MATIUS 26:10 - ALLAH NIHYET MEM TUNGWATU NYA

¹⁰ Yesus kan tut ikan-kan nyenti dima bipai biyok “Nggon rino jisinsam sop dini i? Lewo noni bibon mun di kei biDani apino tungwatu nya minggei sut noni drek dip.

MATIUS 26:10 ပူးပေါင်းရင်းမြစ်များ

NEHEMIA 2:18

Lene dipui sut notou Allah mpu da kin nibou ndig minu Persia nicuk dati cem biyok. Yahagom ibuhup “Igbit ri! Handei kon ba, ikinyon ei midyai dimati hak ug! Gima rino yahagom itin ei mem ikinyon eisi.”

AYUB 13:7

Ma jikan bipia jiba jide niris munti pima bimbrap gau Allah bijiba jihyet di igbit bi bahati tut Noni au!

MATIUS 26:11

Lewo yo di yuhui mbum nya ingat rin bit je kikau noro dingat rin bit je kikau bi.

MATIUS 26:9

Ma itri mini dima bibou ibipek mitiei nindig bibor ba, ibitri yo di yuhui mbum nya!”

MARKUS 14:6

Noro Yesus srep “Jisindui sut noni hak! Nggon rino jisinsam noni i? Lewo noni bibon mun di kei biDa apino tungwatu nya minggei sut noni drek dip.

LUKAS 8:49

Tirigi Yesus mbrap bit noni lene awak hi kwei leu Yairus de ig bipai binoni “Apmisop ninnei pas tu. Gima rino abindin Guru bu au.”

KORINTUS GI NICAN 9:8

Allah sindem mem gima yai mun di jisuar nya dor tunggwei bije leu binhyepo jima bibikwop mun di jisuar nya. Lene jikwas nikenti di dor tunggwei leu leu binhyepo jibingondut yam kikau nok.

GALATIA 1:7

Nihyet di kei hiter hi bi sren. Noro tungwatu nya iba nihyet di kei di ikiek-kiek nyen dima bitri tut ighyet di bigen ser je.

GALATIA 5:12

Gi kei rino yo di ikipon jeti di nok gima ikum eisi bimbres yonti leu jikieti bihigom!

GALATIA 6:17

Dipas gi ningwigsi nok gini. Ma hi bindin da bu au. Lewo ditug ndei nimuhweisi ei dingkek dip di bindo bipia dani ne Yesus de awak ri.

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

TESALONIKA GI NICAN 2:17

Handei kon ba, ibiwin kep jingonti bisindem tut je cem leu binhyepo jiyai munti nya kin jipaisi nya hagom kei bibor.

TIMOTIUS GI NIGOM 3:1

Mun di dipas kep dini ne mun di nijit ri. Gino tungwagom joi sut ninyeng nibou mbusyamei ne noni ba noho rok midyai di bon ninyenga.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

2 TIMOTIUS GI NICAN 2:21

Tungwatu tou rino mbres nonti leu mun di ugwai-gwai nya noyam kin mun di dia-diau kei di niceu bet ei mem njap nindig. No dima ningon gom tut Allah bipwoi ningon cem ba, tin ei mem gima yai kep midyai di kei bibor nya hagom.

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

TITUS 3:1

Ma apingok yo di ingon jo kep nya ingonti leu binhyepo ikuk yok bak nibou ndig nya kin yo di igya kui yok bibit ighyet ba, itin ei mem gima yahati tut igyai munti di kei bibor nya.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.