MATIUS 27:26 - ALLAH NIHYET MEM TUNGWATU NYA

²⁶ Gima rino Pilatus kes Barabas leu ig bui nsi bit leu yo dima ingon kanti lene kes Yesus ei nide tentara nya indati leu binhyepo imbas Noni nipou leu api ipek ei biei salibti.

MATIUS 27:26 ပူးပေါင်းရင်းမြစ်များ

YESAYA 50:6

Dikes dinghim bak yo di ibui da bidikiek dingyoi bak yo di itiba duhui nta. Dikiek doho ter leu yo di inim kep da di itrai sut da bi.

YESAYA 53:5

Noro noni tug ndei nibok bimos kei drek dip nyeni ide sisar ba, tungwatu nya ibui noni binem-nnai drek dip ide mun di mbuk nya. Noni tug ndei hukum leu binhyepo biteu nye leu sisar biyai niyaijo nijep binye. Nyeni igyai inghuisi kwes hanyen tug hon nibokti di mos kei nya.

MATIUS 20:19

Leu api yoni mitri Noni hanyen bak ngkiai nya. Yo dima miba ighyet bicig Noni ba, imbas Noni leu api mipek Noni ei biei salibti cem. Noro ei njap gi niningai lene Noni mikiju hanyen leu nimai eisi.”

MARKUS 10:34

Yo dima miba ighyet bicig Noni cem itrai ndei Noni cem imbas Noni cem ihwen Noni cem. Noro njap ningai bu lene Noni mikiju hanyen leu nimai eisi.”

MARKUS 15:15

Pilatus joi sut gima tungwatu nya ingon kwes kin noni. Gima rino noni kes Barabas leu ig bui nsi bit leu yo dima ingon kanti. Leu api kes Yesus biyok leu binhyepo imbas Noni nipou leu api ipek ei biei salibti.

LUKAS 23:16

Gima rino dimbas Noni mbigom ug e leu api dikes Noni hanyen bimbut.” [

YOHANES 19:1

Leu api Pilatus ngkwei hanyen ug ei ig nibou ndig bicuk tentara nya “Jikat Yesus bijimbas Noni hak ug.”

YOHANES 19:16

Gima rino Pilatus kes Yesus ei indati leu binhyepo ipek Noni kin biei salib. Yoni ibuwak Yesus biyuug sut.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.