Nijam poi ser lene Daud hig ser tungwatu nya “Saul nide bat nya bihi rino igyaijo e? Gino hi niyaijo lene midingondut no dima ba, dibiyok ngon kep Yonatan.”
Lene Daud pai binoni “Attin tut au. Lewo midingondut na bidibiyok ngon kep acig di Yonatan. Miditug agnyon Saul de dihyei hanjop nsi hagom hanyen bina ba, disindui sut nani ayem njita bit da ei ig nibou ndig dini kikau cem.”
Nnaba sitap nghim nsi gom ei ig ninjek dip hu kwei mem noni. Ma sikon nibongti kin meja kin bilen kin njeng mbrei eisi leu binhyepo tirigi noni kwei cem kep sa lene mibong ei nghim nsi dima.”
“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [
Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.
Ma jiyok ngon kep bipia no di ttin kau tut minyei mem je di jiya kui Nibou Ndig di teu tungwatu nya biyai niyaijo nijep biyok jidut eisi ne no dima nimuhup mitau binoni.”
Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”
Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”
Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.
Lewo nihyet di nitri tut ne nihyet tut nyenti bi noro nitri tut Yesus Kristus ba, Noni ne Tuhan ri. Lene nuubon nyenti nok awak mem je leu binhyepo nibinggei sut Noni.
Noro disut bat jen, Allah hig je leu binhyepo jiyati kwes. Noro harin dima jiba niyati kwes dima bibon nituti mem jibit jingut kanti di kinei nya. Noro ma jingon ngakei yam bijinok awak mem yam cem.
Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,
Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.
Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.
Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.
Gino hi pai bipia ningon ngakei Allah noro ba nitok bak nisut no di Kresten hi lene no dima nok no di ris ri. Gino ningon ngakei nisut no di Kresten di noni ngat bou niyai him bi lene bit bon ningon ngakei Allah di noni ngat bou niyai him bigyo cem bi.
Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”
Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”