MATIUS 5:5 - ALLAH NIHYET MEM TUNGWATU NYA

⁵ Bikwop yo di iba ibou coi mem yam nya ingon nggei-hi-nggei lewo yoni migyai mun di Allah preu ei mem yok!

MATIUS 5:5 ပူးပေါင်းရင်းမြစ်များ

MAZMUR 147:6

Noni kon yo di ide siceu nya ico kep yok bikiju hanyen noro dram yo di isibut nya binok tig di ndung-diem ug ei dihyeisi.

MAZMUR 149:4

tuhan joi sut Nide limwa nya. Noni bindei ba, yo di iba ibou coi mem Noni ibindei timek ide siceu nya.

MAZMUR 22:26

Midinggei sut Na di Allah ei Ade limwa nya yahagom yoho bei tut Ade midyai nya hagom. Midibon midut nindig mindhe kep humti ei yo di ikuk yok biNa yoho bei bit leu nok dipreu ei mem Nani tu.

MAZMUR 25:13

Yo dima ibong kei igwam kei ba, ide nintun him yamti di bram yam nya miba yokep dihyei ninda rom di ide nya.

MAZMUR 25:9

tuhan bie tut yo di iba ibou coi mem Noni bingginau yok tut Nonti ningon kanti.

MAZMUR 37:11

Bikwop yo di iba ibou coi mem yam miba yokep idihyei leu api iba ingon di jo nyahan bibong kei bigwam kei eisi.

MAZMUR 37:22

Yo di tuhan bindei ba, ingon nggei-hi-nggei micoi ug ei minu di Noni preu ei mem yok. Noro Noni mibindei ba, yo di itug ndei Nide nisigionti mitug midut.

MAZMUR 37:29

Yo di ingon sren nya miba yokep idihyei bibong kei bigwam kei bijo ninno bijo kikau.

MAZMUR 37:34

Ma jiyok jingon mem tuhan bijibit nihyet leu api Noni mikon jinyeng leu binhyepo jiba jekep jidihyei. Noni mihwen yo di isibut nya bingwig bou jiyai him.

MAZMUR 37:9

tuhan mibindei ba, yo di isibut nya mitug midut noro yo di iba ingon com Noni mibong kei migwam kei ei idihyei di Noni yai biyok.

MAZMUR 69:32

tuhan mijoi sut diyaisi dima nindig bibor dor njiriek midut nindig mindhe kep humti kin midut nindig sapi nikre di mahan ei nimbar hum dokti.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

MATIUS 21:5

“Ma jipai bak timiei minu ndig Sion bipia Jingat i! Jide nibou ndig hwou ndam je ba, ba nibou coi mem tungwatu nya. Noni bri bigwam keledai ningut gom dip ba, bri bigwam keledai nipmot nehen pap dip.”

ROMA 4:13

Allah preu ei mem Abraham kin yo di intun noni him bipia imbun dihyeisi dini. Noni preu ei nok gima lewo Abraham bit Puig Yahudi nicuk noti nya bi noro lewo noni ba ningon com Allah apino Allah joi sut noni nok no di pwoi ningona.

GALATIA 5:23

iba ibou coi mem yam cem yoom kep ingut kanti nya cem hagom. Nicukti hi cuon ser niyai munti dini bi sren.

EFESUS 4:2

Ma joom jingon tut yam ba, jingon nggriu sut yam bijibet jingon mem yam. Ma jiba jibou coi mem yam lewo gini ne bindo di bindo tut jide ningon ngakei yamti ri.

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

TIMOTIUS GI NIGOM 6:11

He na di Allah de awak e, ma ambres nanti leu mun pima yok hagom. Ma ahuk bram ningon srenti kin niyai munti bit leu Allah ningon kanti kin niba ningon com Kristusti kin ningon ngakei tungwatu nyati kin ningon nddongti kin ningon jo nyahanti.

2 TIMOTIUS GI NICAN 2:25

Ma iba ingon di nggriu binyohou pingok yo di isrep tut yok nya ingonti. Mpaba Allah bon nituti mem yo dima ittin ser ide sisar ba, ingon jo kep nihyet di nijit.

TITUS 3:2

Ma asok kep yok ser nhyema yuhum tungwatu nya insi biliriem yok au. Noro ma isingat tut yok ba, ingon nggriu sut yahagom.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

YAKOBUS 3:13

Gino no di ningon ki cem nintin kimbou cem srig jikieti lene ma noni ndo bindo tut gima tug hon niyaijoti di kei bibor kin niyai munti di kei bibor nya. Ma niba nibou coisi kin ningon kiti ndo bindo tut niyai munti nya.

PETRUS GI NIGOM 3:15

Noro ma jikuk je bak Kristus bijikon Noni nok Tuhan ei jingonti. Ma jitin ei mem nituti dino hi mihig ser je tut jide niba ningon comti leu binhyepo jibuhup igbit.

PETRUS GI NIGOM 3:4

Noro ma jiba mun di ntun jingon him bimau jenti. Gima ne jingon di jo nyahan kin jiyai mun mmuti nya di bon ninyeng ei Allah niyai him ri.