MATIUS 27:41 - ALLAH NIHYET MEM TUNGWATU NYA

⁴¹ Nok gima cem imam nindig nya kin guru Puig Yahudi nicukti nya iba ighyet bicig Noni bu,

MATIUS 27:41 ပူးပေါင်းရင်းမြစ်များ

AYUB 13:9

Gino Allah ngig niyai kep je lene mingat ningat di kei hi di ntun je him e? Bon jiris biNoni dem kep nok jiris bak tungwatu nya e?

MAZMUR 35:26

Handei kon ba, yo di ingon kei kep da drek dip dinghuisi weisi nya ingon tai-tai bou ba, igwam nimmaiti ug. Handei kon ba, yo di ipai sut yonti bipia ikei-kau dor njiriek da pima cem igwam nimmaiti ug.

YESAYA 28:22

Dimiap tut tuhan Di Ninyeng Jei Bibor ba, Sindem Bibor cem nikos tutti mem gima bindei sar jide minu titut yam tu. Ma jihyet kinei sut nihyet nibisok kepti di ditri tut bije dini au. Jei bi lene nggruk bibor mem gima jiteu jenti bijingwes ngun a.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

MATIUS 27:40

Ipai biNoni “Apo apai bipia alet Tuhan De Ig leu api angot hanyen ei njap ningai e? Gino Nani ne Allah Nipmot nijit-jau rin lene ma ateu Nanti ba, ajuk kwei leu biei salib hak ug.”

MATIUS 27:42

bipai “Noni teu yo di hiter noro bit bon teu Nonti biningwes ngun kan bi. Noni ne Nibou Ndig mem mben Israel rin e? Gino juk kwei leu biei salib nogindini lene ningon jo kep Noni.

LUKAS 18:32

Tungwatu nya mikes Noni ei ngkiai nya indati leu binhyepo iba ighyet bicig Noni lene ibimangkrei Noni lene itrai ndei Noni,

LUKAS 22:52

Leu api Yesus hig ser nibou imam nindig nya kin yo di igya ser Tuhan De Ig ide nibou nya kin nibou mben Yahudi nya di ikwei kat Noni “Jiba simeda kin biap tindak bikwei kat Da bit leu nok jibikat no di sibut e?

LUKAS 23:35

Tungwatu nya di induk yam ei sirima itou kep hak. Noro nibou ndig mben Yahudi nya iba ighyet bicig Noni bipai “Noni teu yo di hiter ba, ingwes ngun. Gino Noni ne Nibou Ndig di teu tungwatu nya biyai niyaijo nijep biyok di Allah ndo ei su ningat-ngat rin lene ma teu Nonti hak biningwes ngun.”