MATIUS 5:18 - ALLAH NIHYET MEM TUNGWATU NYA

¹⁸ Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

MATIUS 5:18 ပူးပေါင်းရင်းမြစ်များ

LUKAS 16:17

Noro krop kei mem mpia-bbed him kin dihyeisi dini pror hak leu gima nipas kepti gom ei Allah Nicukti pror a.

YESAYA 40:8

Lewo minta mui hak ug ba, mitou llet. Noro ide Allah nihyet jo gingga ba, bit bon ug hon nohonti kan bi.”

PETRUS GI NIGOM 1:25

Noro Allah nihyet jo gingga ba, bit bon ug hon nohonti kan bi.” Nihyet dima ne Nihyet Di Kei di Allah de awak nya itri tut bije ri.

MARKUS 13:30

Ma jiyon ngon kep bipia tungwatu nya ei nijam dini mimai bi bibou mun dini yok hagom midem igbit ug e.

YESAYA 51:6

Ma jicap mpia-bbed him bijitou kep dihyeisi. Mpia-bbed him mipror bidem hum mmup di brou lene dihyeisi dini mikinei bidem sinsun timiei. Timiei dihyeisi dini yahagom midem kep amihip di mai. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

MAZMUR 102:26

Nipou yo lene apai tes dihyeisi dini ba, mpia-bbed him cem anda ceti di abiyai ri.

YOHANES 5:19

Yesus buhup yo dima ighyet nok gini. “Dipai nijit bije bipia bit bon Allah Nipmot yai kep midyai bit leu Nonti ningon kanti kan bi noro tou kep Nicig biyai bram Nicig niyaisi. Lewo Nipmot yai kep midyai dem kep nok Nicig niyai kepti nya.

MATIUS 17:20

Yesus buhup “Lewo jiba jingon com Da haigtu bi. Ma jiyok ngon kep bipia gino jide niba ningon com Dati dem kep sawi ngan di bigbibor ne dem mem jicuk nungug dini bijipai ‘Ason leu mpia dini ug ei mpia ttou nsi dinu!’ Lene midem igbit jicukti ri. Jiyai mun nyeng hagom di nipou ne bit bon jiyai kan bi nya lene dem! [

MATIUS 16:28

Ma jiyok ngon kep bipia je di jingat rin ei mpia dini jibihi mijimai bi bibou jingat Munggwom Tungwatu Nipmot di kwei nok Nibou Ndig bou jiyai him ug e.”

MATIUS 13:17

Ma jiyok ngon kep bipia nipou ne nabi nya kin yo di ingon sren nya imang bibor igyok ingon mem mun di jingat bou jiyai him dini noro ingat bi. Yoni igyok ingon mem mun di jimiap dini noro imiap bi.”

MATIUS 10:23

Gino timiei minu ttou nsi gom ihwen bit je lene ma jinang ug ei minu ttou nsi hiter bu. Dipai bije bipia nipou tirigi jicem kep mben Israel ide minu ndig nya hagom bidem bigyo lene Munggwom Tungwatu Nipmot kwei hanyen tu.

MATIUS 6:2

Gima rino tirigi jingondut yo di yuhui mbum lene ma jiyai gima brei bou tungwatu nya igyai him au. Lewo yo di ingon can nya igyai kep igyaisi dima ei mben Yahudi ide ig mbusyamei kin simpak ba, igyok ingon mem gima tungwatu nya inggei sut yok. Ma jiyok ngon kep bipia yo dima imuhup tau biyok tu.

MATIUS 5:26

Ma jiyok ngon kep bipia yoni mikau dimbou pmem ig bui leu je bi bibou jikum ningwam hagom bingwig ug e.”

MAZMUR 119:152

Nipou ne dipikor ei Ade ningginausi di atak buk kep bijo ninghig-niker.

YOHANES 21:18

Dipai nijit bina bipia tirigi apilei yo ne akri bang kep antig bou ba, ambut ug ei mpia tto nsi hi bit leu ajoi sutti. Noro ei nidipti bu tirigi anghim koi su ne mporo asu anda hacem leu api hiter mingot anda bittei na ug ei mpia ttou nsi di ajoi sut bi.”

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

YOHANES 16:20

Ma jiyok ngon kep bipia mijipim bijiyai nggwei kibor cem noro tungwatu dihyeisi hagom ingon llei bibor. Jingon buhun noro jei bi lene jingon llei bibor hanyen bu.

YOHANES 14:12

Dipai nijit bije bipia no di ba ningon com Da miyai midyai noyam kin midyai di diyai nya. Ningat ne noni miyai midyai nindig bibor dor njiriek bu lewo duug gwam bit Dicigya.

YOHANES 13:38

Yesus buhup “Atin ei mem ayai nimai drek dip Da e? Dipai nijit bina bipia ariman nipou tirigi hacig yau bigyo lene aom ser Da mbiningai su.”

YOHANES 13:16

Dipai nijit bije bipia awak ninyeng jei dor njiriek niceu ninyeng bi. No di pwoi srat buug sut cem ninyeng jei dor njiriek no di cuk noni tut srat dima ninyeng bi.

YOHANES 12:24

Dipai nijit bipia gino tungwagom ndim gandum ningan ba, mai ei dihyeiti bi lene ningan dima gom ngat he. Noro gino noni ndim ningan dima ba, dem kep nok mai ei dihyeiti lene ningat mang bibor ntun him.

YOHANES 10:7

Gima rino Yesus pai biyok hanyen bu “Dipai nijit bije bipia Dani ne dimbou mem domba nya icoi kak ri.

YOHANES 10:1

“Dipai nijit bije bipia no di coi kak dimbou hui ug ei sar nsi bi noro kriau ba, gau sar ne no di nggimang kin no di sibut cem ri.

YOHANES 8:58

Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”

YOHANES 8:51

Dipai nijit bije bipia no di bit dihyet mai bu bi sren.”

YOHANES 8:34

Yesus pai biyok “Dipai nijit bije bipia bikwop no di bon sisar ne no dima nok awak mem sisar.

YOHANES 6:53

Lene Yesus pai biyok “Ma jiyok ngon kep bipia gino jiyem Munggwom Tungwatu Nipmot ninghui bijidut ninggrom bi lene bit bon jiyai niyaijo nijep ei jingonti kan bi.

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

YOHANES 6:32

Lene Yesus buhup “Dipai nijit bije bipia Musa yai roti leu gwamti bije bi noro Dicig yai roti ningat-ngat leu gwamti bije.

YOHANES 6:26

Yesus buhup “Dipai nijit bije bipia jinggok ser Da drek dip gi jingon dorti tut mindur di dibibon nya bi. Noro drek dip roti di jiyem bindei je pima.

YOHANES 3:11

Ma ayok ngon kep bipia nitri tut mun di nikan tut ba, nipai sut mun di ningat bou niyai him tu noro jingon jo kep nihyet di nitri tut bije bi.

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 1:51

Yesus pai bu “Ma jiyok ngon kep lewo dipai nijit-jau bije bipia mijingat mpia-bbed him kau leu lene Allah de malaikati nya ikui-juk nyen biti Munggwom Tungwatu Nipmot noyam kin iti lin.”

LUKAS 23:43

Yesus pai binoni “Dipreu ei mem na bipia ei njap di ammani angat rin bit Da ei nibreisi ei ginyo kug ug ri.”

LUKAS 18:29

Yesus buhup “Ma jingon jo kep bipia no di kes nide ig kin nitnem kin nikindig bat-nikinjoi bat nya kin nicig nipmem nya kin nimunggwom bat nya yahagom ei drek dip Allah ninyeng tak kepti,

LUKAS 18:17

Ma jiyok ngon kep! Bit bon no di ya um Allah noyam kin munggwom dini yok bi nggre kin Allah ninyeng tak kepti bi sren.”

LUKAS 13:35

Gima rino Allah mikes jide minu ndig dini ei ba, dem kep nok ha ngunti ri. Hon kep ammani kui ne mijingat dingat bou jiyai him bu bi bibou jipai ‘No di kwei tug hon Allah ninyeng ningon nggei-hi-nggei ug e.’ ”

LUKAS 12:37

Gino iceu kwei hanyen bittau kep yok tirigi igyai ngkiem ba, itin ei cem tu lene yo dima ingon nggei-hi-nggei. Ma jiyok ngon kep bipia iceu mijuk nide sinsun ndok di jei leu no leu api sindui sut yok bigwam kui meja leu api mingei njita mem yok.

LUKAS 11:51

leu mpe di po ikimukep Habel kikau kwei bipek mpe dino ikimukep Zakharia ei nimbar hum dok kin Allah De Ninsi Di Kwes ikieti. Ma jiyok ngon kep bipia tungwatu nya ei nijam dini mitug ndei hukum drek dip yo dima yahagom imaisi.

MARKUS 14:30

Yesus buhup “Ma ayok ngon kep bipia himmun di ariman nipou tirigi hacig yau mbican bigyo lene aom ser Da mbiningai ug ri.”

MARKUS 14:25

Ma jiyok ngon kep bipia didut ba anggur ngei dini bu bi kikau bipek njap dino didut ba anggur ngei nijep bu ei Allah Ninyeng Tak Kepti.”

MARKUS 14:18

Tirigi igwam jug bibon pesta lene Noni pai biyok “Ma jiyok ngon kep bipia jei bi lene je di jiyem njita bit Da dini jigom mitri Da ug ri.”

MARKUS 14:9

Ma jiyok ngon kep bipia Allah Nihyet Di Kei mitibim bidem dihyei nisurti-nipekti tut misop dini niyai munti dini leu binhyepo tungwatu nya yahagom igyok ngon kep noni.”

MARKUS 12:43

Gima rino Yesus hig yo di igya kui Noni kwei bingwig ttai Noni lene pai biyok “Dipai dihyet di nijit bije bipia kibom di nuhui mbum dima com mitiei nindig dor njiriek nindigsi yahagom ei brua nsi.

MARKUS 11:23

Ma jiyok ngon kep bipia bon jicuk nungug dini bijipai ‘Akiju ba, akinyon ei muk ngeisi!’ Gino jihig jingon eisi tut bi ba, jinyohou niba ningon comti ei jingonti lene jicukti dima mipek kep.

MARKUS 10:29

Yesus buhup “Ma jiyok ngon kep bipia bikwop no di kes nide ig bei nsi nya kin nikindig-nikinjoi nya kin nikwohop bat nya kin nicig nipmem nya kin nimunggwom bat nya kin nide miai bitut njita di joti ei leu bibit Dani kin Nihyet Di Kei di kwei leu Allah cem ne,

MARKUS 10:15

Ma jiyok ngon kep gini! Gino jiya um Allah noyam kin munggwom dini yok bi lene bit bon jinggre kin Allah Ninyeng Tak Kepti bi.”

MARKUS 9:41

Ma jiyok ngon kep bipia no di ttin kau tut minyei mem je di jiya kui Nibou Ndig di teu tungwatu nya biyai niyaijo nijep biyok jidut eisi ne no dima nimuhup mitau binoni.”

MARKUS 9:1

Yesus pai biyok “Ma jiyok ngon kep bipia je di jingat rin ei mpia dini jibihi mijiyai nimai bi bibou jingat Allah Ninyeng Tak Kepti di mikwei sut Nide nisindemti bou jiyai him ug e!”

MARKUS 8:12

Noro Yesus hi ninnei bibuhup “Nggon rino tungwatu nijam dini ibidip huk Da mem dibon mindur i? Ma jiyok ngon kep bipia midibon mindur di nok gima bak yo dima bi!”

MARKUS 6:11

Gino juug ei minu ttou nsi hi lo, tungwatu nya igya um je bintu kep jihyet bi lene ma jingkwei nyahan leu minu ttou nsi dima ba, jikit jimig jou tut ide dihyei ndung di dimbos hak nok mun di bindo biyok.”

MARKUS 3:28

Ma jiyok ngon kep bipia Allah sindem mem gima kos ser sisar kin nihyet wer mpiahi tut yamti.

MATIUS 25:45

Nibou Ndig buhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok bi lene gima dem kep nok jingondut Da cem bi.’

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MATIUS 25:12

Noro noni buhup ‘E bi! Dikan tut je bi!’ ”

MATIUS 24:47

Ma jiyok ngon kep bipia niceu mikon awak dima ninyeng bindo noni nok mindor mem nide ndigban hagom.

MATIUS 24:2

Noni buhup “Jicap ser mun dima yok hagom bou jiyai him mem nijam dini. Ma jiyok ngon kep bipia ei nidipti bu lene tungwatu nya minggek hagom ba, tig di jo-jo yam dip mijo nijoti bu bi.”

MATIUS 23:36

Ma jiyok ngon kep bipia tungwatu nya nijam dini itug ndei hukum drek dip yo dima yahagom imaisi!”

MATIUS 21:31

Gima rino jindo igbit gi tou riyai igbit nicig nicuk noti i?” Lene imam ndig nya kin nibou mben Yahudi nya ibuhup “Nipmot mighumbou a.” Gima rino Yesus sok kep yok “Ma jiyok ngon kep bipia yo di igya tindei belasten bigyem jimuhup kin sop sundal nya micoi bit Allah Ninyeng Tak Kepti njiriek je.

MATIUS 21:21

Yesus buhup “Ma jiyok ngon kep bipia gino jiba jingon com Allah ba, jihig jingon eisi bi lene dem mem jiyai bram diyaisi dima ba, jimbriom biei ara hak ug. Nok gima cem mijicuk nungug tou dini ‘Ason leu mpia dini ug ei muk ngeisi.’ Lene dem igbit jipai bakti ri.

MATIUS 19:28

Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.

MATIUS 19:23

Lene Yesus pai bak yo di igya kui Noni “Dipai bije bipia nggruk bibor mem yo di inyeng nya inggre kin Allah De limwa nya.

MATIUS 18:18

“Ma jingon dorti tut gini ug e. Mun di jiggai ser ei dihyeisi dini ne Allah ei gwamti cem ggai ser tu ba, mun di jisindui sut ei dihyeisi dini ne Allah ei gwamti cem sindui sut tu.

MATIUS 18:3

Leu api pai biyok “Ma jiyok ngon kep bipia gino jiluei jingon kanti dem kep munggwom mien dini ningon kanti bi ne mijicoi bit Allah Ninyeng Tak Kepti bi sren.

MATIUS 11:11

Ma jiyok ngon kep bipia ei dihyeisi dini ne no di ninyeng jei dor njiriek Yohanes di tur tungwatu nya ei minyeiti hi bi sren. Mbro nok gima lo, no di awak he ei Allah Ninyeng Tak Kepti ninyeng jei dor njiriek noni bu.

MATIUS 10:42

Bikwop no di tin kau tut minyei mem no di bon ninyeng bi drek dip niya kui Dati lene ma jingon jo kep bipia Allah ba munkwas bibirop hanyen binoni!”

MATIUS 10:15

Ma jiyok ngon kep bipia tirigi Njap dem mem Allah ba hukum bibirop hanyen bak tungwatu nya lene miningon nggriu sut timiei Sodom kin Gomora nya dor njiriek gi ningon nggriu sut minu ttou nsi dima.”

MATIUS 8:10

Tirigi Yesus miap nihyet lene nggap leu tut nindig bibor bitri tut bak yo di ijop bram Noni “Mbenjen! Duum limwa Israel gom di ba ningon com Da noyam kin no dini hi bi sren.

MATIUS 6:16

“Tirigi jiyem njita bi mem nituti poi lene ma jibon jiimaisi hai dem kep yo di ingon can nya au. Lewo yo dima ibon nok bisinggre leu binhyepo tungwatu nya ingat ide niyem njita bisi. Ma jiyok ngon kep bipia imuhup tau biyok tu.

LUKAS 4:24

Noni binut bu bipai biyok “Nindigsi yahagom ikon no di nabi ninyeng noro gi mbun yo di ninttig-tta nya kin nide ig bei nsi nya ikon ninyeng kan bi.

MAZMUR 111:8

Nide nikos tutti nya jo nijam jei ba, Noni ba nihyet di igbit kin ningon di sren bitri tut nikos tutti bak Nide limwa nya.

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.