MATIUS 26:63 - ALLAH NIHYET MEM TUNGWATU NYA

⁶³ Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

MATIUS 26:63 ပူးပေါင်းရင်းမြစ်များ

NIBOU NDIG NYA GI NIGOM 22:16

Noro Ahab buhup “Gino ambrap bit da tug hon Allah ninyeng lene suar apai sut mun di igbit. Suar dipingok angonti nok gima mbipig bu i?”

NIBOHON MBEN ISRAEL GI NICAN 18:15

Lene Ahab buhup “Gino aba neheng bipai mun brei tug hon tuhan ninyeng lene ma apai mun di igbit. Midisok kep na mbipig sut gima i?”

MAZMUR 42:2

Allah e, diyok dingon mem Na noyam kin rusa di nggok minyei di dut kep ninggobiausi.

NIPINGOK NINGONTI 29:24

No di ya kui ninggimang kep mun cig ba nitok bak nonti. Gino noni pai jit munhyet ei nikei noho bei lene mitug ndei hukum. Gino bi ne Allah sigion noni drek dip.

YESAYA 53:7

Tungwatu nya iba imbuk bibon noni kinei bibor noro noni om ningon tut. Ibuwak noni nok ijem domba mem ibui bidigo ba, nok domba pmot di ikos ninta leu lo, hara bahap niji cem bi.

DANIEL 3:16

Sadrakh kin Mesakh kin Abednego ibuhup “Na di Andigpoi di anyeng jei bibor e, nipai mun mem nibisu tindei binimbrap gau nyenti bi.

IMAM NYA IDE MIDYAI 5:1

Ma tungwatu iba mindhe-ndhe nya bibikuk yok bak drek dip ide sisar di nok gini. Gino nibou nya ihig tungwagom kwei biya ei nikei noho bei lene no dima pai brei sut mun di noni ngat bou niyai him kin gi miap ei nitingou nsi cem bak nikei dima bi lene bit bon ningwes ngun kan bi.

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

MATIUS 26:62

Lene Imam Nibou Ndig kiju biya leu api hig ser Yesus “Abuhup yo di ipai kep Na ighyet bi e?”

MATIUS 27:12

Noro tirigi imam nindig nya kin nibou mben Yahudi nya ikkin kep Yesus ninghapti tut mun nyeng mang bibor lene Yesus birop ighyet bi.

MATIUS 27:14

Noro Yesus birop ighyet bi. Gima rino nibou dima nga leu tut Noni nindig bibor.

MATIUS 27:40

Ipai biNoni “Apo apai bipia alet Tuhan De Ig leu api angot hanyen ei njap ningai e? Gino Nani ne Allah Nipmot nijit-jau rin lene ma ateu Nanti ba, ajuk kwei leu biei salib hak ug.”

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

MATIUS 27:54

Tirigi nibou tentara kin nide limwa nya di igya ser Yesus ingat dihyei mun brim kin mun di hagom di bitimon yok cem lene inghuisi mpig sut nindig bibor bipai biyam “Ningat ne No dini Allah Nipmot nijit-jau ri!”

MATIUS 4:3

Lene Bilis kwei pai biNoni “Gino Nani ne Allah Nipmot rin lene ma abindei tig dini yok nok roti.”

MARKUS 14:61

Noro Noni buhup bi. Lene Imam Nibou Ndig hig ser Noni bu “Apo anyeng Nibou Ndig di teu tungwatu nya biyai niyaijo nijep biyok di Allah di kwes-kwau Nipmot e?”

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 10:24

mpe dino tungwatu nya ingwig kep Noni bihig ser Noni “Akes hon gino abiti ninda ei njap pig bu i? Gino Nani ne Nibou Ndig di teu tungwatu nya biyai niyaijo nijep biyok rin lene ma apai mungkun leu binhyepo nikan tut hak ug.”

YOHANES 10:30

Dicig kin Dani ninok gom kin yam.”

YOHANES 10:36

Dicig dimig Da ei leu api cuk Da kwei ei dihyeisi dini. Nggon rino jipai sut Da bipia dihyet wer mpiahi tut Allah tug hon gi dipai ‘Dani ne Munggwom Allah Nipmot rin’ i?

YOHANES 18:37

Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

YOHANES 19:7

Mben Yahudi dima ibuhup “Suar Noni tug ndei nimai drek dip nye di mben Yahudi nyende nicuk nyeti lewo Noni tri tut bipia Noni ne Allah Nipmot ri.”

YOHANES 19:9

Gima rino noni ngkwei hanyen ug ei ig bei. Tirigi hi buwak Yesus hanyen kwei ei ig bei lene Pilatus hig ser Noni “Atimieisi leu hantou i?” Noro Yesus hap niji bi.

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 6:69

Niba ningon com Na biningon ngkiem tut bipia Nani ne No Di Ningon Kwes di Allah cuk kwei ri.”

YOHANES 8:25

Ihig ser Noni “Anyeng tou i?” Yesus buhup “Dani ne no ripo dipai bije habiei su pima.

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

PETRUS GI NIGOM 2:23

Tirigi ikucang Noni ne buhup bikucang yok hanyen bi sren. Tirigi ihwen bit Noni ne cug yok bi lene ba nihwen bit yokti birop hanyen bi sren. Noro kes munhyet dima ei Allah di nok Nikei di ningon sren-srau nindati.

SAMUEL GI NIGOM 14:24

Njap dima ne tentara Israel yahagom inggum bibor lewo Saul cuk yok tug hon neheng bipai “No di yem njita nipou tirigi dihwen ditde siceu nya bingwig bigyo mitug ndei nisigion noti.” Gima rino nide tentara nya igyem njita hi ei njap jei dima bi.

SAMUEL GI NIGOM 14:26

Mbro nok gino bigbehei dima mpung tut ahwei lon ningei lo, hi brim ningkek biyem njita dima bi. Lewo yahagom ittin tut nisigionti pima.

SAMUEL GI NIGOM 14:28

Noro nisut gom pai binoni “Nyeni nahagom ninggum bibor ba, ninghuisi jet lewo acig heng ser nye bipia no di yem njita njap di ammani mitug ndei nisigion noti.”