MATIUS 23:28 - ALLAH NIHYET MEM TUNGWATU NYA

²⁸ Jeni cem jinok gima. Jibon jenti nok yo di ingon sren ei tungwatu nya igyai him noro jingon bei mpiei bimpung tut jingon canti kin jide sisar.”

MATIUS 23:28 ပူးပေါင်းရင်းမြစ်များ

MAZMUR 51:6

Dibon sisar tut Na di Allah Nangkom he ba, diyai mun di apai sut bipia kinei bibor tu. Gima rino ayai mun di igbit tirigi akes hukum ei da dip. Akos tutti nya sren-srau kei.

NIPINGOK NINGONTI 26:26

Mbro nok gino no dima ku nide nigga biborti bijo nding lo, nindigsi nya yahagom mingat niyai munti di kinei nya.

MATIUS 23:27

Aye! Notou mem je di guru Puig Yahudi nicukti kin je di Farisi nya i? Jingon can yo! Lewo jinok jui dip di iba ap bihwen nisai bingat lo, dia-diau kei noro bei ninsi lene mpung tut nimai njum kin nimbiam ngut di mpiei.

MATIUS 23:29

“Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jiwin nabi di imai su nya ijui dip bijimau cou tig nya di itas ei jui dip di yo di ingon sren nya ide.

MATIUS 23:5

Igyai kep igyai kepti nya hagom brei bou tungwatu nya igyai him he. Ikui li ba, indei miep ho di ayat joti nya binap ninggrun di jei bibor bindun him ide sinsun ndok di jei ninghas him cem,

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

GALATIA 2:13

Lene mben Yahudi di ingon jo kep nindigsi nya cem sindi iba ingon di mang bisinggre bibit Petrus niyai kepti. Lene yahak mun di kinei dima ei Barnabasti bibindei ba, noni cem tti kin yok.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”