MATIUS 25:24 - ALLAH NIHYET MEM TUNGWATU NYA

²⁴ Lene awak di yai mitiei mas sribu gom cem coi kwei bipai ‘Andigpoi e, dikan tut bipia asibut bibor. Lewo apuk biei ngat di ata bi ba, aket gandum di ahap bi cem.

MATIUS 25:24 ပူးပေါင်းရင်းမြစ်များ

YESAYA 58:3

Ihig yam “Nggon rino nyeni igyem njita bi mem nituti poi gino tuhan tou kep nye bi i? Nggon rino iba ibou coi mem Noni gino Noni ngig niyai kep nye bi i?” tuhan buhup “Ningat ne tirigi jiyem njita bi mem nituti poi lene jibrim jingkek mem jide mun di bitut jenti bijico kep jide awak nya.

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

MATIUS 18:24

Sindi hig bram yok lene ibuwak awak gom di rop ningwam juta mang bibor bigyo kwei biya ei noho bei.

MATIUS 20:12

bipai bak ‘Yo di ikinyon ei midyaiti mem mmunti igyai midyai mem jam gom ngat he noro nyeni niyai midyai ba, nahanggwap mbilen kikau njap jei di ammani. Nggon rino yoni itug ndei imuhup di noyam kin nyeni nimuhup i?’

MATIUS 25:25

Dinghuisi mpig sut Andigpoi. Gima rino duug tig ade mitiei ei dihyeiti. Ditug ade mitiei dini hanyen bina.’

MATIUS 25:26

Andigpoi buhup ‘Nani ne awak di sibut bibor di nghen cem ri! Akan tut bipia dipuk biei ngat di dita bi bidiket gandum di dahap bi e?

MATIUS 7:21

“Tungwatu nya imang bibor mindat kep dinyeng bipai ‘Tuhan! Tuhan!’ Noro yo dima yahagom micoi bit Allah Ninyeng Tak Kepti bi. Noro bikwop yo di igyai igbit Dicig ei gwamti ningon kanti he micoi bit.

LUKAS 15:29

Noro mot dima buhup ‘Dicom dahanggwap dem kep nok ade awak kikau mem ari bingwam mang bibor tu. Mbro nok gino dibon mun tunggwei ahyet bi lo, akwas kambir ningut gom tut da mem dibui bidibon pesta bit disut bat nya bi.

LUKAS 19:13

Nipou tirigi mbut bigyo ne noni hig nide awak nya ibou simnai kwei bikwas mitiei mas ninjep simnai tut yok ba, hi yai ninjep gom hi yai ninjep gom bikwop nok. Lene noni pingok ingonti bipai biyok ‘Ma jiba mitiei dini bipek mun leu api jitri ba, jibipek mitiei hi kin bu kikau bibou dikwei hanyen kep.’

LUKAS 6:46

“Nggon rino jindat kep dinyeng ‘Tuhan! Tuhan!’ Noro jibit dihyet bi i?

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

ROMA 9:20

He disut na e, nani ne tungwatu dihyeisi dini he ri! Ma ahap aji ba, abirop Allah nihyet au! Ma dibijig hig ser nibon dibijig cig “Nggon rino abon da bou anda him nok gini i?” E bi!