MATIUS 5:14 - ALLAH NIHYET MEM TUNGWATU NYA

¹⁴ Jinok ninjeng mem dihyeisi dini hagom. Gino tungwatu nya iwin minu ndig ei mbigdip lene bit bon iku minu ndig dima bijo nding kan bi.

MATIUS 5:14 ပူးပေါင်းရင်းမြစ်များ

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

YEHEZKIEL 5:5

tuhan di ninyeng jei bibor pai “Angat i! Gini ne minu ndig Yerusalem ri. Dikes minu ndig dini ei dihyeisi nahacan ngatti lene ngkiai ide minu di ibongti nok minu ninda rom jo ttai minu ndig Yerusalem.

YOHANES 12:36

Ma jingon jo kep nipigati dima mem nijam di nipigati dima gwam bit je leu binhyepo jinok munggwom nipigati nya.” Tirigi Yesus kes nihyet hon bikes yok ei lene Noni ku No nyahan leu yok.

YOHANES 5:35

Yohanes dima ne mini njeng di piga digai puig mem je rin lo, jijoi sut noni mem njap poi he.

YOHANES 8:12

Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”

YOHANES 9:5

Tirigi dingat rin ei dihyeisi dini lene Dani ne nipigati di piga digai tungwatu dihyeisi dini nya ri.”

KORINTUS GI NICAN 6:14

Ma jinok gom kin yo di ingon jo kep bi nya bijiyai midyai bit yok au. Lewo gima dem tut bi. Bit bon mun di kei kin mun di kinei bicom yam nok gom kan bi. Bit bon nipigati bicom yam bit nidinditi kan bi.

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,

TESALONIKA GI NIGOM 5:5

Lewo jahagom jinok munggwom nipigati bijinggre kin yo di imbut mem njap. Inok munggwom nidinditi kin yo di inggre kin nimpung di imbut mem mmun bi.

NINGAT-HI-NGAT NYA 1:20

Gini ne mimun tut ham mpia-bbed him ningat muhwindacan di dikrau ei dinda com bou ayai him kin mini njeng nidihim ningat muhwindacan di iba mas bibon ri. Ham ningat muhwindacan dima ne malaikati nya ibou muhwindacan di ibuhup tut mbusyamei ningat muhwindacan ri. Ba, mini njeng nidihim ningat muhwindacan ne mbusyamei ningat muhwindacan ri.”

NINGAT-HI-NGAT NYA 2:5

Gima rino ma jibisrip tut notou jingkwei hanyenti ug e! Ma jittin ser jide sisar leu api jiyai bram niyai munti nya di jiyai ei nimbie him. Gi bi ne midihwou pos jide mini njeng nidihim leu nijoti.