MATIUS 5:10 - ALLAH NIHYET MEM TUNGWATU NYA

¹⁰ Bikwop yo di igyai igbit Allah ningon kanti mem yok apino tungwatu nya ihwen bit yok nya ingon nggei-hi-nggei lewo inggre kin Allah Ninyeng Tak Kepti tu!

MATIUS 5:10 ပူးပေါင်းရင်းမြစ်များ

MAZMUR 37:12

No di sibut tin ei ningon kanti di kinei mem no di ningon sren. Ningwak mbriu sut ba, ningon mpo tut noni cem.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

MATIUS 10:23

Gino timiei minu ttou nsi gom ihwen bit je lene ma jinang ug ei minu ttou nsi hiter bu. Dipai bije bipia nipou tirigi jicem kep mben Israel ide minu ndig nya hagom bidem bigyo lene Munggwom Tungwatu Nipmot kwei hanyen tu.

MATIUS 19:14

Gima rino Yesus srep “Ma jisindui sut munggwom dima yok bikwei ngat Da ba, jibigen ser yok au. Lewo tungwatu di ingonti noyam kin munggwom dini yok ingonti minggre kin Allah Ninyeng Tak Kepti.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

MARKUS 10:14

Tirigi Yesus ngig niyai kep yok lene wok yo di igya kui Noni bipai biyok “Jisindui sut munggwom dima yok bikwei ndam Da ba, jibigen ser yok au. Lewo tungwatu di ingonti noyam kin munggwom dini yok ingonti minggre kin Allah Ninyeng Tak Kepti.

MARKUS 10:30

no dima miyai bibikwop mun dima yok hagom nindig bibor hanyen bu ei nijam dini. Noni miyai ig kin nikindig-nikinjoi nya kin nikwohop bat nya kin nipmem bat nya kin nimunggwom bat nya kin miai tut njita di joti nya hagom mbisratus gom bram yam lo, tungwatu nya mihwen bit noni cem. Lene noni miyai niyaijo nijep di jo kikau ei nijam di nijep ei nidipti bu.

LUKAS 21:12

Noro nipou tirigi mun dini yok hagom cut igkep je bigyo ne siceu nya mikat je ba, ihwen bit je bibuwak je ug ei nikei mben Yahudi yoho bei ei ide ig mbusyameisi leu api jisima. Yoni mibuwak je ug ei yo di inyeng jei nya kin nibou ndig nya yoho bei drek dip dinyeng.

LUKAS 22:29

Dicig yai nisindemti biDa leu binhyepo dinyeng tak kep Ditde limwa nya. Gima rino Dani cem midiyai nisindemti dima bije bu.

LUKAS 6:20

Lene Yesus tou kep yo di ibit Noni bipai biyok, “Bikwop yo di yuhui mbum ingon nggei-hi-nggei lewo inggre kin Allah ninyeng tak kepti tu!

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

YOHANES 15:20

Ma jiyok ngon kep mun di dipai bije. Awak nya inyeng jei dor njiriek iceu ninyeng bi. Gino ihwen bit Dani lene mihwen bit jeni cem. Gino ibit Ditde ningginausi lene mibit jide ningginausi cem.

KISAH 5:40

Leu api ihig yo di igya kui Yesus hanyen kwei leu api yo di igya ser nya imbas yok leu api isok kep yok bingkiem ser bipia ma ingginau tungwatu nya tut Yesus hanyen bu au. Gima ngwig lene ikes yok bimbut.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

FILIPI 1:28

Ma jingwes mien tut yo di ihwen bit je au noro ma jibrim jingkek. Tug hon nisinati dima ne mijo nibreisi mem yok bipia icut bak jeni ba, Allah misindem tut je leu binhyepo jibindei cut yok cem.

2 TIMOTIUS GI NICAN 2:12

Gino iba ibou coi mem mun di buhun tak nye lene inok nibou mem ninyeng tak kepti bit Noni. Gino ibikep ser Noni lene Noni cem mibikep ser nyeni.

2 TIMOTIUS GI NICAN 3:11

kin tungwatu nya di ihwen bit da kin ninghuisi wei di hwen da hagom tu. Akan tut mun di cut igkep da ei minu ndig Antiokhia kin Ikonium kin Listra tug hon tungwatu nya di ihwen bit da bibor! Noro Allah teu da bidingwes ngun leu hagom tu.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 5:11

Ipai sut yok bipia ingon nggei-hi-nggei lewo ingon jo nyahan tut yo di ihwen bit yok. Jikan tut Ayub di ningon jo nyahan leu api Allah njei mun di kei bak noni drek dip ug e. Lewo Allah ngondut nye nindig bibor bisingat tut nye di tungwatu.

YOHANES GI NIGOM 3:12

Ma igyai bram Kain niyaisi au. Noni jem niceu bit Bilis bikimukep nikinjoi. Nggon rino Kain kimukep noni i? Lewo Kain yai mun tunggwei noro nikinjoi yai mun igbit.

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.