MATIUS 24:14 - ALLAH NIHYET MEM TUNGWATU NYA

¹⁴ Lene tungwatu nya mitri tut Nihyet Di Kei tut Allah Ninyeng Tak Kepti bidem dihyei nisurti-nipekti leu binhyepo tungwatu nya yahagom imiap tut nihyet nipou ug e leu api ningwig honti mitau kep je.”

MATIUS 24:14 ပူးပေါင်းရင်းမြစ်များ

YEHEZKIEL 7:10

Njap di mun di buhun cut igkep mben Israel tau tu. Nisibutti digek tu. Tungwatu nya ide ninggei sut yonti kui bipek kin ninggram him tu.

MATIUS 10:7

Jitri tut biyok bipia Allah Ninyeng Tak Kepti dideu kwei su.

MATIUS 18:19

Lene ma jingon dorti tut gini cem. Gino jibou can ei dihyeisi dini jiba jingon kanti gom bingat nadi ne Dicig ei gwamti mibirop hanyen bije.

MATIUS 24:3

Tirigi Yesus gwam biNongkom ei Nungug Zaitun lene yo di igya kui Noni ikwei hig ser Noni nyahan “Apai igbit binye tut nituti mem mun dima yok hagom tirigi micut igkep nyeti i. Mindei rimibindo tut akwei hanyenti kin njap ningwig honti i?”

MATIUS 24:6

Tirigi jimiap tut yo di ikon pran dideu je nya kin gi minu ting nya lene ma jittin tut au. Lewo mun dini yok hagom midem igbit nipou ug e noro tto bou mem njap ningwig honti dem bigyo.

MATIUS 4:23

Yesus mbut nimig bidem hanjop Galilea hagom ba, ngginau mben Yahudi ei ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen ninyeng hagom ikei hanyen cem.

MATIUS 9:35

Mpe dima lene Yesus mbut nimig bidem minu ndig kin minu mien nya hagom ba, ngginau tungwatu nya ei mben Yahudi ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen yahagom ikei hanyen cem.

MARKUS 13:10

Nipou tirigi njap ningwig honti tau kep nye bigyo lene suar tungwatu nya itri tut Nihyet Di Kei bidem dihyei nisurti-nipekti nipou ug e.

LUKAS 2:1

Ei mpe dima Kaisar Agustus tri nihyet bipai bipia suar bikwop nide limwa nya bidem dihyeisi dini hagom yuug ei kintrorti di jo ei itimieisi bindat kep inyeng leu binhyepo noni kan tut yahagom imangti sok yam.

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

LUKAS 4:5

Lene Bilis buwak Noni ug ei nipieti anai bibor leu api haninyai ndo nibou ndig ide minu ninyeng tak kepti nya hagom bak.

KISAH 1:2

kikau ug bipek njap di Allah kon Noni ug ei gwamti hanyen. Noro nipou tirigi Noni ug ei gwamti bigyo lene Noni pingok yo di igya kui Noni di mbus yok ei su nya ingonti tug hon nisindemti leu Allah Ninnei.

KISAH 11:28

Nabi Agabus cem ningat rin bit yok. Noni kiju biya lene ba nisindemti leu Allah Ninnei bimbot kep tut ninggum nindig bibor di mikieng kep dihyei nisurti-nipekti. (Ba, nimbot kepti dima cut igkep tungwatu nya ei mpe dino Klaudius nok nibou ndig mem yok.)

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

KISAH 17:6

Noro ingat Paulus kin Silas bi. Gima rino ikri Yason kin yo di ingon jo kep nya ibou poi ug ei nibou nya yoho bei lene ibipai bipia “Yo dima ibindei ba, tungwatu dihyeisi dini yahagom ighyet ngwig kep yam. Nogindini ikwei krau ide minu dini cem,

KISAH 19:27

Niyai munti dima buhun bibor! Mbigom tungwatu nya misrep tut ide midyai dini. Gima he bi noro yoni miba igyai ngat ide kwar sop Artemis de ig bicut ninyeng di jei. Artemis ne kwar sop di timiei hanjop Asia kin tungwatu dihyeisi dini hagom cem ikuk yok bak ri!”

KISAH 20:25

Disut bat jen, dikwei sut nihyet tut Allah ninyeng tak kepti ei jahagom jikieti tu. Noro dikan bipia mijingat diimaisi bou jiyai him bu bi sren.

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

IBRANI 1:6

Noro dem igbit nituti di Allah cuk Nipmot mighumbou kwei ei dihyeisi dini lene Noni tri tut “Suar Allah de malaikati nya yahagom ikuk yok biNoni.”

IBRANI 2:5

Allah yai nisindemti bak malaikati nya leu binhyepo inyeng tak kep dihyei di nijep di nyeni imbrap tut ei srat diniti bi.

NINGAT-HI-NGAT NYA 14:6

Leu api dingat lo, malaikati gom kin bu di mba anai mpia-bbed him bikwei sut nihyet di bit bon pror hanyen kan bi. Noni tri tut nihyet dima bak tungwatu dihyeisi bikwop mben nya kin keret nya kin nihyet nya kin minu nya hagom.

NINGAT-HI-NGAT NYA 16:14

Mun dima ne ninnei rom nya di ibon mindur nya ri. Ninnei dini yuug ngat nibou ndig nya ei dihyei nisurti-nipekti binduk yok kwei mem nikon pranti ei Allah Di Sindem Bibor De Njap Nindig.

NINGAT-HI-NGAT NYA 3:10

Midinyohou je leu nijam di buhun bibor di mikieng kep dihyeisi dini hagom lewo jibit dicuk jeti nya bijiba jibou coi mem ninghuisi wei di cut igkep je. Nijam di buhun bibor dima mibingon tungwatu dihyeisi dini yahagom.