MATIUS 27:4 - ALLAH NIHYET MEM TUNGWATU NYA

⁴ bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”

MATIUS 27:4 ပူးပေါင်းရင်းမြစ်များ

NIBOU NDIG NYA GI NIGOM 21:27

Tirigi Elia kes nihyet hon lene Ahab rik nide sinsun nibou ndig bijuk leu no leu api juk sinsun kron biluei bu nok bindo bipia noni ttin ser nide sisar. Noni kou sut gi yem njita ba, ttin sinsun kron nok ban tirigi bong nibongti lene niimaisi nghek kikau cem.

NIBOU NDIG NYA GI NICAN 24:4

ningat-ngat rino drek dip gi noni yai nimai bak yo di ingon ngun pima yok cem bibie ug e. Bit bon tuhan kos ser Manasye niyai munti di kinei bibor dima kan bi.

AYUB 13:4

Lewo jiba niris mun biku jide ningon mbumti. Jidem kep dokter nitrowai nya di ibindei ba, hi kei hanyen bi.

MAZMUR 94:21

Yo dima ihwen yam ngon ba, ingon jo gom mem yo di ingon sren nya bikes hukum nimai ei yo di ingon ngun nya dip.

NEHEI LEUSI 12:31

Mmun dima cem Firaun sok nihyet mem Musa kin Harun ikwei ngat noni bicuk yok bipai “Suar jeni kin jide limwa nya jahagom juug bihigom hak! Jikes ditde minu dini ei bijimbut leu! Leu binhyepo jikuk je bak jide Allah bit leu jingon kanti!

NEHEI LEUSI 9:27

Lene Firaun sok nihyet bak Musa kin Harun bikwei ngat noni lene pai biyok “Dibon sisar tu. tuhan ningon sren lo, dani kin ditde limwa nya nibon mun di tunggwei.

NIPINGOK NINGONTI 12:8

Tungwatu nya mikon bihi ninyeng bit leu nide nintin kimboti. Noro yoni ingwes om kep bihi bit leu ide ningon mbumti.

YEREMIA 26:15

Noro ma jiyok ngon kep bipia gino jiyai nimai bida lene jeni kin timiei minu ndig dini jingon mui drek dip gi jiyai nimai bak no di ningon ngun. Lewo tuhan ricuk da kwei leu binhyepo ditri tut nihyet bije.”

YUNUS 1:14

Gima rino yahara bak tuhan bipai “tuhan e, Nahara bak Nani pia ma akes hukum nimai ei nye dip drek dip gima nicom no di ningon ngun dini ug ei muk mpoti au. tuhan e, Nani rino abindei dino mun di buhun dini cut igkep nye bit leu angon kanti.”

MATIUS 27:19

Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”

MATIUS 27:54

Tirigi nibou tentara kin nide limwa nya di igya ser Yesus ingat dihyei mun brim kin mun di hagom di bitimon yok cem lene inghuisi mpig sut nindig bibor bipai biyam “Ningat ne No dini Allah Nipmot nijit-jau ri!”

LUKAS 23:22

Lene Pilatus hig ser yok nimbiningai “Noni yai mun tunggwei di nok mindei ngan i? Dimbus ningonti tu noro jo nibreisi bipia Noni yai mun tunggwei leu dima dijem nimai gau Noni bi. Gima rino dimbas Noni mbigom ug e leu api dikes Noni bimbut hak.”

LUKAS 23:41

Gima igbit mem sani. Lewo situg ndei hukum drek dip mun di siyai tunggwei. Noro No dini yai mun tunggwei hi bi!”

LUKAS 23:47

Tirigi nibou tentara ngat mun di pek kep dima hagom lene noni nggei sut Allah bipai “Jo nibreisi bipia No dini yai mun tunggwei hi bi!”

YOHANES 19:7

Mben Yahudi dima ibuhup “Suar Noni tug ndei nimai drek dip nye di mben Yahudi nyende nicuk nyeti lewo Noni tri tut bipia Noni ne Allah Nipmot ri.”

KISAH 13:28

Mbro nok gino bit bon yo dima ipai mun mem ibisu tindei kan bi lo, yahara Pilatus mem gima noni yai nimai bak Yesus.

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

TIMOTIUS GI NIGOM 4:2

Ningginausi dini tibim kwei leu niris kep mun cig yuhui him ba, yo dini ingon mien ndok ser tu.

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

PETRUS GI NIGOM 1:19

Noro Noni ba Kristus ninggrom di tereu nok midut nibikos ser sisarti bipek je hanyen lewo Kristus ne domba di bon nimuhweisi ba, nirom kuisi rin bi.

YOHANES GI NIGOM 3:12

Ma igyai bram Kain niyaisi au. Noni jem niceu bit Bilis bikimukep nikinjoi. Nggon rino Kain kimukep noni i? Lewo Kain yai mun tunggwei noro nikinjoi yai mun igbit.

NINGAT-HI-NGAT NYA 11:10

Leu api tungwatu dihyeisi dini hagom ingon llei bibor drek dip nabi cin dima imaisi. Yoni mibon pesta bidek midek biyam drek dip nabi cin dima di ibindei ba, tungwatu dihyeisi dini yahagom itug ndei inghuisi wei nindig bibor.

SAMUEL GI NIGOM 15:24

Lene Saul buhup “Jo nibreisi bipia dibon sisar tu. Dibit Allah nicuk dati kin ade nipingok dati nya bi. Dittin tut ditde limwa nya bidisindui sut yoni igyai mun bit leu ingon kanti.

SAMUEL GI NIGOM 15:30

Lene Saul buhup “Dibon sisar tu. Noro na di Andigpoi e, abit da ba, singkwei hanyen leu binhyepo dikuk da bak tuhan di nok ade Allah. Tug hon nisinati dima ne angon mpo tut da ei nibou mien nya kin mben Israel nindigsi igyai him bi.”

SAMUEL GI NIGOM 19:5

Noni nggok nimai eisi tirigi po noni yai nimai bak Goliat pima leu api tuhan sindem tut nye di mben Israel tug hon nihwen Goliatti leu api sihwen side siceu nya ba, itimek bingwig. Arig e, mpe di po angat gima lene ajoi sut noni nindig bibor. Arig e, nggon rino ma ahwen bit no di ningon ngun ba, ayai nimai binoni mikui-kausi i?”