MATIUS 3:12 - ALLAH NIHYET MEM TUNGWATU NYA

¹² Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

MATIUS 3:12 ပူးပေါင်းရင်းမြစ်များ

AYUB 21:18

Apo idem kep gandum nintam kin atriem ndung di hou sigau yai ba, bit hou pima tu e?

MAZMUR 1:4

Noro ningat di kei ntun no di sibut de midyai nya him kan bi. Noni dem kep nok gandum nisina di hou yai bidimbos bingwig.

MAZMUR 35:5

Handei kon ba, tuhan de malaikati huk yok ba, idem kep biei nnir di ndung-diem di hou yai di bit hou nimig.

YESAYA 1:31

Yo di inyeng jei nya igyai munti di kinei bibor nya mibindei ba, itug ndei nimai noyam kin minta di mui su di hum mbom gom cut eisi biyem. Bit bon hi bigen ser mun di buhun di micut igkep yok dima kan bi.

YESAYA 17:13

Ikiju binjei siceu bidem kep minyei di su di kui mpia bibor. Noro Allah sok kep yok leu api inang biyuug ninno noyam kin pas nicap di bit hou nimig kin dihyei ntui di hou sigau miep di bit nimig.

YESAYA 27:4

Digga miai ba anggur nghousi dima bu bi. Gino cibou kin war nggig-nggwen no rinaha lene midicok tut bidindig hagom ningwig a.

YESAYA 28:28

Mpe di noni bindei llet gandum ninjep leu nicap lene bui kikau binem-nnai e? E bi! Noni kan tut nisinati di dem mem gima bindei mbut kroba nimig bidor gandum nintam nidip leu binhyepo bindei ba, nicap tek leu ninjep he lene bindei gandum ninjep binem-nnai bi.

YESAYA 30:24

Sapi nikre kin keledai di jibiwim dihyei ei jide miaisi migyem njita di kei bibor di itin ei pijum mem yok.

YESAYA 41:16

Mijicig yok leu api ibit hou nimig lene hou sigau bindei ba, ipri didiei. Mpe dima lene jingon minggei-hi-nggei lewo Dani ne jide Allah ri. Mpe dima lene mijinggei sut Da lewo Dani ne mben Israel ide Allah ri.

YESAYA 5:24

Jirok tuhan Di Sindem Bibor Nide ningginausi ei ba, jingwes om kep Allah Israel Di Kwes Nide nicuk jeti nya cem tu. Gima rino jide nigau nya mikroi cem jide mitou nya mui ba, hagom mibit hou bingwig noyam kin pas ntam kin minta mui di hum yem di ngwig ei humti.

YESAYA 66:24

Mpe di ikiju bingkwei hanyen ug ei ide ig lene mingat nimbiam di ikiek imig jou tut Da bou igyai him. Njingwoi di bipio ingut dima yok mimai ba, hi dima mu hum di yem yok kan bi. Gima ne mun di biyai yo di ikriau bicap kep nya yahagom igyai di ttin bibor ri.”

YEREMIA 15:7

Dicom je leu jide minu ndig hagom noyam kin no di com gandum nisina bai di pri didiei. Mbro nok gino jinok Ditde limwa nya lo, midibindei sar jeni kin jimunggwom bat nya lewo jikou sut gi jittin ser jiyai munti di kinei bibor nya.

YEREMIA 17:27

Mun dima yok hagom mimbut bipek kep mem je gino jibit dihyet ba, jidimig Njap Nigwam Kep Ninghuisi pijum ei mem Da. Ma jikon ndigban nyeng gom mem njap dima ba, jibicoi kak dimbou pmem kwei ei minu ndig Yerusalem au. Gino jitunggwei Ditde nicukti dima yok ne midindig dimbou pmem minu ndig Yerusalem nya kin ig nibou ndig nya hagom bitimek bingwig hak. Bit bon jimu hum dima kan bi.’ ”

YEREMIA 4:11

Nituti dem leu api hi mipai bak timiei Yehuda nya kin timiei minu ndig Yerusalem bipia hou umbrek di dut micut kwei leu iggum ndigsi ba, sindi kui ndam yok. Hou dima ne hou nitu he di miep pas ntam di bit nimig rin bi.

YEREMIA 51:2

Midipinak ngkiai nya di ibindei timek minu Babel noyam kin hou di nimig ten di ninnei ttei gandum nicaba. Mpe di njap di buhun dima dem ne yo dima micoi ug ei minu dima bihwen leu nima kwei-nima kwei ba, icok tut bipwoi kei.

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

HOSEA 13:3

Gima rino yoni mipror hak bidem kep bumbuhui kin nggou njap tekti. Yoni idem kep gandum nicap di pri bibit hou nimig ei mpia di ico kep gandum eisi ba, inoyam kin hum mmup di brou leu kau ngkimom nitu cem.

AMOS 9:9

Midicuk siceu nya leu api icig je di mben Israel noyam kin no di ba kawanggai bicig gandum ngan. Lene mem gima dibicut mun di bon ninyeng bi nya hagom bingwig leu jikieti lene midimpu je ei ngkiai nya inggreti.

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MATIUS 13:30

Nnaba hacem hei srig yamti ug e. Tirigi nijam dem mem inju njita ug ei igudanti lene midicuk yo di igyai midyai dima bipia yohom gandum sisron keyam bibie ba, ike kin yam leu api indig kep huma. Leu api ikos gandum nitu ba, inju hagom ei igudanti.’ ”

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

MATIUS 13:42

Leu api Noni micom yahagom ug ei hum njengti di cig-cai. Ei mpia dima ne yoni ipim ba, itug ndei ninghuisi wei.

MATIUS 13:43

Noro yo di ingon sren nya injeng piga mpia dem kep mpia di com nimig kikau ei Icig Ninyeng Tak Kepti. Gino jitingou dile lene ma jiyok ngon kep dihyet!”

LUKAS 3:16

Gima rino Yohanes buhup bak yahagom “Ditur je ei minyeiti noro No di ninyeng jei dor njiriek da mikwei rin ba, Noni mitur je ei Ninnei Gi Kwes kin humti. Didem mem gima dikwek Nide srop leu nimig jou bi.

LUKAS 3:17

Nide hot nggram jo ei nindati leu api Noni mibicig gandum nisina billet leu ningat leu api mbus hagom keyam ei Nide ig gudanti lo, ndig nisina bai kep hum di bit bon hi mu kan bi!”

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.