MATIUS 4:7 - ALLAH NIHYET MEM TUNGWATU NYA

⁷ Lene Yesus pai bu “Allah Nihyet pai ‘Ma jibingon Tuhan di nok jide Allah au.’ ”

MATIUS 4:7 ပူးပေါင်းရင်းမြစ်များ

NINDAT KEP TUHAN NICUKTI NYA 6:16

Ma jibingon tuhan di nok jide Allah hanyen nok gi nipou po jibingon Noni ei Masa pima au.

KORINTUS GI NIGOM 10:9

Harin dima iba ide sisar di yoni ibon nya bibingon Allah nisingat tut nyeti noyam kin yo ngot ndig dima. Lewo wou piet nya yaham yok bimai drek dip.

MAZMUR 78:18

Ibisinggre mem gima ibingon Allah ningonti tug hon gi ibidip huk tut njita di yoni ijoi sut.

MAZMUR 78:41

Ibingon kep Allah ningonti nyen-nyen ba, ibiyai ningon di buhun bak Israel de Allah Di Kwes-Kwau cem.

IBRANI 3:9

Allah pai ‘Mbro nok gino jidigup bat-jidigai bat nya ingat mindur di dibibon mem yok bou igyai him kikau mem ari bingwam ningot bitai lo, ibingon kikep Da.’

NEHEI LEUSI 17:7

Lene ijem mpia dima ninyeng Masa lewo mben Israel ibingon tuhan ei sirima tirigi po ihig-hig nyen nok gini “tuhan hi kin nyeni e, he bi e,” pima. Lene ijem mpia dima ninyeng hi Meriba lewo inso-nso nyen ei sirima.

NEHEI LEUSI 17:2

Gima rino inso-nso nyen tut bak Musa bipai “Ayai minyei hi binidut ug e!” Lene Musa buhup “Nggon rino jinso-nso nyen nok gima ba, jibingon tuhan i?”

KISAH 5:9

Lene Petrus hig pus noni “Nggon rino ajjep jeni jikos tut gi jiris bak Tuhan Ninnei i? Atou kep! Pinjoi pilei nya di itig ajjep ningut nogindi pa ittau hanyen ei dimbou heisi tu. Yoni mikon nani cem angut leu ig bei dini ug ri.”

MAZMUR 106:14

Ikimam njita ei iggum ndigsi bitig dino ibingon Allah ningonti.

MAZMUR 95:9

Mbro nok gino yoni ingat mun di mindur nya di dibon mem yok lo, ibingon kikep Da.”

MALEAKHI 3:15

Ningat bou niyai him bipia yo di inggei-nggwang tut yonti nya ingon llei bibor. Yo di imbuk nya ide mun nyeng hagom dem mem yok bibong kei igwam kei. Ibong kei igwam kei he bi noro ibingon Allah noom ningonti tug hon gi ibon sisar lo, ingwes ngun cem.’ ”

MAZMUR 78:56

Noro mben Israel yaham imbuk kep Allah ba, ibingon Allah Di Ninyeng Jei ningonti ba, igibit Nide nicukti nya bi.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MATIUS 4:4

Noro Yesus pai “Allah Nihyet pai ‘Tungwatu nya igyaijo tug hon roti he bi noro tug hon nihyet di tibim ei Allah nuhui him cem.’ ”

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

MATIUS 4:10

Noro Yesus pai bu “Bilis e, aug leu Da hak ug. Lewo Allah Nihyet pai bipia ma jikuk je bak jide Allah ba, jibit Nongkom hak.”

MATIUS 21:42

Lene Yesus hig ser yok “Jikwop Allah Nihyet di ipas kep bi e? Nihyet dima pai, ‘Tig mma di tukan nya ikou sut bon ninyeng jei dor njiriek tig nindigsi nya. Allah bon mun dini ba, nyeni ingon llei sut nindig bibor!’ ”

MATIUS 21:16

Gima rino ihig ser Yesus “Amiap mun di tibim ei munggwom dima yok yuhui him e?” Noni ce “Dimiap tu. Jikwop leu Allah Nihyet di pai ‘Angginau munggwom kin ningwoi-ngwoi nya leu binhyepo iba ingon di gom binggei sut Na’ pima bi e?”

LUKAS 4:12

Yesus buhup “Allah Nihyet pai ‘Ma jibingon Tuhan di nok jide Allah au.’ ”

KISAH 15:10

Nggon rino jisrep tut Allah ningon kanti tug hon mun di buhun di jikes ei yo dima inghat dip i? Lewo bit bon nyeni ide pung di intun him nya kin nyeni cem ibiang mun dima kan bi.