MATIUS 24:6 - ALLAH NIHYET MEM TUNGWATU NYA

⁶ Tirigi jimiap tut yo di ikon pran dideu je nya kin gi minu ting nya lene ma jittin tut au. Lewo mun dini yok hagom midem igbit nipou ug e noro tto bou mem njap ningwig honti dem bigyo.

MATIUS 24:6 ပူးပေါင်းရင်းမြစ်များ

MAZMUR 112:7

No dima ningon digit tut nihyet di kinei di miap bi ba, ningon ngkiem kei lewo ba ningon com tuhan.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 7:4

Acuk noni bipia tindei ser siceu nya noro ma ningon jo nyahan. Ma noni ttin tut yok ba, ningon buhun au. Lewo Nibou Ndig Pekah kin Nibou Ndig Rezin bitut tentara Siria yahagom ide niggati noyam kin bui priot can di tti tut nimmup he.

YEREMIA 47:6

Jahara ‘tuhan de singau simeda e, ma ahwen nye bipek apig bu i? Ma angkwei hanyen ei ahamti ba, agwam kep anghuisi ei sirima hak ug!’

YEHEZKIEL 21:28

“Na di tungwatu di ayaijo kikau bi e, ma atri tut mun di mipek kep ei nidipti bu! Apai bak mben Amon di ighyet wer mpiahi tut mben Israel bipia Da di tuhan Di Dinyeng Jei dipai ‘Singau simeda nipup gom jo mem niyai nimai bak tungwatu nya. Hi sien singau simeda dima binjeng-jau nok kigyei di ninjeng srei leu binhyepo biyai nimai bak tungwatu nya.

MATIUS 2:3

Tirigi inghapti tibim ug ei nibou ndig Herodes nitingou nsi lene noni digit tut ba, timiei minu ndig Yerusalem nya cem yahagom idigit tut.

MATIUS 24:14

Lene tungwatu nya mitri tut Nihyet Di Kei tut Allah Ninyeng Tak Kepti bidem dihyei nisurti-nipekti leu binhyepo tungwatu nya yahagom imiap tut nihyet nipou ug e leu api ningwig honti mitau kep je.”

MATIUS 26:54

Noro gino diyai nok lene notou mun di Allah Nihyet preu kep nye tut mipek kep mem nye nogindini i?”

LUKAS 21:19

Gino jiya ngkiem bijibet jingon ne jingwes ngun.”

LUKAS 21:9

Tirigi jimiap tut yo di ikon pran bit yam kin yo di isrep tut nibou ndig nya lene ma jittin tut au. Lewo mun dima yok hagom midem igbit nipou ug e noro njap ningwig honti ttau bigyo.”

LUKAS 22:37

Ma jingon jo kep bipia Allah Nihyet di pai ‘Ikwop Noni kin yo di ipigau hanjop nya’ midem igbit tug hon Da. Lewo ayat di ipas ei Allah Nihyetti di ndo igbit tut Da micut igkep Da mem nijam dini.”

YOHANES 14:1

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

TESALONIKA GI NICAN 2:2

Ma jingon kiowi niti bijingon bos-bos nyen tut yo di itri tut bipia Tuhan De Njap njiriek leu su au. Gino jikan bipia nihyet dima kwei leu nyeni tirigi nitri tut Allah ningon kanti e, he kwei leu gi hi di pingok jingonti tut e, he kwei leu mun di nipas hwou ei sratti bije e, lene gima hagom igbit bi.

NINGAT-HI-NGAT NYA 6:4

Leu api kuda di ninta ngwoi ningut gom ttau kwei. No di bri bigwam dip yai nisindemti mem gima bindei ba, tungwatu dihyeisi dini iba nitok biyam bikon pran bit yam. No dini krau singau simeda di nindig krop.