MATIUS 24:4 - ALLAH NIHYET MEM TUNGWATU NYA

⁴ Yesus buhup “Ma jitindei ser tungwatu nya leu binhyepo hi ris bije bibindei ba, jisrawir au.

MATIUS 24:4 ပူးပေါင်းရင်းမြစ်များ

YEREMIA 29:8

Da di tuhan Di Disindem Bibor di Allah Israel disok kep je ba, jiyok ngon kep. Ma jisindui sut nabi di ibong srig jikieti ba, iris mun bije au. Nok gima cem tut nindigsi nya bu di ipai bije bipia bon itri tut mun di mipek kep mem je ei nidipti bu kan nya ighyet cem au. Ma jingig jitingou mem ide mumpriem nya di imbot kep tut bije cem au.

YEREMIA 37:9

Da di tuhan disok kep je ser nhyema jiris ei jenti dip bijikan bipia tentara Babel mikwei hwen je hanyen bu bi au. Yoni mikwei hanyen yo.

MARKUS 13:22

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mikiju leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

LUKAS 21:8

Noni buhup “Ma jitindei ser tungwatu nya leu binhyepo hi ris bije bijisrawir au. Lewo tungwatu nya imang bibor iba dinyeng bipai sut yonti bipia yoni ne Da rin cem tto bou dem tu cem. Noro ma jibit ighyet au.

GALATIA 6:3

Gino tungwagom kan bipia ninyeng jei lo, ningat ne ninyeng jei haigtu bi ba, noni krau tunggwei ningonti.

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

KOLOSE 2:18

Ma jisindui sut yo di ikon ighyet tut inyeng di jei drek dip gi ipai bipia iba ibou coi ba, ikuk yok bak malaikati nya noro ibitot hagau he. Yo dima ikan-kan nyenti di ntun dihyeisi dini him bindei ba, ingon jei sut yonti cem ingon ndig sut ningat-hi-ngat di mindur nya di ingat bou igyai him cem ba,

KOLOSE 2:8

Ma jingon sok kep jenti ser nhyema hi ba ningon di kiti di ntun tungwatu dihyeisi dini him di bon ninyeng bi buubon je au. Ningon kiti dima ntun Kristus him bi noro ntun tungwatu dihyeisi dini ingon kanti him kin ninnei di inyeng tak kep mpia-bbed him kin dihyeisi dini him.

TESALONIKA GI NICAN 2:3

Mbro nok gima lo, ma jisindui sut yo di hiter ba, iris bije au. Lewo Njap dima nicunti mittau kep nye bi bibou nijam di tungwatu nya yaham imbuk kep Allah ningwigsi mipek kep nipou ug e. Mpe dima ne No Di Ba Nitok Bak Allah mittau kwei lo, Allah mibindei timek no dima ei hum njengti.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.