MATIUS 5:46 - ALLAH NIHYET MEM TUNGWATU NYA

⁴⁶ Leu gino jingon ngakei yo di ingon ngakei je he lene mijitug ndei nibiropti di notou leu Allah i? Lewo yo di igya tindei belasten bigyem jimuhup cem igyai nok gima.

MATIUS 5:46 ပူးပေါင်းရင်းမြစ်များ

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

MATIUS 18:17

Gino ningon tunggwei yo dima cem ide nipingok noti lene ma ambot kep tut bak yo di inggre kin mbusyamei nya yahagom. Gino ningon tunggwei yo di inggre kin mbusyamei cem ide nipingok noti lene ma aba anghim birok noni noyam kin no di gwam Allah ninghim kin no di ya tindei belasten biyem jimuhup cem.”

MATIUS 5:47

Gino jipigo jisut bat nya he lene jibon munti dima bon ninyeng di notou dor njiriek yo di hiter i? Lewo yo di igwam Allah ninghim cem igyai nok gima!

MATIUS 6:1

“Jimiap e, harin dima jiyai Allah nicuk nyeti nya bou tungwatu nya igyai him a. Leu gino jiyai gima bou tungwatu nya igyai him ne Jicig ei gwamti mibindei ba, jimuhup tau bije bi.

MARKUS 2:15

Tirigi Yesus yem njita bit Lewi ei nide ig lene yo di igya tindei belasten bigyem tungwatu nya imuhup nindigsi nya kin yo di map kui yokti nya imang bibor induk yam kwei bigwam bit Yesus kin yo di igya kui Noni. Lewo yo di imang bibor ijop bram Yesus.

MARKUS 2:16

Tirigi guru Puig Yahudi nicukti nya di inggre kin nimpung Farisi nya ingat lo, Yesus yem njita bit yo di igya tindei belasten di igyem tungwatu nya imuhup kin yo di map kui yokti nya lene ihig ser yo di igya kui Noni “Nggon rino jide guru yem njita bit nikinei-kinau dima yok i?”

LUKAS 15:1

Mpe di gom bu yo di igya tindei belasten bigyem tungwatu nya imuhup kin yo di ikinei-kinau nindigsi nya ikwei bingig itingou mem Yesus nihyet.

LUKAS 18:13

Noro gi hi di ya tindei belasten biyem tungwatu nya imuhup kuk no ei ting leu lene kon nibou bitou kep ginyo kug bi. Noni ttem ningon him bahara ‘Allah e, angondut da lewo dani ne no di bon kep sisar ri!’

LUKAS 19:2

Zakheus cem bong ei minu ndig dima. Noni ne nibou mem yo di igya tindei belasten bigyem tungwatu nya imuhup rin ba, nyeng bibor cem.

LUKAS 19:7

Tirigi nindigsi ingat gima tu lene yahagom inso tut bipai “Mei! Yesus ug bong bit no di kinei-kinau!”

LUKAS 3:12

Yo di igya tindei belasten di igyem tungwatu nya imuhup ikwei ngat Yohanes leu binhyepo noni tur yok ei minyeiti ba, ihig ser noni “Nibon notou i?”

LUKAS 5:29

Mpe dima lene noni bon pesta nindig bibor ei nide ig mem Yesus ba, yo di igya tindei belasten bigyem tungwatu nya imuhup nindigsi nya kin yo di hiter imang bibor induk yam kwei ba, igwam bit Yesus bigyem njita.

LUKAS 5:30

Lene Farisi nya kin guru Puig Yahudi nicukti nya ibou poi inso tut yo di igya kui Yesus bihig ser yok “Nggon rino jiyem njita bit yo di igya tindei belasten di igyem tungwatu nya imuhup kin nikinei-kinau nindigsi nya i?”

LUKAS 7:29

Tungwatu yahagom bitut yo di igya tindei belasten di igyem tungwatu nya imuhup cem imiap Yesus nihyet dima. Yo dini ibit Allah nicuk yokti bigyai nitur yok ei minyeiti leu Yohanes tu.

LUKAS 7:34

Tirigi Munggwom Tungwatu Nipmot ttau kwei lene Noni yem njita bidut ndia ngei cem noro jisrep bijipai ‘Jingat i! Yesus ninghop bou bidut ba anggur ngei nindig bibor cem ba, hig nisut bit yo di igya tindei belasten bigyem tungwatu nya imuhup kin yo di ibon sisar nindigsi nya.’