MATIUS 5:22 - ALLAH NIHYET MEM TUNGWATU NYA

²² Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MATIUS 5:22 ပူးပေါင်းရင်းမြစ်များ

NITRITI 37:4

Tirigi jo nibreisi mem nikindig bat nya bipia icig ngondut Yusuf nindig bibor dor njiriek yoni lene ingon sibui sut Yusuf ba, ighyet wer mpiahi tut noni.

NITRITI 37:8

Lene nikindig bat nya ibuhup “Akan bipia anok nibou ndig ba, anyeng tak kep nye e?” Gima rino ingon mpo tut noni nindig bibor bu drek dip nide mun di mumpriem kin nipai mingat tutti cem.

SAMUEL GI NICAN 16:7

Ba, Simei heng ser Daud bipai “Aug bihigom! Aug bihigom! Ahwen nimbiam ba, ambuk bibor cem!

SAMUEL GI NICAN 6:20

Tirigi Daud cem ngkwei hanyen ug ei nide ig nibou ndig bipigo nide bat nya lene Mikhal hei um noni lene ba Daud bikek bipai “Njap di ammani nibou ndig Israel bon ninyeng jei bibor! Noni juk sinsun haigtu bi bou awak sop nya igyai him bibindei ba, sop di igyai midyai ei nide ig dima yok ikan bigya noni ne no di nintin kiek ri!”

NIBOU NDIG NYA GI NIGOM 21:4

Lene Ahab ngkwei hanyen ug ei nide ig kin ningon buhun ba, ningon sibui sut Nabot cem. Lene noni ug bong nibongti bikiek noho ter leu lene kou sut niyem njita cem.

NIBOHON MBEN ISRAEL GI NICAN 16:10

Lene Nabi Hanani nipaisi dima bindei ba, Asa ningon sibui sut noni. Apino com Nabi dima ug ei ig bui nsi. Mpe dima lene Asa sindi ba nimbuk kak nide limwa nya ibou poi.

NIBOHON MBEN ISRAEL GI NICAN 19:5

Noni kon nikei nya ba, kes yok bidem minu ndig di bon tentara nibousi di igya coi nya hagom ei minu Yehuda.

NEHEMIA 5:8

Dipai biyok “Jikan tut bipia iba ide nisindemti di jo binye biteu ide bat mben Yahudi nya di suar itri yonti nok awak bak mben ngkiai hanyen tu. Noro nogindi pa je di jinok limwa hanjop Yahudi gom jibidip huk jisut bat Yahudi nya bijibindei ba, itri yonti bije ba, inok awak hanyen tu!” Lene nibou ngot pima yok imiap dipingok yokti dima leu api yahagom indun bou leu api yahap iji bi lewo bit bon ibuhup ba, ipai mun mem ibisu tindei igyai munti dima kan bi.

MAZMUR 109:3

Igyon ttai da ba, ighyet mpung tut ningon sibui sut dati lene ihwen da mikui-kausi.

MAZMUR 14:1

Doia Daud mem no di bie tut doia nimpung No di ningkek ndok kan “Allah No rinaha bi sren!” Yo di ipai gima ne ingon rom nindig bibor ba, isibut bibor cem. Ei dihyeisi dini hagom ne no di ningon sren no rinaha bi sren.

MAZMUR 25:3

Yo di yaham di imbuk kep Nani mitug ndei nimmai sut yonti drek dip. Noro yo di iba ingon com Nani mingon nghen leu bi.

MAZMUR 35:19

Ma asindui sut ba, yo di imbuk tut da iba da bikek mikui-kausi au. Ma asindui sut ba, yo di ingon sibui sut da imbos-hi-mbos bingon kei kep da mikui-kausi au.

MAZMUR 37:8

Ma jikrop je leu gima jingon sibui sut yok kin jingon di koi kep yok lewo gima hagom nok puig di bie ndam mun di buhun mem je.

MAZMUR 49:10

Lewo niyaijo nijep di jo kikau kin ningwes ngun leu nimai eisi nibok kak bibor.

MAZMUR 69:4

Dahara ninno apino dinghuisi jet bibor ba, dikimam bok cem. Diyai njep dut drek dip gi dicem kep puig ser akwei mpu dati.

MAZMUR 7:4

Ditde tuhan Allah e, gino dingon koi ba,

MAZMUR 92:6

tuhan e, abon munti nya mindur bibor ba, akan-kan nyenti cem jut bibor.

NIPINGOK NINGONTI 14:16

Yo di ingon ki nya itindei ser mun di kinei bimbres yonti leu noro yo di ingon mbum nya ibou buwei ba, iba ingon ko-ko wai.

NIPINGOK NINGONTI 18:6

Gino no di ningkek ndok mbrap ne nihyet bindei ba, tungwatu nya imbuk tut yam leu api imbas noni drek dip.

YEREMIA 17:11

No di ba ningon di sren bi bitug ndei ndigban noyam kin ha di bong kep ha hiter nidinggwei. Nide njap ug ei nahacanti he apino nide ndigban di nyeng tut nya sar ningwig leu no. Mpe di nide njap ngwig hon lene mijo nibreisi bipia ningon mbum bibor.

NIBWOS-BWOS NYENTI 3:52

Siceu yuhuk da noyam kin gi yuhuk ha. Ingon kinei sut da mikui-kausi he.

DANIEL 3:13

Tirigi nibou ndig miap ighyet nok rino noni gga nindig bibor leu api cuk yo di igya ser nya bikri ibou ningai dima kwei bigya ei noho bei.

DANIEL 3:19

Ipai nok rino Nebukadnezar gga nindig bibor ba, ninnei kui mem gima yai nimai bak Sadrakh kin Mesakh kin Abednego. Gima rino noni cuk yo di igya ser nya bindig hum bininjeng cig-cai bibor ba, niwamti mbimuhwindacan njiriek gi nipou a.

OBAJA 1:10

“Jiba nisibutti biyai jide adig-ajoi di intun Yakub him. Gima rino jide nitok nya mibindei sar je ba, ighyet kinei sut je mem nijam di jei.

OBAJA 1:12

Dem tut gima jingon kei kep timiei Yehuda drek dip mun di kinei di cut igkep yok bijingon nggei-hi-nggei ei njap di jide adig-ajoi nya isar dima bi. Dem tut gima jipa ndip yok mpe di mun di buhun cut igkep yok bi.

MATIUS 10:17

Ma jingon sok kep jenti tut yo di ikat je ug ei Nikei Puig Yahudi nya yoho bei leu api imbas je ei mben Yahudi ide ig mbusyamei nya.

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

MATIUS 12:24

Tirigi Farisi nya imiap nihig ser yamti dima lene isrep “Beelzebul di nibou ndig mem ninnei rom nya ya Yesus ningonti bisindem tut Noni leu binhyepo jji ninnei rom nya.”

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 18:21

Lene Petrus kwei hig ser Yesus “Tuhan e, gino disut hi bon sisar tut da lene suar dikos ser sisar di bon tut da mbipig i? Mbimuhwindacan bram yam e?”

MATIUS 18:35

Lene Yesus pai nihyet ningwigsi bitak kep nihyet nibiti nindati “Nok gima cem Dicig ei gwamti mibibon je bibikwop tungwagom-gom nok gima drek dip gi jiba jingon gom bikos ser sisar di jisut bon tut je bi nya.”

MATIUS 23:15

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jimbut bidem dihyei nisurti-nipekti ba, jisigon minyei mang bibor leu binhyepo jinggok tungwagom ngat di mitti kin je bibit jide puig timiei leu api jipingok ningonti bijibindei ba, ningon wer mui mbican bram yam dor njiriek je di juug dor humti jingon di mui!

MATIUS 23:33

Jinok wou nya bijintun wou piet nya him! Notou jingwes ngun leu hukum di micut igkep je ei hum njengti i?

MATIUS 25:41

Lene Noni pai bak yo di igya kui ninda prak ‘Juug bihigom leu Doho bei lewo Allah mbriom je tu! Juug dor kikau ug ei hum di bit bon hi mu kan bi di Allah tin ei mem Bilis kin nide malaikati nya!

MATIUS 26:59

Lene imam nindig nya bitut Nikei Puig Yahudi nya yahagom inggok tungwatu nya di imbres kep Yesus bikkin kep ninghapti leu binhyepo nibou nya ijem nimai gau Noni drek dip.

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MATIUS 5:34

Noro tini bu ne dipai bije bipia ma jeheng bitug hon mun nyeng hi au. Ma jeheng bitug hon mpia-bbed him au. Lewo mpia-bbed him ne Allah de banggo mbrei ri.

MATIUS 5:44

Noro tini bu ne dipai bije bipia ma jingon ngakei jide siceu nya ba, jingat nadi tindei yo di ihwen bit je,

MARKUS 14:55

Imam nindig nya bitut Nikei Puig Yahudi nya yahagom ibicom yam binggok tungwa hi mem gima mbres mun kep Yesus bikkin kep ninghapti leu binhyepo ijem nimai gau Noni drek dip. Noro ingat tungwa hi bi.

MARKUS 15:1

Njap bigyoti lene imam nindig nya kin nibou mben Yahudi nya kin guru Puig Yahudi nicukti nya ibisau ba, induk yam bit Nikei Puig Yahudi nindigsi nya leu binhyepo isimbot kep Yesus ninghapti biyam. Iba lante biteu Yesus leu api ibuwak bikes ei Pilatus nindati.

LUKAS 12:5

Suar jittin tut tou i? Dindo Noni bije. Ma jittin tut Allah lewo niabiati Noni kimukep tungwatu nya leu lene Noni sindem mem gima com yonti njem titut yam ug ei hum njengti. Ma jiyok ngon kep bipia suar jittin tut Noni.

LUKAS 22:66

Njap bigyoti lene nibou mben Yahudi nya kin imam nindig nya kin guru Puig Yahudi nicukti nya induk yam kwei leu api yo di igya ser Yesus bibuwak Noni kwei biya ei Nikei Puig Yahudi nya yoho bei.

YOHANES 11:47

Gima rino Farisi nya kin imam nindig nya induk yam bit Nikei Puig Yahudi nindigsi nya ba, ihig yam ser “Nyeni inggon ndei i? No dima bibon mindur mang bibor tu!

YOHANES 15:25

Ide ningon mpo tut Dati cut igkep Da bit leu nok ide Puig Yahudi nicukti nibokti di pai ‘Yoni ingon mpo tut Da mikui-kausi.’

YOHANES 7:20

Yo di ningot dig dima ibuhup “Nung kui Na! Tou ribingon mem gima yai nimai biNa i?”

YOHANES 8:48

Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”

KISAH 17:18

Guru nya ibou poi leu nimpung Epikuros kin ibou poi leu nimpung Stoa cem iba ighyet bidahat Paulus ba, ibou poi ihig yam “Guru di ningon mbum dini huk nihyet tut mindei ngan i?” Leu api hiter ibuhup “He ma noni tri tut ngkiai nya ide mun di ikuk yo bak e?” Ibuhup biyam nok lewo Paulus tri tut Yesus kin nikiju hanyen leu nimai eisi.

KISAH 22:30

Nibou tentara joi sut kan tut mun di bindei di mben Yahudi ighyet ngwig kep Paulus. Gima rino njap di hyep bu lene noni sok nihyet bak imam nindig nya kin Nikei Puig Yahudi Nya yahagom leu binhyepo induk yam ei gom. Lene noni kwek lante di ibiteu Paulus nimig-ninda leu bibuwak noni kwei ei yo dima yoho bei.

KISAH 23:1

Paulus niyai bong kep Nikei Puig Yahudi Nya lene pai biyok “Disut bat jen, dingon mien kwes kin Allah tut diyai munti nya habiei dimien kwei bipek ammani kep.”

KISAH 24:20

He ma ahig ser yo dini tut mun di diyai tunggwei di biyai dingon mui tirigi dimbrap gau danti ei Nikei Puig Yahudi Nya yoho bei pima.

KISAH 4:15

Gima rino icuk Petrus nya biyuug leu ninsi Nikei Puig Yahudi Nya ide dima bigwam ei nisai mbigom leu api isimbot kep biyam tut yok.

KISAH 5:21

Gima rino yo di igya kui Yesus ibit nihyet ba, yuug coi ei Tuhan De Ig hanyen mem gwam ntuisi leu api ikinyon ei ningginau tungwatuti. Mpe dima lene Imam Nibou Ndig kin nide limwa nya induk Nikei Puig Yahudi Nya kin nibou kintrorti nya yahagom kwei ei gom. Leu api isok ighyet ug ei ig bui nsi leu binhyepo yo di igya ser nya ibuwak yo di igya kui Yesus kwei.

KISAH 5:27

Ibuwak yo di igya kui Yesus ug ei ig bei bikes yok nyahan ei Nikei Puig Yahudi Nya yoho bei. Lene Imam Nibou Ndig hig pus yok,

KISAH 6:12

Nok gima lene yo di igyati kwes pima ikes ingon bak tungwatu nya ei minu ndig dima kin nibou kintrorti nya kin guru puig timiei nya leu api yuug kat Stefanus bibuwak noni kwei ei Nikei Puig Yahudi nya yoho bei.

KISAH 6:15

Yo di isrig Nikei Puig Yahudi Nya ikieti yahagom itou kep Stefanus nggilun bingat lo, niimaisi dem kep malaikati niimaisi.

KISAH 7:37

Musa dini cem ripo pai bak mben Israel ‘Allah midimig nabi gom leu jide adig-ajoi nya ikieti bipinak noni ndam je bit leu nok Noni pinak dani.’

ROMA 12:10

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

KORINTUS GI NIGOM 6:10

kin ninggimang kep mun cig kin yo di idrui bou ngwak kin nidut kep mun di pu yok cig kin yo di ikkin kep hiter ninghapti kin yo di iris mitiei leu tungwatu yahagom inggre kin Allah Ninyeng Tak Kepti bi sren.

KORINTUS GI NIGOM 6:6

Noro no di Kresten pai kep nisut no di Kresten ei nikei di ningon jo kep Kristus bi noho bei!

NINDAT KEP TUHAN NICUKTI NYA 15:11

Jisut mben Israel di yuhui mbum ibou poi mingat rin ei jikieti bijo kikau. Gima rino dicuk jeni leu binhyepo jingon mba tut yoni.”

NINDAT KEP TUHAN NICUKTI NYA 16:18

“Suar jita nikei nya kin nibou di igyai midyai hiter nya bikwop minu ndig di jide tuhan Allah yai bije nya leu binhyepo iba ingon di gom bitri tut nikos tutti ei limwa ikieti.

TESALONIKA GI NIGOM 4:6

Tut gima ne ma hi bon mun tunggwei sut nisut hi biris noni au. Nisok kep je ngkiem ser nipou su bipia Tuhan mikes hukum ei yo di ibon mun tunggwei nok gima dip.

TITUS 3:2

Ma asok kep yok ser nhyema yuhum tungwatu nya insi biliriem yok au. Noro ma isingat tut yok ba, ingon nggriu sut yahagom.

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

YAKOBUS 2:20

He na di angon mbum e? Ajoi sut gima dindo brei bina bipia gino niyai munti nya bicim tindei niba ningon comti bi lene hagom bon ninyeng bi, bi e?

YAKOBUS 3:6

Idweb noyam kin hum priot. Idweb rinok nibousi mem mun di kinei hagom ba, bindei mbut mun di kinei dima bimbut bidem tungwatu nya ingut titut yam. Hum dima kwei leu nibousi ei hum njengti ba, tigut nye habiei leu imien kikau bipek igyaijo ningwig honti.

PETRUS GI NIGOM 2:23

Tirigi ikucang Noni ne buhup bikucang yok hanyen bi sren. Tirigi ihwen bit Noni ne cug yok bi lene ba nihwen bit yokti birop hanyen bi sren. Noro kes munhyet dima ei Allah di nok Nikei di ningon sren-srau nindati.

PETRUS GI NIGOM 3:9

Ma jimbuk tut yo di imbuk tut je au. Ma jimbriom yo di imbriom je au. Noro ma jingat nadi tindei mun di kei mem yok. Lewo Allah dimig je leu binhyepo jiyai mun di kei leu Noni.

YOHANES GI NIGOM 2:9

Ba, no di pai sut nonti bipia mbut mem nipigati lo, ba nitok bak nisut no di Kresten lene no dima mbut mem nidinditi kikau kwei bipek ammani kep yo.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 5:16

Gino jigom ngat nisut no di Kresten di bon sisar di bindei ba, nide niyaijo nijep di jo kikau srawir bi ne ma jingat nadi tindei noni apino Allah mitug niyaijo nijep hanyen binoni. Dipaisi dini bitut yo di ibon sisar di bindei ba, ide niyaijo nijep di jo kikau srawir bi nya. Noro sisar ninyeng gom bindei ba, niyaijo nijep di jo kikau pror hak leu tungwatu nya ba, israwir. Tut nadi di bitut sisar dima ne dipai bije tut bi.

YUDAS 1:9

Noro Mikhael di nok nibou ndig mem malaikati nindigsi nya bon nok gima bibrim ningkek kep Bilis hak bi. Tirigi noni kin Bilis isrep yam tut Musa nimai lene Mikhael pai kep Bilis bisriman noni bi. Noro pai hak a Nnaba! Tuhan mikes hukum ei na dip hak ug!

NINGAT-HI-NGAT NYA 20:14

Leu api malaikati gom com nimai kin minu nimai nya ide ug ei muk humti. (Muk hum dini ne nimai gi nican ri.)