MATIUS 26:8 - ALLAH NIHYET MEM TUNGWATU NYA

⁸ Yo di igya kui Yesus ingat lo, misop dima bon nok rino ingon sibui sut ba, isrep bipai “Nggon rino noni bimangkrei mini mbris tug hon nisinati dima i?

MATIUS 26:8 ပူးပေါင်းရင်းမြစ်များ

NEHEI LEUSI 5:17

Lene Firaun buhup “Jinghen bibor bijiba jikou yai midyai nya. Gima rino jahara da leu binhyepo disindui sut je ba, juug bon midut nindig mindhe kep hum bit leu nok tuhan nicuk jeti.

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

AMOS 8:5

Jikan “Bit bon sibet singon mem pesta di sibon kep njap ndig Bed Jep ningwigsi kan bi. Lewo singon pri tut nituti mem sitri side gandum ba, sibipek mitiei hanyen. Njap nigwam kep ninghuisi cem apig api tun i? Gino tun tu ne sikinyon ei gi sitri mun bisibipek mitiei hanyen. Mpe dima lene sibindei ba, ndigban nibok kak bibor ba, siba kilo nitrowai binai gandum nibuhunti leu binhyepo siris mun bak yo di ikwei pek ndiyok leu sa.

MALEAKHI 1:13

Jipai ‘Mun dini yok hagom buhun tak nye.’ Ba, jikoi jihwap tut Da. Jijem mindhe di jimbrai kin gi lit kin gi nggwen cem kwei mem jibikuk je biDa. Jikan bipia dice tut jiyai munti dima e?

MATIUS 20:24

Tirigi nindigsi ibou simnai imiap tut mun di yo cin dima yahara Yesus tut lene ingon sibui sut yok.

MATIUS 26:7

Tirigi igyem kep njita bit yam lene sop gom bisau bikwei sut ampou mini mbris nuut gom di nibok kak bibor bikiber ei Yesus nibouti.

MATIUS 26:9

Ma itri mini dima bibou ibipek mitiei nindig bibor ba, ibitri yo di yuhui mbum nya!”

MARKUS 14:4

Tirigi tungwatu nya ibou poi ingat misop dima nibonti dima lene ingon sibui sut ba, ihig yam “Nggon rino noni bimangkrei mini mbris dima i?