MATIUS 28:18 - ALLAH NIHYET MEM TUNGWATU NYA

¹⁸ Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

MATIUS 28:18 ပူးပေါင်းရင်းမြစ်များ

MAZMUR 89:19

tuhan e, Nangkom adimig no di ya srak ko hagau nye tu. Na di mben Israel ide Allah Di Kwes-Kwau e, Nangkom ata nyende nibou ndig.

MAZMUR 89:27

Noni mipai biDa ‘Nani ne ditde Allah kin Dicig kin No di diya coi kin No di teu da bidingwes ngun ri.’

NIPINGOK NINGONTI 8:15

Dimpu nibou ndig nya leu binhyepo ibindei mbut ide ninyeng tak kep limwa nyati. Dahati tut yo di inyeng jei nya di isimbot kep biyam tut nikos tutti di dem kei nya.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 16:28

Ma jiyok ngon kep bipia je di jingat rin ei mpia dini jibihi mijimai bi bibou jingat Munggwom Tungwatu Nipmot di kwei nok Nibou Ndig bou jiyai him ug e.”

MATIUS 26:64

Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat Gi kwei hanyen ei bumbuhuiti leu mpia-bbed him kwei ri!”

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 3:31

“No di juk kwei leu gwamti ninyeng jei dor njiriek tungwatu nya yahagom. No di ntun tungwatu dihyeisi dini him nggre kin yo dima ba, noni pui sut mun di jo ei dihyeisi dini he. No di juk kwei leu gwamti ninyeng jei dor njiriek tungwatu nya yahagom.

YOHANES 3:35

Nicig ningon ngakei Nipmot bibindei ba, Noni krau nisindemti hagom ei nindati.

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 2:36

Gima rino suar mben Israel yahagom igyok ngon kep mungkun kei bipia Allah bindei ba, Yesus di jipek kin biei salib ninyeng Tuhan kin Nibou Ndig di teu tungwatu nya biyai niyai niyaijo nijep biyok cem ri!”

ROMA 14:9

Lewo Kristus mai leu api kiju hanyen leu nimai eisi ba, niyaijo hanyen bu leu binhyepo yo di igyaijo nya kin yo di imai su nya ipai bipia Noni ne ide Tuhan ri.

KORINTUS GI NIGOM 15:27

Bit leu nok gi ipas ei Allah nihyetti “Allah bindei cut mun nyeng hagom ei Kristus nimig him.” Jo nibreisi bipia nipas kepti “Mun nyeng hagom” dima ne bitut Allah Nonti di bindei cut mun nyeng hagom ei Kristus nimig him bi.

KOLOSE 2:10

Allah yai niyaijo nijep titut bije tug hon gi jinok gom kin Kristus. Noni ninyeng jei bibor ba, ninyeng tak kep ninnei di isindem bibor nya kin ninnei di inyeng tak kep hagom.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 2:8

Abindei ba, ninyeng tak kep apai testi nya hagom.” Nihyet dima pai “Allah kon tungwatu nya binok nibou di ninyeng tak kep mun nyeng hagom.” Mbro nok gino Allah nihyet pai nok lo, jo nibreisi bipia tungwatu nya igyai nisindemti mem gima inyeng tak kep mun nyeng hagom bigyo.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”