MATIUS 24:49 - ALLAH NIHYET MEM TUNGWATU NYA

⁴⁹ ba, sindi hwen bit awak nindigsi nya leu api yem njita bidut ba anggur ngei bit yo di pes pu yok nya.

MATIUS 24:49 ပူးပေါင်းရင်းမြစ်များ

NIPINGOK NINGONTI 23:20

Ma anggre kin yo di ikimam anggur ngei kin njita ninyeng hagomti au.

YESAYA 56:12

Nibou ngwak sibui sut pes cig dima yok ipai ‘Jikwei bidut ba anggur ngei bindei nye kei ug e! Mun di igyai mem njap di hyep mikei dor njiriek mun di igyai mem njap di ammani!’ ”

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

YEHEZKIEL 34:3

Jidut domba nido ngei lene jinap ninta nok sinsun mem jenti lene jibui gi hi di nimmau ndok nok mikwau cem noro jehek tut domba dima bi sren.

MIKHA 3:5

Jingot kep nabi nya leu binhyepo itri tut mun di kei di mipek kep mem tungwatu nya noro iba nitok bak yo di ingot kep yok nya bi. tuhan pai bak nabi dima yok,

MATIUS 18:28

Awak dima ug leu lene um nisut awak gom kin bu di rop nide ningwam gom-gom bak bigyo leu api kimukep nikimam bipai binoni ‘Arop ditde ningwam haninyai!’

MATIUS 24:48

Noro gino awak dima ningon dindi bikan ‘Siceu ug bong ninno ba, mikwei hanyen bigyo,’

MATIUS 24:50

Jei bi ne niceu mitau hanyen hak kep noni mem nijam di noni yok ningon mem bi kin njap dino noni kan tut bi.

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

YOHANES 2:10

bipai binoni “Bikwop tungwatu nindigsi yahagom itri ba anggur ngei di nyop kei bak tungwatu nya nipou ba, idut bindei yok ug e. Leu api itri gi nyop haigtu bi niabiati bu. Noro abet ba anggur ngei di nyop bibor kei kikau kwei bipek nogindini kep!”

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

KORINTUS GI NICAN 11:20

Jiba jibou coi mem yo di ibibon je tereu nok awak kin yo di ico kep je kin yo di igyem jimuhup kin yo di ingwes om kep je kin yo di ittem jijap.

FILIPI 3:19

Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

PETRUS GI NIGOM 5:3

Ma jibon jenti tereu nok nibou ndig nya ba, jinyeng tak kep domba di Allah kes bije au. Noro ma jindo jide niyai munti di kei bibor bak yoni nok bindo.

YUDAS 1:12

Tirigi jiyem njita bit yam lene yo dini isrig jikieti bibindei mmai jahagom cem iduhwen njita hak yon ba, ingon hek tut yonti njem he. Inok bumbuhui di hou miep-miep nyen lo, but kan bi. Inok biei di ngat ningat hi bi mem nijam di biei nya ngat ningat. Inok biei mon di tungwatu nya iprim tut nigau di mui bihigom cem.

NINGAT-HI-NGAT NYA 13:7

Leu api hi sindui sut ba, mindhe njei bikon pran bit Allah de limwa nya bibindei cut yok biyai ninyeng di tak kep keret nya kin mben nya kin nihyet nya kin minu nya hagom.

NINGAT-HI-NGAT NYA 16:6

Lewo yo dima isiber Ade limwa nya bitut Ade nabi nya inggrom. Gima rino abindei ba, idut ninggrom nok minyei. Ibiang igyai munti dima nibuhunti bitug ndei imuhup sur igyai munti.”

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.

SAMUEL GI NIGOM 2:29

Nggon rino jidrui bou ngwak tut mikwau tirigi jingat mindhe-ndhe nya di dicuk Ditde limwa nya ibui mem nibon midut nindig titut ei nimbar hum dokti i? Eli e, nggon rino asindui sut apmot bat cin tut ingon kanti lene angkek ndok tut Danti dingon kanti i? Lewo asindui sut yoni idigo mikwau ninghui ninggriet di kei bibor kei hagom mem yonti igyem tirigi Ditde limwa nya ibon midut nindig ide mindhe-ndhe nya ei nimbar hum dokti bit leu nok dicuk yokti tu.