MATIUS 5:16 - ALLAH NIHYET MEM TUNGWATU NYA

¹⁶ Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

MATIUS 5:16 ပူးပေါင်းရင်းမြစ်များ

NEHEI LEUSI 34:35

yahagom ingat bou igyai him bipia niimaisi piga kei. Lene noni ba sinsun nghas pima binggai kep ser niimaisi hanyen bu bibou coi ug ei Prak Meng behei bimbrap bit tuhan hanyen ug e.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

YESAYA 58:8

Leu api midisingat tut je noyam kin mpia nipriti di wam je apino jei bi lene jibokti nya jut hanyen. Midingat rin bit je biditeu je ba, jingwes ngun. Midiya srak ko hagau je bidiyon ttai je cem.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

MATIUS 23:5

Igyai kep igyai kepti nya hagom brei bou tungwatu nya igyai him he. Ikui li ba, indei miep ho di ayat joti nya binap ninggrun di jei bibor bindun him ide sinsun ndok di jei ninghas him cem,

MATIUS 23:9

Ma jijem tungwatu dihyeisi hi ninyeng Arig cem au. Lewo jibon Jicig gom ngat ba, No rinaha ei gwamti.

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

MATIUS 6:16

“Tirigi jiyem njita bi mem nituti poi lene ma jibon jiimaisi hai dem kep yo di ingon can nya au. Lewo yo dima ibon nok bisinggre leu binhyepo tungwatu nya ingat ide niyem njita bisi. Ma jiyok ngon kep bipia imuhup tau biyok tu.

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

MATIUS 9:8

Tirigi tungwatu ingat mindur di Yesus bibon dima lene idigit tut ba, inggei sut Allah di yai nisindemti dima bak tungwatu nya.

LUKAS 11:2

Gima rino Yesus buhup “Gino jingat nadi lene ma jipai, ‘Arig e, Nani ne Allah Gom ngat. Handei kon ba, ma tungwatu nya yahagom inggei sut Na tut anyeng di kwes-kwau. Handei kon ba, ma akwei bindei ba, anyeng tak kep dihyeisi dini hagom.

YOHANES 15:8

Gino ningat mang ntun jeni him lene tungwatu nya ikon Dicig ninyeng. Tug hon nisinati dima lene jinok yo di igya kui Da di nijit nya ri.

KISAH 9:36

Sindig Tabita no rima ei minu ndig Yope ba, noni cem ningon jo kep Tuhan. (Iba nihyet Yunani bijem ninyeng hi Dorkas ba, ninyeng ndo tut rusa.) Dorkas de midyai nya hagom kei bibor ba, noni ngondut yo di yuhui mbum nya cem bidem njap ngwa hagom.

KORINTUS GI NIGOM 14:25

Leu api no dima mipai jit nide sisar di jo nding ei ningon bei brei bak yo di mbusyamei nya lene bikuk no bak Allah bipai “Jit-jit Allah ningat rin srig jikieti.”

KORINTUS GI NICAN 9:13

Ba, yo di ingon jo kep nya imang bibor ei hanjop Yudea minggei sut Allah drek dip jide nisingat tut tungwatu nyati di ndo bindo di kei bibor biyok. Lewo ingat bipia jingon gom tut Nihyet Di Kei tut Kristus bijibit nihyet cem. Gi jikwas mun di jimati dor njiriek tut yoni kin jisut yo di ingon jo kep nya cem bindei ba, inggei sut Allah drek dip je.

GALATIA 1:24

Gima rino inggei sut Allah tut mun di Noni bindei pek kep mem da.

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

EFESUS 5:8

Nipou ne jingat rin ei nidinditi. Noro tini bu ne jinok Tuhan de limwa nya bijingat rin ei nipigati. Gima rino ma jiyai kepti nya noyam kin munggwom di intun nipigati him igyai kepti nya.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

TIMOTIUS GI NIGOM 2:10

Noro ma iba ide niyai munti di kei bibor nya bimau yonti dem kep nok sop di ikuk yok bak Allah.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

TIMOTIUS GI NIGOM 5:25

Nok gima cem bihi ide niyai munti di kei nya jo nibreisi lene gi jo nding bibor ne bit bon jo nding kikau kan bi.

TIMOTIUS GI NIGOM 6:18

Ma asok kep yok leu binhyepo isingat cem inyeng tut midyai di kei nya cem ingondut tungwatu nya cem ikwas mun di jo biyoni tut hiter cem.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

TITUS 2:7

Ma aba ayai munti nya hagom bindo bindo di kei bibor. Suar aba ningon di gom kin ningon di nddong bingginau tungwatu nya.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

TITUS 3:4

Noro Allah di nok Nibou Ndig teu nye leu sisar biyai niyaijo nijep binye lene ndo nisingat tut tungwatu nyati kin ningon ngakei yokti brei binye.

IBRANI 10:24

Ma inyohou pingok yam ngonti leu binhyepo ingon ngakei yam bimpu yam cem.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

PETRUS GI NIGOM 3:1

Nok gima cem tut je di sop nya. Ma jiba jibou coi mem jijjep bat nya ighyet leu binhyepo gino bihi ingon jo kep Allah nihyet bi ba, jahap jiji cem bi lo, jiyai munti di kei bibor nya mibindei ba, jijjep bat nya ingon jo kep Kristus.

PETRUS GI NIGOM 3:16

Ma jiba jingon di jo nyahan kin jibou di cut biyok cem bibuhup ighyet. Ma jinyohou jingon mien di kwes leu binhyepo gino hi pai je di jibit Kristus kinei drek dip jiyai munti di kei nya lene ighyet dima mibindei ba, immai sut yonti hak ug.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.