MATIUS 27:52 - ALLAH NIHYET MEM TUNGWATU NYA

⁵² Jui dip nya cem kau leu yo di ingon jo kep di imai su nya leu api yonti njem ikiju hanyen leu imai eisi.

MATIUS 27:52 ပူးပေါင်းရင်းမြစ်များ

NIBOU NDIG NYA GI NICAN 13:21

Mpe di gom tungwatu nya di itin ei mem itig nimai gom ingat yo di bigbehei nimpung gom leu minu Moab di itau kep yok kros. Lene ibipbur ba, icom nimai dima ei hak mihyeti di itig Elisa ningut eisi nipou su leu api inang leu. Tirigi nimai dima cut bindei Elisa ninjum rino nimai dima kiju biya pijum lene niyaijo hanyen.

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

HOSEA 13:14

Miditeu yo dini bingwes ngun leu gumihyep nimai nide nisindemti bi. We Nimai e, nna ba ade nsuwer ajar ham nye hak ug! We Nimai e, nna ba ade nisindemti bindei cut nye hak ug! Midingondut yo dini bu bi.

YOHANES 11:11

Yesus pai nok gima leu api binut nihyet gom kin bu “Isut Lazarus bong mai su. Noro dingkwei hanyen leu binhyepo diwin noni.”

KISAH 7:60

Lene noni ba nibiau bicom mpia leu api ba nihyet nindig bahara “Tuhan e, ma akos ser ide sisar leu yok hak ug.” Hara nok lene ninnei kimbas.

KORINTUS GI NIGOM 11:30

Tug hon nisinati dima lene jimang bibor jinggwen cem jinghuisi wei cem ba, jibihi mai drek dip.

KORINTUS GI NIGOM 15:20

Noro ningat ne Allah win Kristus hanyen leu nimai eisi tu ba, Noni ngot nikiju hanyen leu nimai eisi nimig mem yo di imai su nya.

KORINTUS GI NIGOM 15:51

Ma jiyok ngon kep mimun dini. Yahagom mimai bi noro Allah miluei yahagom itta.

TESALONIKA GI NIGOM 4:14

Nyeni ingon jo kep bipia Yesus mai leu api kiju hanyen leu nimai eisi. Gima rino ingon jo kep bipia Allah miwin yo di ingon jo kep Yesus di imai su nya hanyen leu imai eisi leu binhyepo igyaijo kikau bit Noni.

TESALONIKA GI NIGOM 5:10

Noni mai luei nye leu binhyepo nok gino igyaisi jo e, he imai su mem nikwei hanyenti lo, yahagom igyai niyaijo nijep bigwam bit Noni kikau.