MATIUS 24:31 - ALLAH NIHYET MEM TUNGWATU NYA

³¹ Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

MATIUS 24:31 ပူးပေါင်းရင်းမြစ်များ

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

MAZMUR 67:7

Njita ngat ningat bidem ide miaisi nya hagom tu. Nyende Allah njei mun di kei binye tu.

MAZMUR 81:3

Ma jikon doia ba, jibibit mun di impig-mpig nyen nibimbiti cem. Ma jikek nggong kin nggong mbrei kin nibimbiti di bindei ba, itingou ngakei.

NEHEI LEUSI 19:16

Ug ei njap gi niningai mem mpia tekti lene kru nindig bibor nisu bong ba, kigyei ninjeng srei lene bumbuhui di ndok bibor gom tau kros ei nungug dip dima lene tungwatu nya yahagom imiap pun mbrei nibimbi nindig bibor ei itingou nsi. Gima rino yahagom inghuisi mpig sut nindig bibor tirigi igya ei ide prak meng yati nikieti.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 13:5

Yoni ikwei leu minu di jo ting bibor ei dihyei nohon keti. tuhan ba nigga biyai yo dima mem gima ibindei sar dihyeisi dini titut yam.

YESAYA 27:13

Mpe dima lene pun mbrei nindig nimbi mibong mem gima ibijem mben Israel di icom yok ug ei minu Asyur kin minu Mesir yahagom hanyen kwei. Yoni mikwei ei minu ndig Yerusalem mem gima ikuk yok bak tuhan ei Nide nungug di kwes-kwau.

YESAYA 42:10

Jikwei ba, iba doia nijep-jau bibikiek tuhan. Je di tungwatu dihyeisi hagom e, ma jinggei sut Noni! Timiei kibar minyei ei muk ngwa dip kin mindhe-ndhe ei muk ngeisi hagom kin minu di jo ting bibor bitut timiei nya jahagom e, ma jinggei sut Noni!

YESAYA 43:6

Midikes dihyet bak timiei mpia nijjai nya kin mpia nibiho nya leu binhyepo ice tut jide nintun him yamti di bram yam nya ba, ikwei hanyen leu ingkiaisi bisindui sut Ditde limwa nya ba, ikwei hanyen leu dihyei nisurti-nipekti.

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 49:18

Ma amian ttai na ba, angig ayai kep mun di sindi pek kep mem na. Ade limwa nya imbus yam ei su ba, sindi induk yam kwei bittau kep na. Da di Allah Di Niyaijo dipai tug hon dinyenga bipia ningat ne ma anggei sut ade limwa nya dem kep nok sop di nggei sut mimau di ibimau noni tirigi wak nijjep.

YESAYA 60:4

Ma amian ttai na ba, ayok ayai kep mun di sindi pek kep mem na! Ade limwa nya imbus yam ei su ba, sindi induk yam kwei ndam na. Apmot bat nya no ikwei leu minu ting kwei lene tungwatu nya yuusap apmisop bat nya kwei.

DANIEL 7:2

bitut ningat-hi-ngat di dingat bou diyai him. Hou di nimig ten bibor cut kwei leu mpia nisurti-nipekti bibindei ba, muk ningwa dip tti nindig bibor.

ZAKHARIA 14:5

Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

ZAKHARIA 2:6

tuhan pai bak Nide limwa nya “Dibindei ba, jintek gimahap nima ug nima ug tu.

ZAKHARIA 6:5

Noni buhup “Kroba pran nya igya ei tuhan di pai tes dihyeisi kin gwamti bitut mun di joti nya Noho bei leu api ikwas yam ba, hi mbut ndam hou nimig ei nite bei ninghim lene hi mbut ndam hou nimig ei nite bei noho lene hi mbut ndam hou nimig ei nite bei ninda com lene hi mbut ndam hou nimig ei nite bei ninda prak.

ZAKHARIA 9:10

tuhan pai, “Midicom kroba pran bingwig leu Efraim leu api midibindei ba, kuda pran nya ipror bingwig leu minu ndig Yerusalem. Dibindei dahat hampiap hagom bingwig. Jide nibou ndig mikim mbrap tut keret dihyeisi dini bibindei ba, yahagom ingon kwes kin yam. Ninyeng tak kepti ninyanti ug bikep kin muk ngeisi ei nite hi kikau ug bipek kin muk ngeisi ei nite hi ba, bipek kin Minyei Efrat kikau ug bipek kin minu nohon keti.”

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

MATIUS 24:22

Gino Allah mikos nijam dima nijeisi leu bi lene bit bon tungwatu nya bihi ingwes ngun kan bi. Noro Noni mikos nijam dima nijeisi leu mem Nide limwa nya.

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

MATIUS 24:32

“Ma jiyok ngon kep ningginausi tut biei ara. Tirigi dideu gi mitu lene nitom llet leu nimbrinap kikau ug ei ninggrupti ba, nuui hei hanyen bidem ninda-nda hagom apino jikan tut bipia bed di biang mpia ngei dideu kwei su.

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

MARKUS 13:27

Leu api Noni micuk Nide malaikati nya biyuug ei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

YOHANES 11:52

Noni mai luei mben Yahudi he bi noro mibuwak Allah nimunggwom bat nya di ibong ingkiaisi yahagom ba, inok gom kin yam tug hon nimaisi.

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

KORINTUS GI NIGOM 15:52

Mun dini mitimon nye kros noyam kin niyai mpau di bingmai mbigom he tirigi pun mbrei ningwigsi nugwei bong. Tirigi pun mbrei nugwei bong rino yo di imai su nya mikiju hanyen biyuum ingut di jo gingga di bit bon kroi hanyen kan bi. Leu api Allah miluei yahagom itta.

EFESUS 1:10

Ningon kanti di Noni bindei ba, mipek kep mem tungwatu nya ndo binye bipia nipai testi ei gwamti kin dihyeisi dini hagom mibicim tindei yam nok gom ei Kristusti ba, Noni ttei nibou tut hagom. Allah ningon kanti dini mipek kep dem igbit tto bou.

NINDAT KEP TUHAN NICUKTI NYA 30:4

Mbro nok gino tuhan di nok jide Allah com je kikau ug ei minu nohon keti lo, Noni minduk je hanyen kwei.

NINDAT KEP TUHAN NICUKTI NYA 4:32

Ma jiba jingon bisrip huk nijam gi nipou nya kin nijam tirigi jipmem bat nya isrek tut je bigyo kin nimbie him tirigi po Allah pai tes tungwatu nya ei dihyeisi dini ba, jiput ser dihyeisi dini ninjek dip hagom. Dihig ser je bipia mun di mindur nok gini hi pek kep mem tungwatu nya nipou su e? Tungwatu nya imiap tut mun di mindur nok gini ninghapti tu e?

TESALONIKA GI NIGOM 4:16

Mpe dima lene Allah nihyet sra tut nicukti lene malaikati nibou ndig nihyet kin Allah de pun mbrei hacem mitibim leu api Tuhan Yesus Nonti mijuk kwei leu gwamti. Lene yo di imai su di iba ingon com Kristus nya mikiju hanyen leu imai eisi bibie ug e.

TESALONIKA GI NICAN 2:1

Disut bat jen, ditigtai je tut Tuhan Yesus Kristus nikwei hanyenti kin niteu nye bigwam bit Noniti.

IBRANI 12:19

kin pun mbrei di tibim kin Allah nihyet nibimbiti ri. Tirigi imiap Allah nihyet dima rino idigit tut ba, yahara ser leu binhyepo tibim kwei ei itingou nsi bu bi.

NINGAT-HI-NGAT NYA 1:20

Gini ne mimun tut ham mpia-bbed him ningat muhwindacan di dikrau ei dinda com bou ayai him kin mini njeng nidihim ningat muhwindacan di iba mas bibon ri. Ham ningat muhwindacan dima ne malaikati nya ibou muhwindacan di ibuhup tut mbusyamei ningat muhwindacan ri. Ba, mini njeng nidihim ningat muhwindacan ne mbusyamei ningat muhwindacan ri.”

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 7:1

Gima ngwig leu lene dingat lo, malaikati nya ibou bitai igya hammi dihyei nuhuisi bitaisi bikrau ser hou nimig bitaisi leu binhyepo hou miep dihyeisi kin muk ngeisi kin bieisi nya bi.

NINGAT-HI-NGAT NYA 8:2

Gima ngwig leu lene dingat malaikati nya ibou muhwindacan di igya ei Allah Noho bei bikrau pun mbrei nika muhwindacan.