MATIUS 3:17 - ALLAH NIHYET MEM TUNGWATU NYA

¹⁷ Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MATIUS 3:17 ပူးပေါင်းရင်းမြစ်များ

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 42:21

tuhan ningon bisau sut gi Noni teu tungwatu nya bingwes ngun. Gima rino Noni kon Nide nikos tutti nya bijo anai leu binhyepo Nide limwa nya inggei sut.

IMAM NYA IDE MIDYAI 15:15

Suar imam dima bui ha dima ningut gom bindig kep hum nok mun di ibui bibam mem nibon midut nibiyai nikos ser sisarti. Lene noni bui gi hi dima bibam mem nibon midut nindig ha titut yam kep hum. Tug hon nisinati dima lene imam bon midut nipiap no dima bipwoi ei tuhan Noho bei.

MATIUS 12:18

“No dini ne Ditde Awak rin ba, didimig Noni ei su. Dingon ngakei Noni bidingat dingwes ei Noniti cem. Midikes Dinnei ei Noni dip leu api Noni mitri tut dingon kanti bak ngkiai nya yahagom.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MARKUS 1:11

nihyet gom tibim kwei leu mpia-bbed him bipai “Nani ne Dipmot rin ba, dingon ngakei Na bidingon kei sut Na cem.”

MARKUS 9:7

Leu api bumbuhui ttou gom juk kwei binggai kep yok ba, nihyet gom tibim kwei leu bumbuhui ttou bipai “No dini ne Dipmot di dingon ngakei rin ba, ma jimiap kep Noni nihyet.”

LUKAS 3:22

leu lene Ninnei Gi Kwes di luei nitta binok hakimoi dwop juk bigwam ei Yesus dip. Leu api nihyet gom tibim kwei leu gwamti bipai “Nani ne Dipmot rin ba, dingon ngakei Na bidijoi sut Na cem.”

LUKAS 9:35

Leu api nihyet gom tibim kwei leu bumbuhui dima bitri tut “No dini ne Dipmot rin ba, didimig Noni ei su. Ma jimiap kep Noni nihyet!”

YOHANES 5:20

Lewo Nicig ningon ngakei Nipmot ba, ndo Nide midyai nya hagom brei biNoni. Lene gima he bi lewo Nicig mindo midyai nindig bibor bu bak Nipmot apino jahagom mijinga leu sut.

YOHANES 5:37

Dicig di cuk Da kwei cem tri tut Da. Noro jimiap Noni nihyet bijingat Noni bou jiyai him cem bi sren.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

KOLOSE 1:13

Allah teu nye leu nidinditi de nisindemti bibuwak nye bingwes ngun ug ei Nipmot di Allah ningon kieti Ninyeng Tak Kepti tu.

PETRUS GI NICAN 1:17

Nyeni ningat rin bit Noni ei mpe di Nicig Allah kon Noni ninyeng biyai nikei-kau-keisi bak. Mpe dima lene nihyet gom tibim kwei leu Allah Di Sieng-Siau nuhui him di pai biNoni “No dini ne Dipmot di dingon ngakei rin ba, dingon kei sut Noni.”

YOHANES GI NIGOM 5:9

Nyeni ingon jo kep mun di tungwatu nya ingat bou igyai him bitri tut. Noro mun di Allah ngat bou niyai him bitri tut bon ninyeng dor njiriek bu. Mun di bon ninyeng dima rino mun di Allah ngat bou niyai him bitri tut Nipmot.

NINGAT-HI-NGAT NYA 14:2

Dimiap nihyet gom di dem kep minyei ninyei di nisu bong nindig bibor kin kru di cut nibimbiti nindig bibor di tibim kwei leu gwamti ba, nihyet dima noyam kin doia di tungwatu nya iba nggong mbrei bipai.