MATIUS 26:40 - ALLAH NIHYET MEM TUNGWATU NYA

⁴⁰ Yesus ngat nadi nok leu lene kwei bittau kep yo di igya kui Noni ibou ningai hanyen bingat lo, ibong mai su. Noni hig ser Petrus “Nggon rino jiyai ngkiem ser Da mem jam gom ngat bi i?

MATIUS 26:40 ပူးပေါင်းရင်းမြစ်များ

NIBOU NDIG NYA GI NIGOM 20:11

Nibou Ndig Ahab buhup “Ma jipai bak Nibou Ndig Benhadad ‘Nipou tirigi ikon pran bigyo ne tentara ningat-ngat nya illei-lau bi noro illei-lau ei niabiati tirigi ikon pran bibindei timek siceu nya leu tu.’ ”

DIUN MIMUN 5:2

“Dibong noro dingon yat nai. Dimumpriem ba, no di dingon ngakei no puk dimbou bipai.” “Na di dikinjoi di dingon ngakei e, na di hakimoi e, na di dinggei sut e, ma akau dimbou leu da. Nggou mmun bindei bidibou ndot. Dibou nta mpung tut ham nggou di cut mem mmun.”

MATIUS 25:5

No di ug buwak nitnem dima kwei sisip bi apino sop nya yahagom igyai nggrop buhun bibong mai leu.

MATIUS 26:35

Noro Petrus srep bipai “Mbro nok gino diyai nimai kin Nani lo, doom ser Na bi sren!” Ba, yo di igya kui Yesus nindigsi nya yahagom ipai bram Petrus nipaisi dima.

MATIUS 26:38

Gima rino Noni pai biyok “Dingon buhun bibor bidikan bipia dimai ug ri. Ma jigwam nyahan ei mpia dini bijiyai ngkiem ser Da.”

MATIUS 26:41

Ma jiyai ngkiem bijingat nadi ser nhyepo jingkwei hanyen tirigi jibiam mun di srou je bi. Lewo jingon llei sut jiyai kep mun di kei nya noro jindei bi lewo jinghuisi jet ser.”

MATIUS 26:43

Leu api Noni kwei hanyen bingat ibou ningai dima mbigom bu lo, ibong mai leu su lewo igyai nggrop buhun.

MARKUS 14:37

Ngat nadi nok leu lene Yesus kwei tau kep ibou ningai pima hanyen bingat lo, ibong mai leu su. Noni hig ser Petrus “Simon e, abong mai su e? Bit bon ayai ngkiem ser Da mem jam gom ngat bi e?”

LUKAS 22:45

Tirigi Noni ngat nadi bingwig leu lene ngkwei hanyen ndam yo di igya kui Noni bingat lo, ibong mai leu su lewo ingon ngguk bibor.

LUKAS 9:32

Mpe dima lene Petrus nya ibong mai leu su noro tirigi ida igyai lene ingat Yesus bitut nikei-kau-keisi kin ibou can di igya simiak Noni cem yo rinaha.

NIJAM NIKEI NYA 9:33

Njap tekti di hyep tirigi mpia pri lene ma jicut kros igkep minu ndig dini ba, jihwen hak ug. Gino Gaal ya tut nide tentara nya ba, ihwou hwen jeni lene gima bon nituti di kei mem gima jihwen noni hak ug.”