lene Noni binut nihyet nibiti nindati gom. Noni kwei dideu Yerusalem ba, tungwatu nya ikan bipia jei bi ne Allah ninyeng tak kepti mittau kwei ei dihyeisi dini.

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

LUKAS 22:42

bipai “Arig e, gino ajoi sut lene ma ayai ninghuisi wei di suar cut igkep da dini ug ei minu ting leu Da. Noro dibit dingon kanti bi leu binhyepo dibit angon kanti.” [

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

KISAH 13:22

Tirigi Allah cut Saul ninyeng nibou ndig leu lene Noni dimig Daud binok nibou ndig mem yok bu. Allah pai sut Daud ‘Jo nibreisi mem Da bipia Daud di Isai nipmot yai dingon di llei sut noni. Noni yai midyai hagom bit leu dingon kanti.’

KISAH 21:14

Bit bon nipingok ningonti kan bi. Gima rino nikes hon ba, nice tut yam hyet binipai “Nnaba tug hon Tuhan ningon kanti hak ug.”

KISAH 22:14

Noni pai bida ‘Ide pung di intun him nya ide Allah dimig na leu binhyepo akan tut Nonti ningon kanti ba, angat Yesus di Allah de Awak di pwoi Allah ningon dima bou ayai him lene amiap Yesus nihyet tirigi Noni mbrap pijum bit na cem.

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

EFESUS 6:6

Ma jibibon yoni nok gima tirigi igyok igyai kep je he ba, jibinggok tut gima ijoi sut je he au. Jeni ne awak mem Kristus ri. Gima rino ma jita jibou ei jiyai munti nya bit leu Allah ningon kanti mem je.

KOLOSE 1:13

Allah teu nye leu nidinditi de nisindemti bibuwak nye bingwes ngun ug ei Nipmot di Allah ningon kieti Ninyeng Tak Kepti tu.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

TESALONIKA GI NIGOM 4:3

Allah ningon kanti mem je rinok gini. Suar jingon kwes-kwau bijimbres jenti leu sisar nicut tut yamti.

TESALONIKA GI NIGOM 5:18

Ma jijem sigyo bak Allah tut mun nyeng hagom di pek kep mem je. Ba, gima yok hagom lene Allah ningon kanti mem je di jinok gom kin Kristus Yesus ri.

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

IBRANI 10:36

Suar jibet jingon kikau leu binhyepo jiyai Allah ningon kanti mem je apino mijiyai mun di Noni preu ei mem je.

IBRANI 10:7

Lene dipai ‘Allah e, dingat rini ba, ditin ei mem diyai midyai bit leu angon kanti di ipas ei Allah niggai serti tut Da.’ ”

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

PETRUS GI NIGOM 2:15

Allah joi sut gino jiba jiyai munti di kei bibor nya binim kep yo di ingon mbum nya leu binhyepo yuhui buwei kep je bu bi.

PETRUS GI NIGOM 4:2

Hon kep ammani kui ne ma Allah ningon kanti om kep jiyaijoti ei dihyeisi dini lene ma jingut kanti nya om kep je bu au.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 12:10

Leu api dimiap nihyet di nindig bibor ei gwamti di pai “Nogindini ne tto bou dem mem Allah teu Nide limwa nya ri! Nogindini ne Allah ndo Nide nisindemti rin lewo Noni ne Nibou Ndig ri! Nogindini Nide Nibou Ndig di teu tungwatu nya biyai niyaijo nijep biyok ninyeng tak kep dihyei nisurti-nipekti. Lewo Noni njei no di ya ei Allah Noho bei di pai isut bat yo di ingon jo kep nya kinei bikwop mmun-njap leu gwamti tu.

NINGAT-HI-NGAT NYA 19:6

Leu api dimiap nisu di nok tungwatu ningot ndig ighyet di kui yam noyam kin minyei ninyei di nisu bong nindig bibor kin kru di cut nibimbiti di nindig bibor cem di pai “Jikwei ba, inggei sut ide Allah Di Sindem Bibor lewo Noni ne Nibou Ndig ri!

NINGAT-HI-NGAT NYA 20:4

Lo bi lene dingat banggo mbrei nya. Biditou kep bu lo, yo di tungwatu nya irop ibou leu drek dip gi itri tut Yesus nihyet di nijit kin Allah nihyet pima. Yo dini ikuk yok bak mindhe di niten-pos kin nide kwar bigyai mindhe de nitak bukti ei ingwak kin inda bi sren. Ikiju hanyen leu imai eisi bigwam ei banggo mbrei nya dip lewo Allah yai nisindemti biyok mem gima inyeng tak kep tungwatu nya. Inok nibou ndig nya di igwam kui Yesus mem ari bingwam sribu gom.