MATIUS 23:4 - ALLAH NIHYET MEM TUNGWATU NYA

⁴ Ibidip huk tungwatu nya tut mun di nggruk bibor ba, itri tut nidimig sutti nya di buhun tak yok noro isu inda bikon tut yok bi.

MATIUS 23:4 ပူးပေါင်းရင်းမြစ်များ

YESAYA 46:1

Mben Babel ide kwar nya ningwig honti rinok gini. Nipou ne yo dima ikuk yok bak kwar Bel kin Nebo noro tini bu ne ikon kwar dima bikes ei keledai nya dip bimbut tut. Kwar dima ibuhun tak mindhe nya ba, inghuisi wei.

MATIUS 23:23

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jikwas jide mun di bindei di njita nyop kei gom leu ningot gom tut Allah. Noro jiba jinghim bak mun di bon ninyeng ei Allah niggai serti nok ningon srenti kin ningondut yamti kin ningon gomti. Suar jiyai igbit mun dini yok lene ma jingon prion ser nicukti nya pima cem au.

MATIUS 23:3

Gima rino ma jice tut bijibit nicukti di itri tut nya hagom. Noro ma jiyai bram igyai kepti nya au. Lewo igyai kepti nya tte tut ide ningginau jeti nya.

LUKAS 11:46

Yesus buhup “Aye! Buhun bibor mem je di guru Puig Yahudi nicukti nya! Lewo jibidip huk tungwatu nya tut mun di nggruk bibor bijitri tut nidimig sutti di buhun tak yok noro jindo puig di bie ndam gima ibit nidimig sutti dima bi.

KISAH 15:10

Nggon rino jisrep tut Allah ningon kanti tug hon mun di buhun di jikes ei yo dima inghat dip i? Lewo bit bon nyeni ide pung di intun him nya kin nyeni cem ibiang mun dima kan bi.

KISAH 15:28

Allah Ninnei kin nyeni nahagom nice tut yam hyet ba, minikes nicukti di buhun nindigsi nya ei jinghat dip bi noro nisok kep je tut nicukti di bon ninyeng.

GALATIA 6:13

Yo di ibrim ighyet eisi tut midut sunat ingkek ndok tut Puig Yahudi niggai serti. Iwit huk je tut midut sunat leu binhyepo inggei sut gi jikuk je bak midut dima.

YOHANES GI NIGOM 5:3

Lewo ningon ngakei Allahti bindei ba, ibit nicuk nyeti nya sindam lene nicuk nyeti nya buhun tak nye bi.

NINGAT-HI-NGAT NYA 2:24

Noro tut je di nindigsi ei minu ndig Tiatira e, jibit nihyet di kinei dima bijingon ki tut Bilis de mimun di jo nding nya bi. Dipai bijengkom bipia diba mun di buhun hi kin bu bikum bibuhun tak je bi.