MATIUS 23:13 - ALLAH NIHYET MEM TUNGWATU NYA

¹³ Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

MATIUS 23:13 ပူးပေါင်းရင်းမြစ်များ

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

ZAKHARIA 11:17

Gembala di kinei di kes nimpung domba nya ei dima mitug ndei nisigion noti! Pran mibicut mimbri di kui ningkek hak. Ninda pang mijet bibor lene niyai nite bei ninda com mitu hak!”

MATIUS 23:16

Aye! Notou mem je di jinok nibou di niyai tu i? Lewo jitri tut ‘Gino tungwagom heng bitug hon Tuhan De Ig noro luei ningonti tut hanyen lene buhun bi. Noro tut no di heng bitug hon mas di jo ei Tuhan De Igti lene suar noni yai igbit nihengti dima biluei ningonti tut hanyen bi.’

MATIUS 23:23

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jikwas jide mun di bindei di njita nyop kei gom leu ningot gom tut Allah. Noro jiba jinghim bak mun di bon ninyeng ei Allah niggai serti nok ningon srenti kin ningondut yamti kin ningon gomti. Suar jiyai igbit mun dini yok lene ma jingon prion ser nicukti nya pima cem au.

MATIUS 23:25

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jipiap jide mok kin jide den nisai he bipwoi kei noro bei ninsi ne rom-rau bimpung tut mun di jiba jingon di sibut kin jidrui bou ngwakti bipos leu tungwatu nya.

MATIUS 23:27

Aye! Notou mem je di guru Puig Yahudi nicukti kin je di Farisi nya i? Jingon can yo! Lewo jinok jui dip di iba ap bihwen nisai bingat lo, dia-diau kei noro bei ninsi lene mpung tut nimai njum kin nimbiam ngut di mpiei.

MATIUS 23:29

“Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jiwin nabi di imai su nya ijui dip bijimau cou tig nya di itas ei jui dip di yo di ingon sren nya ide.

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 11:52

Aye! Buhun bibor mem je di guru Puig Yahudi nicukti nya! Kusin mem ibikau dimbou leu ningon kiti nibousi no jo bije noro jicoi kak dimbou hui dima bijinggok tut ningon kiti bi. Noro jibigen ser yo di itibap-tibap nyen ba, ijoi sut icoi kak dimbou hui dima!”

YOHANES 9:22

Nicig-nipmem nya ibuhup nok lewo idigit tut nibou mben Yahudi nya di igyok ingon gom tut bikwop no di mbot kep tut bipia ningon jo kep Yesus nok Nibou Ndig di teu tungwatu nya biyai niyaijo nijep biyok lene micom noni leu yo di inggre kin mben Yahudi ide mbusyamei.

YOHANES 9:24

Lene nibou nya ihig no dima kwei mbigom bu bibidip huk “Ma aheng bitug hon Allah ninyeng bipia ma apai mun di nijit-jau binye. Nikan tut bipia No dima ne No di bon kep sisar ri.”

YOHANES 9:34

Apino nibou nya ibuhup “Mbenjen! Abon kep sisar habiei leu apmem nisrek tut nati kikau kwei bipek ammani kep leu api abingon mem gima angginau nyeni e?” Hon kep njap dima kui ne icom noni leu yo di inggre kin mben Yahudi ide mbusyamei.

KISAH 13:8

Tungwatu nya iba nihyet Yunani bijem no di nung kui no pima ninyeng hi Elimas. Ba, no dini tte tut Barnabas kin Saulus buhum nibou ninsi ser nhyema noni ba ningon com Yesus au.

KISAH 5:28

“Nipou ne nisok kep je ngkiem ser bipia ma jitri tut Yesus ningginau jeti bak tungwatu nya au. Ma jiba jingon srip bram mun di jiyai dima yok i! Jide ningginausi digek kep minu ndig Yerusalem ba, jimbres kep nye tut Yesus nimaisi cem!”

KISAH 5:40

Leu api ihig yo di igya kui Yesus hanyen kwei leu api yo di igya ser nya imbas yok leu api isok kep yok bingkiem ser bipia ma ingginau tungwatu nya tut Yesus hanyen bu au. Gima ngwig lene ikes yok bimbut.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

2 TIMOTIUS GI NICAN 3:8

Bit leu nok Yanes kin Yambres di isrep tut Musa nipou su ba, yo dini cem isrep tut nihyet di nijit lewo intin kiek ba, ide niba ningon comti srawir tu.

2 TIMOTIUS GI NICAN 4:15

Ma angon sok kep nanti drek dip noni lewo noni srep tut nihyet di sitri tut nindig bibor.