MATIUS 23:23 - ALLAH NIHYET MEM TUNGWATU NYA

²³ Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jikwas jide mun di bindei di njita nyop kei gom leu ningot gom tut Allah. Noro jiba jinghim bak mun di bon ninyeng ei Allah niggai serti nok ningon srenti kin ningondut yamti kin ningon gomti. Suar jiyai igbit mun dini yok lene ma jingon prion ser nicukti nya pima cem au.

MATIUS 23:23 ပူးပေါင်းရင်းမြစ်များ

NIPINGOK NINGONTI 21:3

Ayai munti nya di igbit ba, sren kei cem kei bibor ei tuhan niyai him dor njiriek midut di abon ei nimbar hum dokti bak Noni.

YESAYA 28:25

Gino noni tin ei nide dihyei dima tu lene ba njita ngan di nok jintan ninjep nimmun kin jintan ninjep nitiei bigimahap dihyei dima. Noni ndim gandum ngan ninyeng can ei miai ngatti lene ndim njita ngan nindigsi nya ei ninghas him.

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

HOSEA 6:6

Diyok dingon mem gima jingon jo kep Da kin gi jingon ngakei Da ba, mun nyeng can dini bon ninyeng nindig bibor dor njiriek nindig mindhe-ndhe ei nimbar hum dokti bak Dati.

IMAM NYA IDE MIDYAI 27:30

Tut jide gandum ngan kin biei ngat nya di ntun jide miaisi nya hagom him lene tuhan ma gom leu ningot gom gom leu ningot gom lene nok bou No nok Nide.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MATIUS 12:7

Allah Nihyet pai Allah joi sut gima tungwatu nya ingondut yam leu gi ikos mindhe tut ninggrom he. Gino jikan igbit tut ningginausi dima ne mijipai kep yo di ingon ngun nya bi.

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

LUKAS 11:42

Aye! Buhun bibor mem je di Farisi nya! Lewo jikwas jide mun di bindei njita nyop kei gom leu ningot gom tut Allah noro jiba jinghim bak ningon srenti kin ningon ngakei Allahti. Suar jiyai igbit mun dini yok lene ma jingon prion ser nicukti nya pima cem au.

LUKAS 18:12

Diyem njita bi mbican mem nituti poi bikwop ari nitindur gom bidikwas mun di dima nya gom leu ningot gom tut Na.’

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.