MATIUS 5:33 - ALLAH NIHYET MEM TUNGWATU NYA

³³ “Jikan tut nicukti di sok kep idigup bat-idigai bat nya bipia harin dima jiluei jingonti tut mun di jeheng tut ei Allah Noho bei a. Noro ma jiyai igbit mun di jeheng tut hagom.

MATIUS 5:33 ပူးပေါင်းရင်းမြစ်များ

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

MAZMUR 76:11

Ade siceu nya di imbuk bibor di ingwes ngun leu agga biborti nya minggei sut Nani lo, nigga kep mun cig nya iba sinsun kron bijuk yok drek dip ingon nggukti.

NEHEI LEUSI 20:7

Harin dima jindat kep dinyeng ugwai-gwai a. Lewo Dani ne jide tuhan Allah rin ba, midikes hukum ei no di ba dinyeng bikek dip.

IMAM NYA IDE MIDYAI 19:12

Gino jikos tut bipia jiluei jingonti tut mun di jipreu ei biyam lene ma jipreu ei biyam tug hon dinyeng hak au. Lewo jiyai munti dima mibindei bidinyeng kinei. Dani ne tuhan bidinok jide Allah ri.

NAHUM 1:15

Angat i! Dipinak tungwagom di kak puig ei nungug him kwei ba, mikwei sut nihyet di kei. Nihyet di kei dima bindei timek siceu nya. Timiei minu Yehuda e, ma jibon midut kep jide njap ndig ba, jigo jide nitto ei mem Allahti. Yo di isibut nya minyeng tak kep jide minu bu bi. Lewo itimek bingwig bibor bihigom tu.

MATIUS 5:21

“Jikan tut nicukti di sok kep idigup bat-idigai bat nya bipia harin dima jihwen mun a. No di hwen mun miya ei nikei noho bei ri.

MATIUS 5:27

“Jikan tut nicukti di sok kep nye bipia harin dima jicut tut hiter nitnem a.

NINDAT KEP TUHAN NICUKTI NYA 23:21

Gino jipreu mun nyeng hi ei mem jide tuhan Allah tug hon neheng lene ma jitum jingon tut mun di jipreu ei dima au. Lewo jide tuhan Allah yok ningon mem mun nyeng di jipreu ei dima kikau ba, gino jiyai bipek kep bi lene gima nok sisar di jibon tut Noni.

NINDAT KEP TUHAN NICUKTI NYA 23:23

Noro gino jiba jide ningon joi sutti bipreu mun nyeng hi ei mem jide tuhan Allah tug hon neheng lene suar jiyai bipek kep jihyet nghwak him dima.

NINDAT KEP TUHAN NICUKTI NYA 5:11

Harin dima jindat dinyeng ugwai-gwai a. Lewo Dani ne jide tuhan Allah rin ba, midikes hukum ei yo di iba dinyeng bikek nya yahagom dip.

NINDAT KEP TUHAN NICUKTI NYA 6:13

Ma jikon tuhan di nok jide Allah ninyeng lene ma jikuk je biNoni cem jiba neheng bipreu mun ei tug hon Noni Nongkom ninyenga.

TIMOTIUS GI NIGOM 1:10

kin yo di icut tut yam kin pinai yonti di icut tut yam kin sop yonti di icut tut yam kin yo di ipos tungwatu bitri yok nok awak ba, ibipek mitiei kin niris kep mun cig kin yo di iris mun ei nikei noho bei bitut yo di igyai mun nindigsi di tte tut ningginausi di ntun Nihyet Di Kei him.