MATIUS 4:3 - ALLAH NIHYET MEM TUNGWATU NYA

³ Lene Bilis kwei pai biNoni “Gino Nani ne Allah Nipmot rin lene ma abindei tig dini yok nok roti.”

MATIUS 4:3 ပူးပေါင်းရင်းမြစ်များ

NEHEI LEUSI 16:3

bipai “Gino tuhan kes hukum nimai ei nye dip tirigi po nibong ei minu Mesir pima lene dem. Lewo mpe di po ningat rin ei minu dima lene niyem kep mikwau kin njita nindig bibor di bindei nye. Noro jibuwak nye kwei ei iggum ndigsi dini apino nahagom minimai ninggum ug ri.”

MATIUS 14:33

Gima rino yo di igya kui Yesus di igwam ei ut nsi dima ikuk yok ei nimig him binggei sut bipai “Ningat ne Nani ne Allah Nipmot ri!”

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MARKUS 1:1

Gini ne Nihyet Di Kei tut Yesus Kristus di Allah Nipmot ri.

MARKUS 3:11

Tirigi ninnei rom nya di igya tungwatu nya ingonti ingat igbit Yesus lene ikuk yok ei nimig him ba, yahara “Nani ne Allah Nipmot ri!”

MARKUS 5:7

Lene ba nihyet nindig bibor bahara “Na di Yesus di Allah Di Ninyeng Jei Nipmot rin e? Akwei nggon ndei da i? Dahara ser Na tug hon Allah ninyeng bipia ma ahwen bit da au!” (

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 22:70

Yahagom ihig ser Noni “Apo Nani ne Allah Nipmot rin e?” Yesus buhup “Bit leu nok jipaisi dima.”

LUKAS 4:3

Bilis pai biNoni “Gino Nani Allah Nipmot rin lene ma abindei tig dini yok nok roti.”

LUKAS 4:41

Noni jji ninnei rom nya leu imang bibor ingonti tirigi yahara bipia Noni ne Allah Nipmot ri. Noro Noni ggai ser ninnei rom nya yahagom lene bindei ba, iji nggicai ser bimbrap bi lewo ikan tut bipia Noni ne Nibou Ndig di teu tungwatu nya biyai niyaijo nijep biyok ri.

LUKAS 4:9

Lene Bilis buwak Noni ug ei Yerusalem bikes Noni ei Tuhan De Ig biya ig bou ninjek anai bibor leu api pai bak “Gino Nani Allah Nipmot lene ma anjei Nanti leu naanaisi dini ug ei dihyeisi mu.

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 9:35

Yesus miap tut gino nibou nya iciu ser no dima ninyeng leu daptar di tibim tut yo di inggre kin mbusyamei Yahudi inyeng lene Noni nggok bihig ser noni “Aba angon com Munggwom Tungwatu Nipmot e?”

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

TESALONIKA GI NIGOM 3:5

Leu api gi mbun doom kep dingonti bu kan bi. Gima rino dipinak Timotius hwou ngat je leu binhyepo ngig niyai kep jide niba ningon com Yesus Kristusti. Lewo dikrau dingon tut je gino jicut bak Bilis lene gima bindei ba, nicom nahanggwap tut je mikui-kausi e?

IBRANI 12:16

Ma jisok kep yam leu binhyepo jicut tut yam ba, jingkek ndok tut Allah Ninnei nipingok jeti noyam kin Esau au. Lewo noni kes ninyeng mot mighumbou ei bitri bak nikinjoi bipek njita den gom ngat he.

IBRANI 4:14

Gima rino ma nyeni ikrau kep ide niba ningon comti di itri tut ei yuhui him. Lewo ide Imam Nibou Ndig di ninyeng jei coi ug ei Allah Noho bei biya hacan mem nye tu. No dima ne Yesus di Allah Nipmot ri.

IBRANI 7:3

Hi kan tut no dini nicig kin nipmem kin nide pung di ntun him nya bi ba, nikwei leusi kin nimaisi jo daptarti di ipas kep tu nya cem bi. Noni yai ninyeng nok imam kikau noyam kin Allah Nipmot.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.