MATIUS 26:28 - ALLAH NIHYET MEM TUNGWATU NYA

²⁸ Lewo gini ne dinggrom di tak buk ser Allah de gi preu nijep rin ba, dinggrom di siber kos ser tungwatu nya imang bibor ide sisar.

MATIUS 26:28 ပူးပေါင်းရင်းမြစ်များ

YEREMIA 31:31

tuhan pai “Ei nidipti bu lene diyai gi preu nijep mem Ditde limwa mben Israel kin timiei Yehuda nya.

IMAM NYA IDE MIDYAI 17:11

Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan cuk mben Israel leu binhyepo iba mindhe-ndhe ninggrom hagom biprok nimbar hum dok nidip leu binhyepo bidip tut Nide limwa nya ide sisar hagom. Ninggrom ne ninnei rin ba, ciu ser sisar.

ZAKHARIA 9:11

tuhan pai bak Nide limwa nya, “Nipou ne dipreu ei mem je leu api jiba mindhe di jibam ei nimbar hum dokti ninggrom bitak buk ser nipreu eisi dima. Gima rino midiba nipreu eisi bikwek je leu jingkiaisi di noyam kin jui di inggam tungwatu nya eisi di minyei pingge leu.

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

MATIUS 26:27

Lene Noni yai gi mokti leu api pai sigyo bak Allah kep. Leu api yai mok tut biyok sindam bipai “Jahagom jidut eisi.

MATIUS 26:29

Ma jiyok ngon kep bipia mididut ba anggur ngei dini bu bi kikau bipek njap dino didut ba anggur ngei nijep bu bit je ei Dicig Ninyeng Tak Kepti.”

MATIUS 6:12

Akos ser mun di niyai tunggwei sut Na bit leu nok nyeni cem nikos ser hiter nya ide mun di igyai tunggwei sut nye.

MARKUS 1:4

Gima rino Yohanes tau kwei ei mpia nintiti. Noni tur tungwatu nya ei minyeiti bisok kep yok “Suar jittin ser jide sisar ba, jikiek ndam Allah leu api jiyai nitur je ei minyeiti leu binhyepo Allah mikos ser jide sisar.”

MARKUS 14:24

Gima ngwig lene Noni pai biyok “Gini ne dinggrom di tak buk ser Allah de gi preu nijep rin ba, dinggrom di siber mem tungwatu nya imang bibor ri.

LUKAS 22:19

Gima ne Yesus yai roti nindak gom bipai sigyo bak Allah kep lene ki bitri yok bipai “Jiyai roti dini bijiyem ug lewo gini ne dinghui di dikes ei mem je ri. Ma jiba midut dini biyok ngon kep Da.”

LUKAS 22:20

Nok gima cem tirigi igyem roti bidem leu su lene Noni yai gi mokti bipai biyok “Gi mokti dini ne Allah de gi preu nijep di Noni ba dinggrom bitak buk ser kin dinggrom di kiber ei mem je ri.

ROMA 5:15

Noro yahacem ter leu yam. Lewo Allah nisingat tut nyeti bon ninyeng nindig bibor gino ibinai sut Adam nipigau hanjopti. Ningat ne imang bibor itug ndei nimai drek dip tungwagom nipigau hanjopti. Noro Allah nisingat tut nyeti di nindig bibor di teu imang bibor leu sisar mikuisi bon ninyeng nindig bibor bidor njiriek tug hon tungwagom di Yesus Kristus nisingat tut nyeti.

ROMA 5:19

Tungwatu nya imang bibor iba yo kep ingon di rom tug hon tungwagom di bit Allah nihyet bi. Nok gima cem tungwatu nya imang bibor migyai ingon di kwes kin Allah hanyen tug hon Tungwagom nibit Allah nihyetti.

KORINTUS GI NIGOM 11:25

Nok gima cem tirigi igyem njita bidem leu su lene Yesus yai gi mokti bipai biyok “Gi mokti dini ne Allah de gi preu nijep rin ba, dinggrom tak buk ser gi preu dima. Tirigi jidut ei gi mokti dini lene ma jibiyok ngon kep Da.”

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

KOLOSE 1:14

Allah Nipmot kwek nye leu mun di kat nye di bindo tut nikos ser ide sisarti.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

NINGAT-HI-NGAT NYA 7:9

Gima ngwig leu lene dingat tungwatu ningot ndig krop di idem yam ei ba, bit bon hi kwop imangti kan bi. Yo dini ikwei leu keret nya kin minu nya kin nihyet nya kin mben nya hagom. Ijuk sinsun ndok di jei di tiei kei bikrau dui meng ei indati ba, yahagom igya keyam ei banggo mbrei nuhui bitou kep Domba Pmot Noho bei nggilun.