MATIUS 25:44 - ALLAH NIHYET MEM TUNGWATU NYA

⁴⁴ Lene yoni ibuhup ‘Tuhan e, mpe di pitou rino ningat Nani anggum cem anggobiau cem anok ngkiai cem Ade sinsun rik-ta cem anggwen cem asima cem pima lene ningondut Na bi i?’

MATIUS 25:44 ပူးပေါင်းရင်းမြစ်များ

YEREMIA 2:23

Jiba jingon di jei pai sut jenti bipia nirom kui je bijikuk je bak Baal bi sren! Ma jiyok jiyai kep midut nya di jibon ei Mbang Briep Hinom ug e. Jikan kep jide sisar leu api ma jipai jit hak ug! Jinok unta niwek di nibou buwei di nang-nang nyen di bit bon hi kat bi.

YEREMIA 2:35

jipai sut jenti ‘Nyeni ningon ngun. Ningat ne tuhan ningon sibui sut nye bu bi.’ Noro Da di tuhan midikes hukum ei je dip lewo joom ser jide sisar.

MALEAKHI 1:6

tuhan Di Sindem Bibor pai bak imam nya “Nipmot kuk no bak nicig lene awak kuk no bak niceu. Dani ne jicig ri. Nggon rino jikuk je biDa bi i? Dani ne jiceu ri. Nggon rino jittin tut Da bi i? Jingwes pri gau Da noro jihig ser Da ‘Notou ningwes pri gau Na i?’

MALEAKHI 2:17

Allah ningon ngehen tut jide nisuglai kwopti. Noro jihig ser da “Nibindei ba, tuhan ningon ngehen notou i?” Lewo jipai “tuhan ningon ngakei yo di ibon mun dimbuk yahagom ba, ningon kwes kin yok.” Ba, jihig ser da bu “Allah di tungwatu nya ikan bipia ningon kwes-kwau No ritou i?”

MALEAKHI 3:13

tuhan pai “Jikkin kep dinghapti bibor tu. Noro jihig ser Da ‘Notou nikkin kep anghapti i?’

MATIUS 10:41

Bikwop no di ya um nabi gom drek dip ninyeng nabi ne Allah miba munkwas di no yam kin nabi pima nimuhup bibirop hanyen binoni. Bikwop no di ya um no di ningon sren drek dip no dima ningon srenti ne Allah ba munkwas di no yam kin no di ningon sren pima nimuhup bibirop hanyen binoni.

MATIUS 25:43

Tirigino dinok ngkiai lene jicigit Da kui ig bi. Tirigino Ditde sinsun rik-ta lene jijuk jide sinsun ei Dati bi. Tirigino dinggum ba, disima cem lene jihwou mpu Da bi.’

MATIUS 25:45

Nibou Ndig buhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok bi lene gima dem kep nok jingondut Da cem bi.’

MATIUS 5:6

Bikwop yo di ijoi sut gima ibit leu Allah ningon kanti mem yok nya ingon nggei-hi-nggei lewo Allah misindem tut yok mem gima!

MATIUS 7:22

Mpe dino Njap Ningwig Honti dem ne tungwatu nya imang bibor yahara Da ‘Tuhan e, nitri tut Allah Nihyet ba, nijji ninnei rom nya imang bibor lene nibon mindur nya mang bibor cem tug hon anyeng tu.’

LUKAS 10:29

Noro no dima pai mun singgre mem gima bisu tindei nonti bihig ser Yesus “Tou rino yo di hiter di dingon ngakei yok i?”