MATIUS 24:16 - ALLAH NIHYET MEM TUNGWATU NYA

¹⁶ Mpe dima ne suar yo di ibong ei hanjop Yudea yahagom inang ug ei cet him.

MATIUS 24:16 ပူးပေါင်းရင်းမြစ်များ

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

NIPINGOK NINGONTI 22:3

Gino yo di ipmem bat nya imiep ingon tu nya itau kep mun di nahanok micut igkep yok ne imbres yonti leu noro bon yo di ingon mbum nya yoom yonti leu kan bi apino itug midut.

YEREMIA 6:1

Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.

YEREMIA 44:29

Midikes mun di buhun bibor ei je dip ei mpia dini leu binhyepo dibindo bindo bije tut hukum di dikos tut bit leu dingon kanti tu. Ningat ne hukum dima micut igkep je ri.

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

MATIUS 24:15

“Mijingat lo, ‘Nisibutti Di Bindei Di Map Kui Tuhan De Igti’ tirigi ya ei ninsi di kwes-kwau dem igbit srat di nabi Daniel pas kep tut. (Ma no di kwop srat bokti dini yok ngon kep ningginausi!)

MATIUS 24:17

Ma no di kui bigwam ei ig bou njek cem juk hanyen kwei noro coi ug ei ig bei biyai nide ndigban au.