MATIUS 27:42 - ALLAH NIHYET MEM TUNGWATU NYA

⁴² bipai “Noni teu yo di hiter noro bit bon teu Nonti biningwes ngun kan bi. Noni ne Nibou Ndig mem mben Israel rin e? Gino juk kwei leu biei salib nogindini lene ningon jo kep Noni.

MATIUS 27:42 ပူးပေါင်းရင်းမြစ်များ

MATIUS 2:2

Ba, ikwei hig-hig nyen ser bipai “Mben Yahudi ide nibou ndig di nipmem srek tut bong tirigitou i? Ningat Nide ham di pri ei bei mpia nipriti. Gima rino nikwei mem nikuk nye bak.”

MATIUS 27:37

Ipek srat meng gom di ipas Nide hukum eisi anai nibou. Nipas kepti pai “No dini ne Yesus di Nibou Ndig mben Yahudi ri”.

MATIUS 27:40

Ipai biNoni “Apo apai bipia alet Tuhan De Ig leu api angot hanyen ei njap ningai e? Gino Nani ne Allah Nipmot nijit-jau rin lene ma ateu Nanti ba, ajuk kwei leu biei salib hak ug.”

MATIUS 27:41

Nok gima cem imam nindig nya kin guru Puig Yahudi nicukti nya iba ighyet bicig Noni bu,

MARKUS 15:31

Nok gima cem imam nindig nya kin guru Puig Yahudi nicukti nya iba ighyet bicig Noni bu bipai “Noni teu yo di hiter noro bit bon teu Nonti biningwes ngun kan bi.

MARKUS 15:32

Nnaba, Nibou Ndig di teu tungwatu nya biyai niyaijo nijep biyok di ijem ninyeng Nibou Ndig Mben Israel dima juk kwei leu biei salib nogindini leu api nyeni ningon jo kep Noni.” Yo cin di isibut di ipek yok ei biei salibti simiak Yesus cem iba ighyet bicig Noni bu.

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

LUKAS 23:35

Tungwatu nya di induk yam ei sirima itou kep hak. Noro nibou ndig mben Yahudi nya iba ighyet bicig Noni bipai “Noni teu yo di hiter ba, ingwes ngun. Gino Noni ne Nibou Ndig di teu tungwatu nya biyai niyaijo nijep biyok di Allah ndo ei su ningat-ngat rin lene ma teu Nonti hak biningwes ngun.”

LUKAS 23:37

bipai bak “Gino Nani ne Nibou Ndig mem mben Yahudi rin lene ma ateu Nanti ba, angwes ngun hak ug!”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 12:13

Gima rino itot dui meng bittei leu binhyepo ibiya um Noni. Yahara “Jikwei ba, inggei sut Allah o! Allah njei mun di kei bak No di kwei tug hon Nonti ninyeng o! Allah e, anjei mun di kei bak Nibou Ndig di mben Israel ide o!”

YOHANES 12:47

Gino tungwagom miap dihyet noro bit bi lene midipai kep noni bi. Lewo dikwei ei dihyeisi dini mem dipai kep tungwatu nya bi noro dikwei mem diteu tungwatu nya leu sisar bidiyai niyaijo nijep biyok.

YOHANES 9:24

Lene nibou nya ihig no dima kwei mbigom bu bibidip huk “Ma aheng bitug hon Allah ninyeng bipia ma apai mun di nijit-jau binye. Nikan tut bipia No dima ne No di bon kep sisar ri.”

KISAH 4:14

Noro bit bon Nikei Puig Yahudi Nya ibuhup ighyet kan bi lewo ingat no di kei hanyen dima ya ei yoho bei brei bou igyai him bit Petrus kin Yohanes.