MATIUS 27:24 - ALLAH NIHYET MEM TUNGWATU NYA

²⁴ Ningwigsi rino Pilatus kan tut bipia bit bon kimut ninda kep yok kan bi ba, mbigom yahagom iba imbuk ibigen ser noni ug ri. Gima rino noni tau minyei bipiap ninda ser ei yahagom igyai him bipai biyok “Dingon ngun. Midibiang nibuhunti tut No dini ninggrom bi noro jeni rino jibiang nibuhunti.”

MATIUS 27:24 ပူးပေါင်းရင်းမြစ်များ

MAZMUR 26:6

tuhan e, dipiap dinda lene gima bindo tut bipia ditunggwei sut Nani bi. Leu api dimbut nyen ttai Ade nimbar hum dok.

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

YEREMIA 2:35

jipai sut jenti ‘Nyeni ningon ngun. Ningat ne tuhan ningon sibui sut nye bu bi.’ Noro Da di tuhan midikes hukum ei je dip lewo joom ser jide sisar.

MATIUS 26:5

Noro ipai biyam “Ma ikat Noni mem njap dino ibon pesta kep Njap Ndig Paskah au. Leu gi nok lene limwanya mibigen ser nye.”

MATIUS 27:19

Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”

MATIUS 27:23

Noro Pilatus hig ser yok bu “Noni yai mun tunggwei mindei i?” Lene yoni iba ighyet di kui yam mbrua ser noni bipai “Apek Noni ei biei salibti!”

MATIUS 27:4

bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”

MATIUS 27:54

Tirigi nibou tentara kin nide limwa nya di igya ser Yesus ingat dihyei mun brim kin mun di hagom di bitimon yok cem lene inghuisi mpig sut nindig bibor bipai biyam “Ningat ne No dini Allah Nipmot nijit-jau ri!”

MATIUS 27:9

Gima hagom pek kep bit leu nok nabi Yeremia nipaisi “Igyai mitiei di buhun nitig ningot ningai ba, mitiei dima ne nimangti di mben Israel ice tut nok rindin mem Noni ri.”

YOHANES 13:9

Simon Petrus buhup “Tuhan e, nok gima ne ma apiap dimig he bi noro dinda kin dibou cem!”

YOHANES 19:4

Gima ngwig lene Pilatus hei ug ei nisai hanyen bipai bak yo di imang ndig dima “Jitou kep! Mbigom dihig Yesus hanyen kwei leu binhyepo jahagom jikan tut bipia dimbus ningonti tu lo, dikan tut mun di Noni yai tunggwei hi bi.”

KISAH 3:14

Yesus ningon kwes-kwau ba, ningon sren-srau cem lo, apo jikou sut Noni leu api jahara Pilatus leu binhyepo noni kes nihwen mun cig leu ig bui nsi bije.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.