MATIUS 5:43 - ALLAH NIHYET MEM TUNGWATU NYA

⁴³ “Jikan tut nicukti di sok kep nye bipia ma jingon ngakei jisut bat nya lene ma jingon mpo tut jide siceu nya.

MATIUS 5:43 ပူးပေါင်းရင်းမြစ်များ

MAZMUR 41:10

Mbenjen! Disut di dingon kieti di diba dingon com bibor di yem njita bit da cem nihyet kinei sut da.

IMAM NYA IDE MIDYAI 19:18

Harin dima jeheu yam ba, jingon koi kep yam a. Noro ma jingon ngakei hiter bit leu nok jingon ngakei jenti. Dani ne tuhan bidinok jide Allah ri.

MATIUS 19:19

Ma akuk na ba, anyohou acig apmem nya ba, angon ngakei yo di hiter bit leu nok angon ngakei nanti.”

MATIUS 5:21

“Jikan tut nicukti di sok kep idigup bat-idigai bat nya bipia harin dima jihwen mun a. No di hwen mun miya ei nikei noho bei ri.

MATIUS 5:27

“Jikan tut nicukti di sok kep nye bipia harin dima jicut tut hiter nitnem a.

NINDAT KEP TUHAN NICUKTI NYA 23:3

Harin dima mben Amon kin mben Moab bitut ide nintun him di bram yam nya gi nigom kikau ug bipek gi nisimnai icoi bit tuhan de limwa nya a.

NINDAT KEP TUHAN NICUKTI NYA 23:6

Ma jimpu mben dima ba, jibindei ba, ibong kei igwam kei cem tirigi je di mben Israel jingat rin ei dihyei ninjek dip dini au.

NINDAT KEP TUHAN NICUKTI NYA 25:17

“Ma jiyok ngon kep notou mben Amalek ibibon jeni mpe di po jehei leu minu Mesir kwei ei puig sinon pima.

YAKOBUS 2:8

Gino jiba ningon di gom bibit niggai serti di ntun Allah Ninyeng Tak Kepti him gi ipas ei gi preu nitimieiti “Ma angon ngakei hiter bit leu nok angon ngakei nanti” pima lene gima igbit ri.

YOHANES GI NIGOM 4:21

Tut gima lene Kristus nicuk nyeti pai bipia suar no di ningon ngakei Allah ningon ngakei nisut no di Kresten cem.