MATIUS 5:8 - ALLAH NIHYET MEM TUNGWATU NYA

⁸ Bikwop yo di ingon gom nya ingon nggei-hi-nggei leu yoni mingat Allah bou igyai him!

MATIUS 5:8 ပူးပေါင်းရင်းမြစ်များ

NITRITI 32:30

Lene Yakub simbot dat “Mei! Dingat Allah niimaisi bou diyai him tu lo, diyaisi jo yo!” Gima rino noni jem gumihyep dima ninyeng “Pniel”.

SAMUEL GI NICAN 22:27

Ando Nanti nok No di kwes bak yo di ingon kwes nya cem noro aba nitok bak yo di isibut nya.

MAZMUR 15:2

No di dem mem gima ne no di bit Allah nihyet titut lene krau tunggwei puig bi di ba ningon di sren bipai nihyet ei nuhui him,

MAZMUR 18:26

tuhan e, angon gom tut yo di ingon gom tut Nani ba, asingat bibor tut yo di isingat nya.

MAZMUR 24:4

Yo dima ne yo di igyai munti nya kei-kau kin yo di ingon gom nya bitut niris kep mun cig nya di ikuk yok bak kwar nya bi he ri.

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

MAZMUR 51:6

Dibon sisar tut Na di Allah Nangkom he ba, diyai mun di apai sut bipia kinei bibor tu. Gima rino ayai mun di igbit tirigi akes hukum ei da dip. Akos tutti nya sren-srau kei.

MAZMUR 73:1

Doia Asaf. Igbit ri! Allah ningon singat tut Nide limwa Israel kin yo di ingon kwes kin yo di ingon gom.

NIPINGOK NINGONTI 22:11

Nibou ndig mijem nisut bit no di biyai hamem ningon gomti kin nihyet mmau keisi.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KORINTUS GI NIGOM 13:12

Mun di ingat ei igyai him mem nijam dini noyam kin ingwes di ingat ei kisinati di pimber. Noro ei nidipti bu lene ingat ningat brei bisieng-siau kei. Ei nijam dini lene dingon dorti tut mun nyeng hagom bi. Noro ei nidipti bu lene midingon dorti tut mun nyeng hagom bit leu nok Allah ningon dorti tut dingon bei triti.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

TITUS 1:15

Mun nyeng hagom kwes mem yo di ingon kwes nya. Noro mem yo di ingon rom nya kin yo di ingon jo kep bi nya ne mun nyeng hi kwes bi. Lewo ikan-kan nyenti kin ingon mien nya rom-rau.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

NINGAT-HI-NGAT NYA 22:4

Yoni mingat Allah niimaisi brei bou igyai him lene Nonti ninyeng mijo ei Nide awak nya ingwakti.