MATIUS 5:6 - ALLAH NIHYET MEM TUNGWATU NYA

⁶ Bikwop yo di ijoi sut gima ibit leu Allah ningon kanti mem yok nya ingon nggei-hi-nggei lewo Allah misindem tut yok mem gima!

MATIUS 5:6 ပူးပေါင်းရင်းမြစ်များ

MAZMUR 107:9

Lewo Noni yai minyei biyok ba, bicug inggobiausi leu yok leu api kwas njita tut yok bibindei ba, ninggum di hwen yok pren leu yok.

MAZMUR 145:19

Noni miyai mun di indwau sut nya bak yo di inggei sut Noni. Noni ngig nitingou mem ighyet tirigi yahara Noni apino Noni teu yok bingwes ngun.

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 63:5

Midipai sigyo biNa kikau ug bipek diyaijo ningwig honti. Tirigi dingat nadi ne midisu dinda kui ndam Na.

MAZMUR 65:4

Ditde sisar nya buhun tak da noro akos ser hagom tu.

MAZMUR 84:2

Allah Di Sindem Bibor e, dingon ngakei Ade ig di abong ser dima nindig bibor!

NIPINGOK NINGONTI 10:24

Yo di ingon sren itug ndei mun di ingat ingwes eisi lene yo di isibut itug ndei mun di ittin tut bibor.

NIPINGOK NINGONTI 21:21

Gino angon nggriu sut tungwatu nya ba, angon gom tut yok ne ade njap ug ei ari bingwam mang bibor ba, tungwatu nya minggei sut na bingon gom tut na.

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

YESAYA 25:6

tuhan Di Ninyeng Jei Bibor mitin ei midut niyem pestati mem mben ngkiai di dihyeisi dini hagom ei Nungug Sion. Noni ngei njita di nui ngge kei kin ba anggur ngei di nyop kei.

YESAYA 41:17

Mpe dino Ditde limwa di indwau nya inggobiau sut minyei binggok ser lene Da di tuhan midibuhup ide nadi. Dinok mben Israel ide Allah. Dikes yok ei bihigom bi sren.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 65:13

Gima rino dipai bije bipia yo di ikuk yok biDa migyem njita noro jimai jinggum. Yoni midut ndia ngei noro jimai jinggobiau. Yoni migyai nillei noro jigwam nimmaiti.

YESAYA 66:11

Mijingat jingwes ei minu ndig Yerusalem de nibong kei nigwam keiti noyam kin munggwom mien gom di dut kep nipmem nido ngei.

YEREMIA 31:25

Midibindei ba, yo di inghuisi jet nya inghuisi sindem hanyen ba, yo di inghuisi mbris drek dip ninggum di hwen yok migyem njita bigyai nisindemti bu.

LUKAS 1:53

Noni kwas njita di kei-kau tut yo di yuhui mbum nya bindei yok noro mbres yo di inyeng tut ndigban ba, imbut kin yehei he.

LUKAS 6:21

Bikwop yo di inggum mem nijam dini ingon nggei-hi-nggei lewo jei bi ne inghop mimpung tut njita! Bikwop yo di ipim mem nijam dini ingon nggei-hi-nggei lewo jei bi ne igyai nillei!

LUKAS 6:25

Aye! Buhun bibor mem je di jinghop mpung tut njita mem nijam dini! Jei bi lene mijinggum bibor! Aye! Buhun bibor mem je di jiyai nillei mem nijam dini! Leu jei bi ne jingon ngguk bijipim!

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YOHANES 7:37

Ei njap ningwig honti di bon ninyeng mem Njap Ndig Ig Jibei Mpam Meng lene Yesus kiju biya leu api ba nihyet nindig bahara “Ma no di nggobiau kwei ndam Da bidut minyei.

NINGAT-HI-NGAT NYA 7:16

Bit bon inggum ba, inggobiau cem bu bi sren. Mpia njap di wam bibor mitigut yok bu bi sren.