MATIUS 25:34 - ALLAH NIHYET MEM TUNGWATU NYA

³⁴ Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 25:34 ပူးပေါင်းရင်းမြစ်များ

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

NIPINGOK NINGONTI 11:17

Ade ningondut tungwatu nyati bindei ba, angon kei bibor. Ade nimbuk tut yokti miyai niwei bak nanti anghuisi.

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

YESAYA 6:5

Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”

YESAYA 9:7

tuhan simbot dat tut hukum di Noni mikes ei mben Israel dip tu.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

ZEFANYA 3:15

Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.

MATIUS 13:35

Tug hon nisinati dima lene mun di tibim ei nabi nuhui him pek kep tu. Ba, nabi pai, “Diba nihyet nibiti nindati bingginau tungwatu nya. Dimbot kep tut mimun di jo nding habiei ei nimbie him kikau kwei bipek ammani kep.”

MATIUS 19:29

Bikwop no di kes nide ig bei nsi nya kin nikindig-nikinjoi bat nya kin nikwohop bat nya kin nicig-nipmem nya kin nimunggwom bat nya kin nide miai bitut njita di joti ei leu binhyepo bit Da lene no dima miyai bibikwop mun dima yok hagom mbisratus gom bram yam hanyen bu bitut niyaijo nijep di jo kikau cem.

MATIUS 20:23

Yesus pai biyok “Igbit ri. Jidut ei gi mokti di didut eisi. Noro tut yo di igwam kui dinda com kin dinda prak ne bit bon dindo yok bi lewo Dicig jem gumihyep dima bou No mem yo di inyeng jo niti he.”

MATIUS 21:5

“Ma jipai bak timiei minu ndig Sion bipia Jingat i! Jide nibou ndig hwou ndam je ba, ba nibou coi mem tungwatu nya. Noni bri bigwam keledai ningut gom dip ba, bri bigwam keledai nipmot nehen pap dip.”

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 25:23

Lene niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MATIUS 25:41

Lene Noni pai bak yo di igya kui ninda prak ‘Juug bihigom leu Doho bei lewo Allah mbriom je tu! Juug dor kikau ug ei hum di bit bon hi mu kan bi di Allah tin ei mem Bilis kin nide malaikati nya!

MATIUS 27:37

Ipek srat meng gom di ipas Nide hukum eisi anai nibou. Nipas kepti pai “No dini ne Yesus di Nibou Ndig mben Yahudi ri”.

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 5:19

Gima rino no di pigau niggai serti dima poi mien leu api ngginau hiter cem tut nok migwam ei nohon keti ei Allah Ninyeng Tak Kepti. Noro no di bit niggai serti dima bingginau hiter cem tut nok miyai ninyeng di jei bibor ei Allah Ninyeng Tak Kepti.

MARKUS 10:17

Tirigi Yesus sindi kiju bimbut nut lene tungwagom dor kwei bikuk no ei nimig him bihig ser Noni “Guru di kei e, dibon mun di notou leu binhyepo ditug ndei niyaijo nijep di jo kikau i?”

MARKUS 10:40

Noro tut yo di igwam kui dinda com kin dinda prak ne bit bon dindo yok bi lewo Dicig jem gumihyep dima bou No mem yo di inyeng jo niti he.”

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

LUKAS 11:50

Allah yai nok gima leu binhyepo tungwatu nya ei nijam dini mitug ndei hukum drek dip nabi di tungwatu nya ikimukep yok habiei leu nimbie him di Allah pai tes dihyeisi dini,

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 12:13

Gima rino itot dui meng bittei leu binhyepo ibiya um Noni. Yahara “Jikwei ba, inggei sut Allah o! Allah njei mun di kei bak No di kwei tug hon Nonti ninyeng o! Allah e, anjei mun di kei bak Nibou Ndig di mben Israel ide o!”

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 19:15

Yo dima iba ighyet di ten bibuhup “Akos Noni hak ug o! Akos Noni hak ug o! Apek Noni kin biei salib o!” Pilatus hig ser yok “Jijoi sut gima dipek jide Nibou Ndig kin biei salib e?” Imam nindig nya ibuhup “Kaisar nongkom he rinok nibou ndig di ninyeng tak kep nye o!”

KISAH 15:18

lewo Noni tri tut mun dini yok habiei ei nimbie him.”

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

KORINTUS GI NIGOM 15:50

Disut bat jen, nimbot kepti rinok gini. Bit bon ningut di bon ninghui kin ninggrom nggre kin Allah Ninyeng Tak Kepti kan bi. Ba, bit bon mun di kroi ei dihyeiti nggre kin mun di jo gingga kan bi.

KORINTUS GI NIGOM 2:9

Noro bit leu nok gi ipas ei Allah nihyetti, “Mun di jo nding leu tungwatu nya igyai him cem tibim ei itingou nsi cem coi ug ei ibou ngwakti cem bi sren dima ne mun di Allah tin ei pijum mem yo di ingon ngakei Noni ri.”

KORINTUS GI NIGOM 6:9

Ma jiyok ngon kep bipia yo di ibit Allah ningon kanti mem yok bi nya minggre kin Allah Ninyeng Tak Kepti bi. Ma jikrau tunggwei jingonti au! Yo di icut tut yam kin yo di ikuk yok bak kwar kin yo di icut tut hi nitnem kin sop di icut tut yam kin pinai di icut tut yam,

GALATIA 5:21

ingon kinei sut yam drek dip mun di imbun nya cem pes pu yok cem ibon pesta tut ide kwar di ikuk yok bak nya cem hagom. Disok kep je hanyen bu noyam kin gi disok kep je nipou su bipia tungwa tou rino bon mun di kinei dini yok micoi bit Allah Ninyeng Tak Kepti bi sren.

EFESUS 5:5

Ma jiyok ngon kep bipia nicut tut yam cig kin nikrar kep yam cig kin nidrui bou ngwam cig (di noyam kin sisar nikuk nye bak kwarti nya) micoi bit Allah kin Kristus Ninyeng Tak Kepti bi sren.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

2 TIMOTIUS GI NICAN 2:12

Gino iba ibou coi mem mun di buhun tak nye lene inok nibou mem ninyeng tak kepti bit Noni. Gino ibikep ser Noni lene Noni cem mibikep ser nyeni.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 4:3

Noro nye di ingon jo kep nya icoi ug ei mpia dima bibong kep inghuisi bit Noni. Bit leu nok gi ipas ei Allah nihyetti “Dingon sibui sut yok nindig bibor ba, disigion yok leu binhyepo icoi ug ei mpia dima bibong kep inghuisi bit Da bi sren.” Mbro nok gino Noni yai Nide midyai nya biput habiei tirigi Noni pai tes dihyeisi dini tu lo, Noni sigion yok.

IBRANI 9:26

Leu gi nok lene Noni yai ninghuisi wei nyen-nyen habiei tirigi Allah pai tes dihyeisi dini kikau kwei bipek ammani kep. Noro tini bu ei nijam ningwig honti dini lene Noni kwei mbigom ngat he bijo ninno bijo kikau leu api dip tut sisar hagom tug hon nikes Nonti ei nok mindhe di ibui sut ninggromti.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

PETRUS GI NIGOM 1:9

Lewo jide niba ningon com Yesus Kristusti ribindei dino jiyai niteu leu sisarti kin niyaijo nijepti.

PETRUS GI NIGOM 3:9

Ma jimbuk tut yo di imbuk tut je au. Ma jimbriom yo di imbriom je au. Noro ma jingat nadi tindei mun di kei mem yok. Lewo Allah dimig je leu binhyepo jiyai mun di kei leu Noni.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 17:8

Mindhe di niten-pos di angat dima niyaijo nipou su noro niyaijo bu bi. Jei bi ne noni hei kwei leu ninnei rom nya ide jui nsi bidor ug ei nisar bihigomti. Tungwatu dihyeisi di inyeng jo ei srat niyaijoti habiei ei nimbie him tirigi po Allah pai tes dihyeisi dini bigyo bi nya inga leu tut noni. Lewo niyaijo nipou su noro tini bu ne niyaijo bi noro noni ttau hanyen kwei.

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”

NINGAT-HI-NGAT NYA 21:7

No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.

NINGAT-HI-NGAT NYA 5:10

Abindei yo dini binok imam nimpung nindig bibor di igyai kep Allah de midyai nya ba, inyeng tak kep tungwatu dihyeisi dini hagom.”