MATIUS 24:36 - ALLAH NIHYET MEM TUNGWATU NYA

³⁶ “Hi kan tut njap ningwig honti nipek kepti bi. Malaikati gwamti nya kin Da di Allah Nipmot nahagom nikan tut nipek kepti bi noro Dicig Nongkom kan tut.

MATIUS 24:36 ပူးပေါင်းရင်းမြစ်များ

ZAKHARIA 14:7

Njap dima dem ne nidinditi nggai kep je bu bi. Njap tek bijo kikau mem mmun cem. Noro tuhan nongkom he rino kan tut njap dima nitausi.

MATIUS 24:42

Gima rino ma jiyai ngkiem lewo jikan tut njap dino jide Tuhan nitau hanyen kweisi bi.

MATIUS 24:44

Gima rino jeni cem ma jiyai ngkiem bikwop mmun-njap lewo Munggwom Tungwatu Nipmot mikwei hanyen mem jam dino jiyok jingon mem Noni bi.”

MATIUS 25:13

Lene Yesus pai ningwigsi kep bisok kep yok “Gima rino ma jiyai ngkiem lewo jikan tut tto bou mem njap kin jam nidemti bi.”

MARKUS 13:32

“Mbro nok gima lo, tungwa hi kan tut njap ningwig honti kin mun pima yok nipek kepti bi. Malaikati nya ei gwamti kin Da di Allah Nipmot nahagom nikan tut nipek kepti bi noro Dicig Nongkom kan tut.

KISAH 1:7

Yesus buhup, “Dicig Nongkom kos tut nituti kin nikwesti mem mun dima yok hagom. Noni ce tut mun dima yok jo ei nibreisi mem je bigyo lewo jem bou nikos tutti dima mem Nonti.

TESALONIKA GI NIGOM 5:2

Lewo jikan mungkun tut Tuhan de njap nikwei hanyenti di mittau kep nye dima midem kep ninggimang mun cig di ttau mem mmun.

PETRUS GI NICAN 3:10

Noro Tuhan De Njap di nikwei hanyenti dima mittau kep nye kros dem kep nok ninggimang kep mun cig nitausi tirigi tungwatu nya itin ei mem bi. Njap dima ne nibimbi di nok hum di sror mitibim mpe dino mpia-bbed him sar hak bingwig ba, hum miyem ham kin mun nindigsi nya bidem mpia-bbed him hagom bitimek bingwig ba, dihyeisi dini bitut mun di joti nya cem hagom mipror hak.

NINGAT-HI-NGAT NYA 16:15

“Jimiap e! Midihwou timon je dem kep ninggimang kep mun cig. Bikwop no di niyai ngkiem binyohou nide sinsun ne no dima ningon nggei-hi-nggei lewo ba ningat ngu bimbut bi. Leu gi bi ne mimmai sut nonti ei tungwatu nya igyai him.”

NINGAT-HI-NGAT NYA 3:3

Gima rino suar jiyok ngon kep nipingok jeti kin mun di tibim ei jitingou nsi tu. Suar jibit mun dima yok hagom leu api jittin ser jide sisar bijikiek ndam Allah. Gino jida jiyai bijikiju bi ne dihwou timon je dem kep ninggimang kep mun cig noro jikan tut nicunti mem dihwousi dima bi.