MATIUS 28:20 - ALLAH NIHYET MEM TUNGWATU NYA

²⁰ Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 28:20 ပူးပေါင်းရင်းမြစ်များ

NITRITI 39:21

Noro tuhan nyohou Yusuf nok gi kei kikau bingondut noni apino nibou ig bui cem ngondut noni.

NIBOU NDIG NYA GI NIGOM 1:36

Lene Benaya buhup “Andigpoi e, igbit ri! Handei kon ba, ade tuhan Allah nihyet tot kep ahyet di asimbot dat dima!

NIBOHON MBEN ISRAEL GI NIGOM 16:36

Jikon tuhan Allah Israel ninyeng nogindini cem bijo ninno bijo kikau cem! Leu api mben Israel yahagom ipai “Igbit ri.” Leu api ikon tuhan ninyeng a.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

NEHEI LEUSI 3:12

Lene Allah buhup “Midingat rin bit na leu api tirigi ateu yok bingwes ngun leu minu Mesir lene mijikuk je biDa ei nungug dini. Mun dima rinok mun di bindo tut bipia dipinak na.”

NEHEI LEUSI 8:27

Suar nimbut ug ei iggum ndigsi mem mmun-njap ningai leu binhyepo nibon midut dima ei tuhan di nok nyende Allah Noho bei bit leu nok nicuk nyeti.”

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YEREMIA 26:2

tuhan pai bida “Ma aug ya ei ninsi di jo bas hak ei tuhan De Ig leu api atri tut dicuk nati nya hagom bak tungwatu nya di ikwei leu minu mien nya ei minu Yehuda di ikwei kuk yok biDa. Ma akos dicuk nati dima poi mien cem leu au.

YEHEZKIEL 46:10

Suar nibou ndig coi ug ei tuhan De Ig mem nijam di limwa nya icoi kwei ba, ngkwei hanyen mem nijam di yoni ingkwei.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 13:49

Gima ne bindo tut Njap Ningwig Honti ri. Mpe dima ne malaikati nya mittei yam mem gima imbus yo di isibut nya leu yo di ingon sren nya ikieti.

MATIUS 18:20

Gino ibou can ibou ningai imbus yam ei drek dip Dani lene Dani cem dingat rin ei ikieti.”

MATIUS 24:3

Tirigi Yesus gwam biNongkom ei Nungug Zaitun lene yo di igya kui Noni ikwei hig ser Noni nyahan “Apai igbit binye tut nituti mem mun dima yok hagom tirigi micut igkep nyeti i. Mindei rimibindo tut akwei hanyenti kin njap ningwig honti i?”

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

MARKUS 16:20

Gima rino yo di igya kui Noni intek gimahap ug ei dihyei nisurti-nipekti bitri tut Allah de Nihyet Di Kei. Tuhan ba No kum yok lene ba mindur nya bindo bindo bipia mun di tibim ei yuhui him dima ne mun di nijit-jau ri.]

KISAH 2:42

Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.

KISAH 20:27

Lewo dingon tak kep Allah nihyet tut ningon kanti gom leu je bi sren.

KORINTUS GI NIGOM 11:2

Dinggei sut je lewo jiyok ngon kep mun di dingginau je tut ba, jikrau kep ditde nipingok jeti di ditri tut bije nipou su.

KORINTUS GI NIGOM 11:23

Lewo ningginau jeti dini kwei leu Tuhan Nonti. Himmun di no dima tri ide Tuhan Yesus ne Noni yai roti nindak gom,

KORINTUS GI NIGOM 14:37

Gino jigom kan bipia noni yai nisindemti mem nitri tut Allah nihyet ba, Allah Ninnei yai nisindemti hi kin bu binoni cem lene ma noni yok ngon kep bipia mun di dipas kep tut bije dini ne Tuhan de nicukti ri.

NINDAT KEP TUHAN NICUKTI NYA 12:32

Suar jibit dicuk jeti nya hagom. Ma jiba jide nicukti bijikum eisi ba, jikus hi bijicom leu cem au.

NINDAT KEP TUHAN NICUKTI NYA 5:32

Gima rino disut bat mben Israel jen, ma jiba jingon di gom bibit jide tuhan Allah nicuk jeti nya hagom. Ma jinjiriek nicukti nya gom ngat cem au.

KOLOSE 1:28

Gima rino nitri tut Kristus bak tungwatu yahagom. Niba ningon di ki binyohou sok kep yok ba, bingginau yok cem leu binhyepo nibuwak yok ug ei Allah Noho bei lewo ingonti kin innei mahan drek dip inok gom kin Kristus.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

PETRUS GI NICAN 3:2

Ditigtai je leu binhyepo jiyok ngon kep nihyet di tibim ei Allah de nabi nya yuhui him mimbrek ngan tu. Ma jiyok ngon kep Tuhan di teu nye leu sisar biyai niyaijo nijep binye nicuk jeti di tibim ei yo di igya kui Noni yuhui him.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.