MATIUS 5:11 - ALLAH NIHYET MEM TUNGWATU NYA

¹¹ Mpe dino tungwatu nya ipai je kinei cem ihwen bit je cem ikkin kep jinghapti cem drek dip Dani lene ma jingon nggei-hi-nggei.

MATIUS 5:11 ပူးပေါင်းရင်းမြစ်များ

MAZMUR 35:11

Yo di isibut nya ikiju ei nikei noho bei bipai kep da mikuisi biris mun ei da dip. Ipai bipia dibon mun di mbuk di dikan tut bi nya.

MAZMUR 44:22

lene jo nibreisi bipia Na di Allah akan tut. Lewo akan bidem mimun di niku ei ningonti hagom.

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

YEREMIA 37:14

Lene dibuhup “E bi! Dinang biditti kin side siceu nya bi.” Noro Yeria ningkek ndok bimiap dihyet bi. Noni kat da bikes da ei nibou nya yoho bei.

MATIUS 10:18

Yoni mibuwak je ug ei yo di inyeng jei nya kin nibou ndig nya yoho bei drek dip gi jiya kui Da. Mpe dima lene jibon nituti mem gima jitri tut Nihyet Di Kei bak nibou ndig nya kin ngkiai nya.

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

MATIUS 10:25

Gima rino ma munggwom pikor ningon cut hon gima kui klas ug ei sur nide guru. Ma awak di brim ningkek ningon cut hon gima yai ninyeng ug ei sur niceu ninyenga. Gino tungwatu nya ipai ig ceu hi kinei bijem ninyeng Beelzebul lene notou mem nide ig bei nsi nya i? Tungwatu nya mijem inyeng kinei bibor dor njiriek bu!”

MATIUS 10:39

Lewo bikwop no di ningon hek tut nonti bikan bipia niyaisi bon ninyeng mem nonti lene niyaisi misar.”

MATIUS 19:29

Bikwop no di kes nide ig bei nsi nya kin nikindig-nikinjoi bat nya kin nikwohop bat nya kin nicig-nipmem nya kin nimunggwom bat nya kin nide miai bitut njita di joti ei leu binhyepo bit Da lene no dima miyai bibikwop mun dima yok hagom mbisratus gom bram yam hanyen bu bitut niyaijo nijep di jo kikau cem.

MATIUS 24:9

Lene nibou di isindem nya mikat je ba, ihwen bit je bikimukep je. Tungwatu nya yahagom mingon mpo tut je drek dip gi jibit Da.

MATIUS 27:39

Yo di injiriek mpia ttou nsi dima ighyet wer mpiahi tut Yesus ba, ikit-kit nyen ibou leu Noni.

MARKUS 13:13

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti biningwes ngun.”

MARKUS 13:9

Ma jitindei ser tungwatu nya lewo yoni mikat je bibuwak je ug ei Nikei Puig Yahudi nya yoho bei leu api imbas je ei mben Yahudi ide ig mbusyameisi. Yoni ibuwak je ug ei yo di inyeng jei kin nibou ndig nya yoho bei drek dip dinyeng. Gini hagom bon nikwesti di kei bibor mem gima jitri tut Nihyet Di Kei biyok.

MARKUS 4:17

Noro nihyet com nigau ei ingonti kan bi apino ingon nddong bi. Hammi tirigi mun di kinei cut igkep yok ba, hiter hwen bit yok drek dip nihyet rino ingkwei hanyen.

MARKUS 8:35

Lewo bikwop no di ningon hek tut nonti bikan bipia niyaisi bon ninyeng mem nonti lene niyaisi misar. Noro no di kes niyaisi ei mem Da kin Nihyet Di Kei di kwei leu Allah minyohou niyaijo di jo kikau.

LUKAS 21:12

Noro nipou tirigi mun dini yok hagom cut igkep je bigyo ne siceu nya mikat je ba, ihwen bit je bibuwak je ug ei nikei mben Yahudi yoho bei ei ide ig mbusyameisi leu api jisima. Yoni mibuwak je ug ei yo di inyeng jei nya kin nibou ndig nya yoho bei drek dip dinyeng.

LUKAS 21:17

Ba, tungwatu nya yahagom mingon mpo tut je drek dip dinyeng.

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

LUKAS 9:24

Lewo bikwop no di ningon hek tut nonti bikan bipia niyaisi bon ninyeng mem nonti lene niyaisi misar. Noro no di kes niyaisi ei mem Da minyohou niyaijo di jo kikau.

YOHANES 15:21

Yoni ibibon je nok gima drek dip gi jibit Da lewo ikan tut No di cuk Da kwei bi.

YOHANES 9:28

Lene iba ighyet di ten bisrep “E bi! Atti kin Noni noro nye dini nitti kin Musa.

KISAH 9:16

Ba, Danti midindo binoni tut ninghuisi wei di micut igkep noni drek dip Dani bak yo.”

ROMA 8:36

Bit leu nok Allah Nihyet pai, “Tungwatu nya ijem nimai gau nye drek dip Nani bidem njap ngwa hagom ba, ibibon nye tereu nok domba di ibui nok mikwau.”

KORINTUS GI NIGOM 4:10

Nyeni ningon mbum ei tungwatu nya igyai him drek dip Kristus lo, jingon ki ei tungwatu nya igyai him tug hon jide ninok gom kin Kristusti! Niwei bibor noro jisindem bibor! Tungwatu nya ingwes pri gau nye noro inggei-nggwang tut je!

KORINTUS GI NICAN 4:11

Niya hon niyaijo ningwig honti bikwop njap ngwa hagom kikau drek dip Yesus leu binhyepo Yesus niyaijoti jo brei bou tungwatu nya igyai him tug hon ningut di mipror yon dini.

FILIPI 1:29

Lewo Noni singat tut je ba, ubon je nok awak mem Kristus leu binhyepo jiba jingon com Noni he bi noro jiyai ninghuisi wei drek dip Noni.

PETRUS GI NIGOM 2:23

Tirigi ikucang Noni ne buhup bikucang yok hanyen bi sren. Tirigi ihwen bit Noni ne cug yok bi lene ba nihwen bit yokti birop hanyen bi sren. Noro kes munhyet dima ei Allah di nok Nikei di ningon sren-srau nindati.

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.

NINGAT-HI-NGAT NYA 2:3

Joom jingon bijiyai ninghuisi wei drek dip Da lo, jingon cut leu bi.