Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIUS 4:23 - ALLAH NIHYET MEM TUNGWATU NYA

23 Yesus mbut nimig bidem hanjop Galilea hagom ba, ngginau mben Yahudi ei ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen ninyeng hagom ikei hanyen cem.

အခန်းကိုကြည့်ပါ။ ကော်ပီ




MATIUS 4:23
46 ပူးပေါင်းရင်းမြစ်များ  

Noni kos ser jide sisar hagom bibindei dino jikei hanyen leu ninggwenti di hwen je hagom.


Ibingon mem gima ibindei timek nye bihigom ba, niba ninghop bikak mpia hak. Igya kep mpia di kwes ei minu dini hagom bindig ningwig a.


Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”


Yesus jo leu mpia dima buug kikau ug ei mben Yahudi ide ig mbusyameisi gom ba,


Njita ngan di cut ug ei puigsi bindo tut yo di intu kep nihyet tut Allah Ninyeng Tak Kepti noro imiap ba, ingon dorti bi. Apino Bilis kwei pos nihyet di cut ug ei ingonti.


bingkwei hanyen ug ei nitimieisi. Lene Noni tri tut nihyet ei mben Yahudi ide ig mbusyameisi apino yo di imiap nihyet inga leu tut bihig yam “Tou rino pingok di ningon ki nok gini i? Noni ba nisindemti di notou bibon mindur dini yok i?


Tirigi Yesus kinyon ei igpong nintig dip lene ngat tungwatu ningot ndig di idem yam ei dima lene ngondut yok lene bindei ba, yo di inggwen ikei hanyen.


Lene tungwatu nya mitri tut Nihyet Di Kei tut Allah Ninyeng Tak Kepti bidem dihyei nisurti-nipekti leu binhyepo tungwatu nya yahagom imiap tut nihyet nipou ug e leu api ningwig honti mitau kep je.”


Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”


Mpe dima lene Yesus mbut nimig bidem minu ndig kin minu mien nya hagom ba, ngginau tungwatu nya ei mben Yahudi ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen yahagom ikei hanyen cem.


Niabiati Yohanes sima tu lene Yesus ug ei hanjop Galilea bitri tut Allah Nihyet Di Kei bak tungwatu nya ei sirima.


Yesus nya yuug kikau ug ei minu ndig Kapernaum. Njap Nigwam Kep Ninghuisi gi dip bu dem lene Noni coi ug ei mben Yahudi ide ig mbusyameisi ba, sindi ngginau tungwatu nya.


Lene Noni mbut nimig bidem Galilea nisurti-nipekti bitri tut Nihyet Di Kei ei mben Yahudi ide ig mbusyameisi ba, jji ninnei rom nya leu tungwatu nya ingonti.


Noni bindei ba, tungwatu nya imang bibor ikei hanyen. Gima rino yo di inggwen nindigsi nya imang bibor iba yo dek yam leu binhyepo ingget Noni.


Tirigi Njap Nigwam Kep Ninghuisi dem lene Yesus coi ug ei mben Yahudi ide ig mbusyameisi ba, sindi ngginau tungwatu ningot ndig di idem yam ei su. Lene yoni inga leu tut Noni nindig bibor bihig yam “No dini yai ningon di ki dima leu hantou i? Tou rino pingok di ningon ki nok gima i? Noni ba nisindemti di notou bibon mindur dini yok i?


Noni nga leu tut yok lewo iba ingon com Noni bi. Leu api Noni mbut bidem minu di gahai dima kou bingginau tungwatu nya.


Ma jibindei ba, yo di inggwen ei minu ndig dima ikei hanyen lene ma jitri tut biyok ‘Allah ninyeng tak kepti dideu kwei ei jikieti tu.’


Mpe di gom bu lene Yesus ngginau tungwatu nya ei ig mbusyameisi mem Njap Nigwam Kep Ninghuisi.


Allah niggai serti di tug hon Musa kin nabi nya ipas kepti mbut kikau kwei bipek nijam di Yohanes di tur tungwatu nya ei minyeiti ningat ri. Hon kep nijam dima kwei lene tungwatu nya itri tut Nihyet Di Kei tut Allah ninyeng tak kepti. Lene yo di ibungwam mem gima icoi nya yahagom itug hon.


Mpe di gom bu tirigi Yesus ngginau tungwatu nya bitri tut Allah de Nihyet Di Kei ei Tuhan De Ig lene imam nindig nya kin guru Puig Yahudi nicukti nya kin nibou mben Yahudi nya ittau kep Noni ba,


Lene Yesus ngkwei hanyen ug ei hanjop Galilea biyai nisindemti leu Ninnei Gi Kwes. Ninghapti tibim bidem hanjop dima nisurti-nipekti.


Njap poi bu tirigi Noni ngginau tungwatu nya lene Farisi nya kin guru Puig Yahudi nicukti nya di ikwei leu bikwop minu mien hagom ei Galilea kin hanjop Yudea kin minu ndig Yerusalem cem igwam bit Noni. Allah de nisindemti mem gima bindei ba, yo di inggwen ikei hanyen jo ei Noni dip.


Leu api Yesus ya tut yo di igya kui Noni bijuk leu mbigdip kwei bigya ei nipieti gom. Yo di nindigsi kin tungwatu ningot ndig di imbut imig kwei leu hanjop Yudea nisurti-nipekti kin timiei minu ndig Yerusalem nya kin yo di ikwei leu minu ndig Tirus kin Sidon di jo ei muk nintig dip yahagom ikwei ngat Noni.


Mpe hi bu ei Njap Nigwam Kep Ninghuisi lene Yesus coi ug ei mben Yahudi ide ig mbusyameisi ba, ngginau tungwatu nya. No di ninda nite hi mai no rima.


Mpe dima lene Yesus bindei ba, yo di inggwen imang bibor ikei hanyen ba, Noni jji ninnei rom nya cem lene bindei ba, yo di igyai tu igyai da hanyen.


Gima rino Yesus buhup “Jingkwei hanyen ug ei Yohanes nidim bijipui sut mun di jingat bou jiyai him kin mun di jimiap ei jitingou nsi bak. Yo di igyai tu nya igyai da hanyen. Yo di imig lit nya imbut imig hanyen. Yo di bras yem yok ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Nihyet Di Kei tibim ei yo di ihwap mbum nya itingou nsi tu.


Njap poi kin bu lene Yesus mbut nimig bidem minu ndig nya kin minu mien nya hagom bitri tut Nihyet Di Kei tut Allah ninyeng tak kepti. Ibou simnaibrimigcan di igya kui Noni ibit-bit nyen.


Tirigi tungwatu ningot ndig ikan tut Yesus nimbutti lene ijop bram. Yesus pigo yok bitri tut Allah ninyeng tak kepti biyok lene bindei ba, yo di inggwen ikei hanyen.


Yesus buhup “Nna ba asindui sut ba, yo di imai nya itig ide nimai nya. Noro tut nani ne ma aug tri tut bipia Allah ninyeng tak kepti sindi tau kep tungwatu nya tu.”


Yesus buhup “Ditri tut nihyet brei bak tungwatu nya yahagom ei biyati kin jide ig mbusyamei kin Tuhan De Ig di nok mpia di tungwatu nya yahagom induk yam kikep eisi cem. Diku mimun tut nihyet di ditri tut biyok bi sren.


Yesus ba nihyet dini bingginau tungwatu nya ei mben Yahudi ide ig mbusyameisi ei minu ndig Kapernaum.


Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.


Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.


Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.


Disut bat jen, dikwei sut nihyet tut Allah ninyeng tak kepti ei jahagom jikieti tu. Noro dikan bipia mijingat diimaisi bou jiyai him bu bi sren.


brim ningkek kep yo dima tirigi noni tri tut nihyet tut Allah Ninyeng Tak Kepti ba, ngginau yok tut Tuhan Yesus Kristus cem. Tirigi noni yai kep midyai dima lene kwes mem noni ba, hi cuon ser noni tut bi.


Notou hi tri tut nihyet gino Allah cuk noni bi i? Lewo Allah Nihyet pai “Yo di ikwei sut Nihyet Di Kei leu Allah inghapti biyai tungwatu nya ingon kei bibor!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ