MATIUS 25:36 - ALLAH NIHYET MEM TUNGWATU NYA

³⁶ Tirigino Ditde sinsun rik-ta lene jijuk jide sinsun ei Dati. Tirigino dinggwen lene jinyohou Da. Tirigino disima lene jikwei cem kep Da.’

MATIUS 25:36 ပူးပေါင်းရင်းမြစ်များ

YESAYA 58:7

Ma jikwas njita hi tut yo di inggum nya bijicigit yo di ibong lis kui jide igya. Ma jiyai sinsun bak yo di inyeng tut sinsun hi bi nya bijingkek ndok tut jide bat nya au.

YEHEZKIEL 18:16

bico kep tungwatu nya binggimang ndiyok leu yok cem bi. Noni tug mun di bindo hanyen bak no di dahat mun nyeng hi leu noni bingondut yo di yuhui mbum bikwas njita tut yok cem yai sinsun bak no di nyeng tut sinsun hi bi cem,

YEHEZKIEL 18:7

ris ei tungwatu nyati binggimang ndiyok leu yok cem bi. Noro noni tug mun di bindo hanyen bak no di dahat mun nyeng hi leu noni bingondut yo di yuhui mbum biyai njita biyok cem yai sinsun bak no di nyeng tut sinsun hi bi cem.

YEHEZKIEL 34:4

Jittei gi hi di inghuisi jet ei jinggibi dip bi. Jiyai obat bak gi hi di inggwen bi. Jingot kep gi hi di imig bok bi. Jinyohou jem gi hi di imbut ariwace bi. Jinggok ser gi hi di israwir cem bi. Noro jimbuk tut domba dima yok.

MATIUS 25:37

Lene yo di ingon sren di igya kui ninda com ihig ser Noni ‘Tuhan e, mpe di pitou rino ningat Nani anggum ba, nikwas njita tut Na i? Mpe di pitou rino ningat Nani anggobiau ba, nitin kau tut minyei biNa i?

MATIUS 25:43

Tirigino dinok ngkiai lene jicigit Da kui ig bi. Tirigino Ditde sinsun rik-ta lene jijuk jide sinsun ei Dati bi. Tirigino dinggum ba, disima cem lene jihwou mpu Da bi.’

LUKAS 3:11

Yohanes buhup “Suar no di nyeng tut sinsun ninda ningat can kwas hi tut no di ma sinsun hi bi. Suar no di pwoi njita kwas hi tut no di nggum.”

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

IBRANI 13:3

Ma jiyok ngon kep yo di isima ei ig bui nsi tereu nok jisima bit yok. Ma jiyok ngon kep yo di igyai ninghuisi wei tereu nok jiyai ninghuisi wei bit yok.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.