MATIUS 27:19 - ALLAH NIHYET MEM TUNGWATU NYA

¹⁹ Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”

MATIUS 27:19 ပူးပေါင်းရင်းမြစ်များ

NITRITI 31:11

Lene Allah de malaikati mbrap bit da tug hon mun di dimumpriem dima bihig dinyeng ‘Yakub e?’ Lene dibuhup ‘Dingat rini.’

NITRITI 31:24

Mmun mau rino Allah tau kep Laban tirigi noni bong bimumpriem lene sok kep noni ngkiem ser bipai “Anyohou yai! Ma aba ahyet biyai Yakub au.”

NITRITI 31:29

Dibon nisindemti mem gima dimbuk tut je noro acig nide Allah tau kep da mem himmun di ammani bisok kep da ngkiem ser bipia ma diba dihyet biyai nani au.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 2:19

Niabiati Herodes mai leu su lene Allah de malaikati gom tau kep Yusuf ei minu Mesir tug hon ningat-hi-ngat tirigi Yusuf bong bimumpriem,

MATIUS 2:22

Noro tirigi noni miap tut bipia Arkelaus ya luei nicig Herodes nohoti binok nibou ndig ei hanjop Yudea lene noni ttin tut gima ngkwei hanyen ug ei hanjop nsi dima. Tirigi noni bong bimumpriem mbigom kin bu lene Allah tin puig di kei mem noni. Leu api noni kriau kikau ug ei hanjop Galilea,

MATIUS 27:18

Pilatus hig singgre yok nok gima lewo kan tut bipia nibou mben Yahudi nya ikes Yesus ei nindati kin ingon di kinei sut Noni.

MATIUS 27:24

Ningwigsi rino Pilatus kan tut bipia bit bon kimut ninda kep yok kan bi ba, mbigom yahagom iba imbuk ibigen ser noni ug ri. Gima rino noni tau minyei bipiap ninda ser ei yahagom igyai him bipai biyok “Dingon ngun. Midibiang nibuhunti tut No dini ninggrom bi noro jeni rino jibiang nibuhunti.”

MATIUS 27:4

bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”

LUKAS 23:41

Gima igbit mem sani. Lewo situg ndei hukum drek dip mun di siyai tunggwei. Noro No dini yai mun tunggwei hi bi!”

LUKAS 23:47

Tirigi nibou tentara ngat mun di pek kep dima hagom lene noni nggei sut Allah bipai “Jo nibreisi bipia No dini yai mun tunggwei hi bi!”

YOHANES 19:13

Tirigi Pilatus miap ighyet dima rino noni buwak Yesus ug ei nisai bigwam ei bilen dip dino nikei nide ei biyati di ingig tig mma eisi. (Iba nihyet Ibrani bijem biyati dima Gabata.)

KISAH 12:21

Ei njap gom di itto yam dima lene Herodes juk nide sinsun nibou ndig di kei-kau-kei leu api kui bigwam ei nide banggo mbrei dip leu api mbrap ei nide limwa nya yoho bei.

KISAH 18:12

Tirigi Galio yai ninyeng nibou hanjop Akhaya lene mben Yahudi ikes ingon mem yam ba, ikat Paulus bibuwak noni ug ei nikei noho bei.

KISAH 18:16

Lene noni jji yok leu nide kintrorti hak ug.

KISAH 18:17

Leu api yo di ikes ingon mem yam pima ikat Sostenes di nibou mbusyamei Yahudi bimbas noni ei nikei Galio de bilen hui. Noro ningon pri tut bi.

KISAH 25:10

Paulus buhup “Diya diyati dini ei Kaisar Roma de nikei nya yoho bei. Dem mem nikei nya imbus dingonti ei sirini. Jo nibreisi mem na di Andigpoi bipia diyai mun tunggwei sut mben Yahudi bi.

KISAH 25:17

Gima rino tirigi yoni ikwei krau minu ndig Kaisaria lene dibinyen bi. Njapti kui bu lene dinduk nikei di igya kui da kwei ei ditde kintrorti leu api dicuk kompi gom bibuwak Paulus kwei biya ei doho bei.

KISAH 25:6

Niabiati Festus bong ei minu ndig Yerusalem mem ari gom biniken leu lene noni ngkwei hanyen ug ei minu ndig Kaisaria. Njap di hyep bu lene noni nduk nikei di igya kui noni kwei ei nide kintrorti leu api sok nihyet bak kompi pima bibuwak Paulus kwei.

PETRUS GI NIGOM 2:22

Noni bon sisar bi sren biris bak tungwatu nya bi sren.

YOHANES GI NIGOM 2:1

Dimunggwom bat jen, dipas kep srat dini bije ser nhyema jibon sisar au. Gino hi bon sisar ne Yesus Kristus di ningon sren-srau ningat rin biya hacan ba, mbrap gau nye ei Allah Noho bei.