MATIUS 23:15 - ALLAH NIHYET MEM TUNGWATU NYA

¹⁵ Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jimbut bidem dihyei nisurti-nipekti ba, jisigon minyei mang bibor leu binhyepo jinggok tungwagom ngat di mitti kin je bibit jide puig timiei leu api jipingok ningonti bijibindei ba, ningon wer mui mbican bram yam dor njiriek je di juug dor humti jingon di mui!

MATIUS 23:15 ပူးပေါင်းရင်းမြစ်များ

ESTER 8:17

Mben Yahudi di ibong ser minu ndig kin hanjop nsi di ikwop nibou ndig de srat nibicukti dima eisi nya yahagom ingon nggei-hi-nggei ba, ingon llei bibor lene ibon pesta kep cem. Gima yok bindei ba, timiei hanjop nsi nya imang bibor iluei ingonti bicoi bit limwa Yahudi ide ningon di jo kep Allahti lewo tini bu ne idigit tut mben Yahudi di ibong srig yoti.

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MATIUS 5:29

Gino jiyai igdo hi bindei ba, jicut ei sisarti lene ma jiket jiyai njep dima leu ba, jicom ug! Gi kei rino jingut ninggre hi sar hak leu gima jingut titut yam sar ei hum njengti a.

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

KISAH 13:10

bipai binoni “He na di antun Bilis him e, atte tut mun di kei nya hagom ba, nani ne nicom biei mpup ris tungwatu nya cig ri. Nggon rino anggek tut Allah nikos tutti mem gima teu tungwatu leu sisar biyai niyaijo nijep biyok kikau ba, akes hon kan bi i?

KISAH 13:43

Niabiati tungwatu pima yok yahagom intek gimahap bingwig leu lene mben Yahudi imang bibor kin ngkiai nya di itti kin puig Yahudi ibit yok. Gima rino Paulus kin Barnabas imbrap bit yok bibiwin kep ingonti leu binhyepo iba ingon com Allah nisingat tut yokti.

KISAH 14:19

Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su.

KISAH 14:2

Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya.

KISAH 17:13

Tirigi mben Yahudi ei minu ndig Tesalonika imiap Paulus ninghapti tut gi noni tri tut Allah nihyet ei minu ndig Berea cem lene induk yam kwei bihwen timiei minu ndig Berea ingonti ba, ikrau ingon tut Paulus nya.

KISAH 2:10

Frigia kin Pamfilia kin Mesir kin Libia nite di ndam Kirene ba, ibihi ikwei leu minu ndig Roma cem.

KISAH 6:5

Yo di ibit Yesus yahagom ice tut yo di igya kui Yesus ingon kanti dima. Lene idimig Stefanus di ba ningon gom bicom Yesus bibor di Allah Ninnei de nisindemti srek kwei ei ningonti cem. Idimig Filipus kin Prokhorus kin Nikanor kin Timon kin Parmenas kin Nikolaus leu Antiokhia. Ba, Nikolaus ne ngkiai noro tti kin puig Yahudi.

GALATIA 4:17

Yo di ikiek-kiek nyen Nihyet Di Kei ita ibou ei gi ibindei ba, jitti kin yok noro ingon kanti dima kei mem je bi. Ijoi sut gima jikes da ei ba, jingon nyei him yoni bu.

GALATIA 6:12

Yo di ikipon jeti di iwit huk je tut midut sunat nya ingon jei sut yonti ibrim ighyet eisi tut mun di bitut tungwatu nya itta. Gino ibrim ighyet ei Yesus nimai ei biei salibti ne mben Yahudi ihwen bit yok. Noro iwit huk je tut midut sunat leu binhyepo hi hwen bit yok bi.

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.