MATIUS 5:48 - ALLAH NIHYET MEM TUNGWATU NYA

⁴⁸ Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

MATIUS 5:48 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

SAMUEL GI NICAN 22:31

tuhan nibon munti nya kei bibor kei. Nyeni iba ingon com Nide nipreu eisi nya cem. Noni dem kep mun di ibipukep ser tibor ninggwenti nya mem yo di igya coi Noni yahagom.

MAZMUR 37:37

Ma jitou kep no di ningon singat kin no di ningon sren. No di ningon jo nyahan bon nide nintun him yamti di bram yam nya imang bibor.

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 19:2

mben Israel “Suar jingon kwes-kwau lewo Dani ne tuhan bidinok jide Allah rin ba, dingon kwes-kwau.

IMAM NYA IDE MIDYAI 20:26

Didimig jeni leu mben hiter nya ikieti leu binhyepo dijem je bou Da nok Ditde. Suar jingon kwes lewo Dani ne tuhan rin ba, dikwes-kwau.

MATIUS 5:16

Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

MATIUS 5:47

Gino jipigo jisut bat nya he lene jibon munti dima bon ninyeng di notou dor njiriek yo di hiter i? Lewo yo di igwam Allah ninghim cem igyai nok gima!

LUKAS 6:36

Ma jingondut yam bit leu nok Jicig ngondut tungwatu nya!”

LUKAS 6:40

Munggwom pikor hi ninyeng jei dor njiriek nide guru ninyeng bi. Noro munggwom di pikor tut mun nyeng hagom nok gi dem tu mporo yai ninyeng guru noyam kin nide guru cem.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

KORINTUS GI NICAN 13:9

Mbro nok gino ningon wei lo, ningon llei lewo jiyai nisindem. Ningat nadi tindei ningon di kwes-kwau mem je.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

EFESUS 3:1

Tut gima rino da di Paulus disima ei ig bui nsi drek dip gi dinok awak mem Kristus Yesus kin gi diyai midyai ei je di ngkiai nya jikieti.

NINDAT KEP TUHAN NICUKTI NYA 18:13

Gima rino ma jiba jingon di gom boom jenti bijinok awak mem jide tuhan Allah.”

NINDAT KEP TUHAN NICUKTI NYA 27:10

Gima rino ma jibit jide tuhan Allah nihyet ba, jiyai mun igbit nicuk jeti nya di ditri tut bije njap di ammani hagom.”

KOLOSE 1:28

Gima rino nitri tut Kristus bak tungwatu yahagom. Niba ningon di ki binyohou sok kep yok ba, bingginau yok cem leu binhyepo nibuwak yok ug ei Allah Noho bei lewo ingonti kin innei mahan drek dip inok gom kin Kristus.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

YAKOBUS 1:4

Ma jinyohou jide ningon nddongti kikau ba, ningat ntun him leu binhyepo jimahan ei Kristusti ba, mun di jisuar nya hagom midem mem je.

YOHANES GI NIGOM 3:3

Bikwop yo di igyok ingon mem nijam di iluei itta noyam kin Kristus niluei nittati yahagom inyohou ingonti bikwes-kwau bit leu nok Kristus ningon kwes-kwau.